السلام عليكم وصبحكم الله بالخير

بصراحة توني جاي من الغرفة التجارية قاعه الموارد البشرية سويت المقابلة الشخصية والحمد لله انقبلت بالوظيفة ويوم الاحد الجاي التعيين

بس حسيت بقلبي كلام ودي اقول له
تدرون متى رحت الغرفة التجاريه؟ قدمت اوراقي؟
قبل أمس

صدقوني أكثر ما كثر الله الوظايف
والتوظيف مستمر والخير واجد
لا تقعد تتشرط خصوصا انت يالي معك الثانوي
اقل راتب بتلقاه 2500
ودوام من تسع لعشر ساعات باليوم
ويومين اجازة
وش تبي بعد؟


أنا بالنسبة لي قررت أتصالح مع ظروفي وإمكانياتي
وأعيش بهدوء وأستكن
وأتوظف بالوظيفة الي لقيتها وأستقر
واقول الحمد لله رب العالمين
وانصحكم تروحون الغرفة التجارية ترى فيها وظايف والله
تخيلوا قدمت قبل امس واليوم المقابلة الشخصية وبعد يومين التعيين
ما شاء الله تبارك الله
دعواااااااااااااتكم ولا احد يتاخر عن الغرفة التجارية ترى التقديم سبت واثنين واربعاء

الله يوفقك ويرزقك وعقبال مانشوفك المدير


بس ودي لو تقول لنا ايش الوظيفه اللي انقبلت فيها وايش اسم الشركه


وهل يقبلون الدبلوم ولا لا وكم الرواتب وهل فيها تامينات

وهل باقي التقديم مفتوح ولا لا


اتمنى تجاوب على اسئلتي واسف على الاطاله

تحياتي

قبلوا كفاءة قدام عيني ما تبيهم يقبلون دبلوم
راتب ما يقل عن 2500
تأمين صحي
مميزات اخرى


انت رح قدم وبتلاقي خير

الله يجزاك خير
//
||
//
سبحان الله وبحمده سبحان الله العظيم

المشكلة الناس تبغا كل شي ع الجاهز

محد يبغا يروح يتعب ويقدم بنفسه

اقسم بالله الوظايف تدور الناس

بس زي ماقلت كل واحد يتحجج

روحو قدموا بلا كلام فاضي

ولا تجلس تسأل مو كل من سأل جاه الجواب الصحيح

ياكتر الي يفتي في شي ما يعنيه ..

روحو قدموا الله يسهل امركم يارب

ترى وربي فيني قهر من كل المنتدى

وربي تجيبو الاحباط للواحد

كل ماشفت موضوع اشوف شكوى سواء من الدولة او من الاجاانب

كأنه هم الي موقفين رزقكم

الله يكمل الجميع بعقله يارب !!


اخ باكر


الله يرزقك الي تحلم فيه ويوفقك لكل مايحب ويرضى ..

ان قدرت تعرف الوظائف المطلوبة سواء للسعودين او للأجانب لاتقصر يا غالي

ترى والله بيجيك اجر من ربي فوق ماتتخيل

الله يسهل امرك

انت رح الغرفة التجارية و قدم وبياخذون رقم جوالك
وبيرسلون لك كل يوم الوظايف الجديده
الوظيفة الي تعجبك وتختارها تراجعهم فيها ويسوون معك مقابلة شخصية وعلى طول تتوظف
كل يوم فيه وظايف جديده

طيب يا اخ باكر أنت من أي مدينه ..؟
لأني رحت لهم قالوـآ قدم عن طريق صندوق هدف بصراحه مقتنعت قدم ولد عمي وللحين ماأتصلوـآ عليه
ونحن من سكان الطائف نعاني مكتب العمل والعمال عن طريق النت خلاص والغرفه التجاريه كلامهم مو مقنع

بالتوفيق لكـ والله يرزقكـ ويرزق الجميع

متذوق انا بالرياض بس اظن نفس الشيء
لان الشركات الان ملزمة انها توظفك غصبن عليها
ويا كثر الشركات بالطايف

انت رح الغرفة التجارية بالطايف واسال عن الموارد البشريه ورح للمدير حقهم قل وظفني
عطه اياها كذا صريحة وبيخاف منك
لان شكله مخلي صندوق هدف شماعه

مبااااارك الوظيفة ...

والله يعطيك خيرها ويكفيك شرهاااااا ..

وبيض الله وجهك على النصيحة

مبروك اخوي الوظيفه
لكل مجتهد نصيب و إللي يسعى يلقى رزقه
وانت سعيت وتوفقت
الله يوفقك