السلام عليكم و رحمه الله

الاسبوع القادم عندي مقابلة في مستشفى الحبيب

ياليت احد يفيدني

عن طريقتهم في اجراء المقابلة و الخطوات الاحقة بعد المقابلة و هل هناك اختبار ؟


ياليت تردون علي بسرعه

و الله يوفقني و اياكم

اولا الله يوفقك

ثانيا المقابلة الشخصية تختلف من مستشفى لمستشفى لكنهم يتفقون في شئ

إذا حطوا في بالهم إنهم بيوظفونك بيوظفونك ..

إنت خليك بشكلك وطريقة أسلوبك بالكلام مهمة وخلك دوبلوماسي وإيجابي

ثم إيجابي ثم إيجابي بكل إيجاباتك .. وإنك تفهم بالحاسوب وببرامجه حتى لو

بعض البرامج ماتفهمها .. وخلك واثق بس مو بقوة ..

وحاول تركز بكلام السائل وأسئل الريسبشن عن معلومات العاملين


خصوصاً الي بتكون بمجالهم مثل الراتب وهذا مهم .. عشان تحدد مقدار

الراتب .. وهذا حقك إذا شفتهم يبونك بقوة تكلم عالراتب بكل أريحية

وإذا شفتهم نص نص .. خلك ساكت أزين.. إلا إذا سألوك

قول أنا أتشرف اني اتوظف في هالمستشفى بالذات

وانا ماراح اقصر ابداً .. ومن هالحكي

أما كيف إختبار الحبيب بذاته الله أعلم ( تكلمت بشكل عام )

وزي ماقلت لو يبونك بيوظفونك بس خلهم يختارونك وهم متأكدين لا تشككهم بقرارهم

والله يوفقك

ياليت تحدد اي حبيب فيهم

فيه طارق الحبيب عيادات نفسية ( مركز مطمئنة )
وفيه سليمان الحبيب الي هو مستشفى طبي ..

ما هي الوظيفة المقدم عليها حتى نقدر نفيدك أكثر ؟

بالتوفيق

احلا عالم
شكرا لاضافتك المفيده

shakshak

غاده محمد

انا قدمت على مستشفى الحبيب المركز الطبي

و لا اعرف ايش الوظيفه الي ممكن يرشحوني لها



انا قدمت اوراقي و قالوا تعالي و سويت مقابلة مبدئية و قالوا لي هم في مقابلة ثانيه

و انا محتارة كيف طريقتهم ....
*******************

و الف شكر لردوكم و انتظر كم ....

اذا لها علاقة بمجال ( السكرتارية و الاستقبال و ما شابهها من وظائف ادارية ) مو وظائف طبية

فغالباً ما يكون فيه اختبار عملي و نظري بعد المقابلة الاولى
حتى يشوفون مهارتك عالحاسب و يشوفون برضو طريقتك بالتعبير باللغة الانجليزية سواء عالورق و الا شفوي

الله يسهل عليك يارب
روحي و انتي مرتاحه و ماخذه كفايتك من النوم حتى تقدرين تحلين في حال طلبوا منك تقديم اختبار معين

الف شكر يا غاده

و الله ييسر الامور

وعليكم السلام ورحمة الله وبركاته

بالنسبة للمقابلات انا بتكلم بما اني مالي 3 اسابيع من اخر مقابله دخلتها في مستشفى دله
وانا الحين موظف ولله الحمد

اول شي واهم شي الثقه بالنفس خليك واثقة من نفسك حتى لو ماتوظفتي لان لو الله كاتب لك بتتوظفين غصب عنهم

ثاني شي خليك دبلوماسيه وجاوبي على قد السؤال يعني حاولي تعطينهم المختصر المفيد

ثالث شي بيحاولون يستفزونك بس انتي طنشي بمزاجك ههههههههه انا حصل لي مواقف كثير مثل هذي في المقابله الاولى وحاول ينرفزني بكل الطرق بس كل مازاد يستفزني انا اضحك بزياده < قهرته هههههههههه
خليني اذكر لك بعض المحاولات الي باءت بالفشل
يعني سألني سؤال مثلا تكلم عن نفسك ويوم بديت اتكلم سحب علي وقعد يسولف مع واحد برى المكتب

بعدين خلص ورجع يكلمني وسالني سؤال ويوم بديت بالجواب سحب علي وطلع يسلم على واحد
وحركات كثيره حاول يعصبني بس ماقدر يرجع كل مره يلقاني اضحك ههههههههه

المهم لا تعصبين بيسوون حركات كثير

رابع شي بالنسبة لي كانت المقابله الاولى اصعب من الثانيه < طبعا مع اللجنة النهائيه للقبول وكانت سهله

لان مثل ماذكرت لك المواقف فوق كانت في المقابله الاولى وبصراحه اربكني بكثر الحركه

يعني لا تشيلين هم دايما يقولون لجنه وكلام عشان يخوفونك بس هي مقابله عاديه جدا بس عشان يتاكدون منك
في شي بعد اذكرك فيه انا مثلك لما قدمت ماحددت وظيفه وفي المقابله النهائيه قالي وش الوظيفه الي ترشح نفسك لها < جاوبت بثقه وقلت اي وظيفه تشوفون انها تناسب مؤهلاتي وقدراتي انا موافق عليها < لاحظي معي هذي العبارة لاني وانا اوقع العقد لقافه قعدت اقلب اوراق الملف وشفت طبعا الاستمارة الي عبيتها ويستخدمونها في المقابلات مكتوب فيها : راي اللجنة في المتقدم وكاتب لبق وحريص على العمل وهذي من العبارة الي فوق *_^

في النهايه ادعي ربك والله يوفقك ولا تنسين الثقه بالنفس

الف شكر اخوي
و ليتني قريت كلامك قبل ما اروح

مع انه الحمد لله المقابلة عدت على خير

كانوا 3 و مريحن جدا بالكلام
و الاسئلة

لما سالني عن الوظفيه الي ممكن اترشح لها قلت افضل الاعمال المكتبيه و التعامل مع الحاسب لان مهاراتي عاليه فيه
فاقاطعتني و قالت تخافين التعامل مع الجمهور قلت لا بس افضل <= مادري اعجبهم ولا لا كلامي الله يستر و ييسر الامور



و ما ادري ايش الخطوه الجايه ......؟



لكن شكراا للجميع من رد

ياليت تعطينا خبر كيف طريقتهم بالأسئله

انتظر الرد