بسم الله الرحمن الرحيم

السلام عليكم ورحمة الله وبركاته

الوالدة الله يحفظها ويطول بعمرها مقعدة ويصرف لها من الضمان الاجتماعي 800 ريال الحمدلله على كل حال اسئلتي التالية وياليت حد يقدر يفيدني
الحين امي مقعدة ولازم لها شغالة والشغالة تبي راتب والوالدة يوم يتوفى ابوي الله يرحمه ماعنده لاراتب تقاعدي ولاشيء يعني على الله ثم على العمل الحر ، الحين الضمان الاجتماعي ليه او بالاصح وزارة الشئون الاجتماعية ليه ماتنظر لمثل ظروف الوالدة يعني اخواني ماعندهم ماعند جدتي واصلا ناسين ان عندهم ام < تحمدوا ربكم !
انا رحت وسألت ماافادوني بشيء يعني الكلام هذا من فترة مدري يمكن تغير نظامهم او شيء الله اعلم .؟هذه النقطة الاولى
النقطة الثانية انا رحت لجمعية البر الخيرية اللي في البديعة سألوني الوالدة وين ساكنة قلت السويدي قالوا مانقبلها روحي للشفا رحت للشفا قالوا ارجعي لهم وعلى هالحال الين في الاخير ماقبلوها مع العلم اني جايبه الاوراق والتقارير الطبية وكل اللي يحتاجونه بس ماادري وش سبب عدم قبولها .؟ سالتهم قالوا انتهى التقديم وكل ماسمعت عن تقديم الجمعية رحت ونفس الكلام انتهى التقديم ..؟؟؟!!
ومرة جلست جنب حرمة ماشاءالله الله يرزقها ولايحرمها قالت لي غريبة يرفضون طلب الوالدة وهي هالحرمة ماشاءالله تستلم من الضمان وتاخذ من الجمعية وقالت لي بعظمة لسانها انها بخير بس هذا رزق من الحكومة مو منهم !
رحت قدمت لها في الديوان الملكي وبعد سنتين راجعتهم قالوا رفضنا طلب الوالدة .!
امي الحمدلله راضية بنصيبها ورزق رب العالمين بس هي عايشة لحالها يعني فاتورة كهرب وفاتورة جوال هل تعتقدون الضمان كافي ..!!!!؟؟؟؟؟؟
وعلى فكرة هي جالسة في بيت ولدها وولدها هذا عاق من الدرجة الاولى يعني بكرة ولاعقبها بيطردها تخيلوا يسحبها في المحاكم حسبي الله عليه ولايوفقه يبيها تطلع من البيت!
على فكرة لايظنون مشرفي ومراقبي هذا القسم قصدي من كتابة حالة الوالدة اقصد به تبرع او مساعده لاوالله وربي يشهد على هذا الشيء إن شاءالله ..؟
لكن الضمان 800 ريال والجمعية ماقبلتها ..؟!! ماهو الحل برأيكم
جزاكم الله أحسن الجزاء ووفقني الله وأياكم لما يحبه ويرضى
وصلى اللهم وسلم على سيدنا محمد أفضل الصلاة والتسليم