ادمعت عينك بدل دمعها دم؟؟

جوررري · #1 (**permalink**) 08-06-2007, 12:30 AM

قصيده ررررررررررررررررررررررائعه واتمنى تعجبكم...

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني في زماني عن طريقي ضايعـه

قلت انا ماراح اطـول كلبوها كلمتين *** وابعـدت عني شويه ثم جتنـي راجعـه

قالت اسال واضح انك من رجال طيبين *** بس هرجك يالسنـافي كان وشهو دافعـه

قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه

اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عشقهـا زارعـه

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه

قاطعتنـي بقولها سبحـان رب العالمين *** كـررتـها مـره .. ومرتين .. ورابعه

قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه

قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!
م
ن
ق
و
ل
ه

ودمتمممم.......

ادور وظيفة · #2 (**permalink**) 08-06-2007, 04:51 AM

صح لسان الشاعر وتسلمي على النقل المميز
واسم الشاعر اعرفه مير ضاع عن بالي

روح وأنت عاطل · #3 (**permalink**) 08-06-2007, 06:30 AM

على فكرة أنا سعود اللي دايم يتعللون عنده الشعار<<< متأثر بالمسلسلات البدويه

صح لسان الشاعر ويعطيك العافية على النقل الرائع

العنا · #4 (**permalink**) 08-06-2007, 06:52 AM

كالعاده مميزه في طرحك
قصيده اكثر من رائعه
تحياااتي لك

جوررري · #5 (**permalink**) 08-06-2007, 07:10 AM

أدور وظيفه,,,,,,,,,,,,,,,,صح بدنك وربي يسلمك من كل مكروه وشر...وياليت تجيب اسم الشاعر لاني ماعرفت لمن هذي القصيده....

روح وانت عاطل,,,,,,ههههههههههههي جعل ربي ايامك كلها سعاده ان شاءالله...وصح بدنك ويعطيك العافيه.....

بنت تميم,,,,,تسلمووووا ويعطيك العافيه...والتمييز هو مرورك هنااااااا...

عايش بليا حلم · #6 (**permalink**) 11-06-2007, 04:06 PM

صح لسان الشاعر وتسلمين على النقل

جوررري · #7 (**permalink**) 12-06-2007, 02:14 AM

عايش بليا حلام الله يسلمك من

كل مكروه وشر..ويسعدك ربي...

جانيت · #8 (**permalink**) 12-06-2007, 03:41 AM

روووووعة

جوررري · #9 (**permalink**) 12-06-2007, 08:25 AM

جانيت يعافيك ربي,,,والاروع هو مرورك,,,وهذي ورده لك...

SLOoOM · #10 (**permalink**) 12-06-2007, 11:09 AM

صح لسان قايلها
سلمت اناملك على النقل الرائع

يعطيك العافية جوررري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تسجيل الدخول

ادمعت عينك بدل دمعها دم؟؟

الشعر والنثر

ادمعت عينك بدل دمعها دم؟؟