السلام عليكم ورحمة الله

اخواني بما اني ما اجيد المقدمات بدخل في الموضوع

انتم عارفين كثير من الشباب في القطاع الخاص

ورواتبهم من 1500 الى 3500

س 1 كيف يتزوج وكيف يأمن مسكن وغذاء وسيارة

وانتو عارفين الحين كل المواد الغذائية والاستهلاكية

اسعاراها في تزايد مستمر والرواتب دايم مخصوم منها


وعندي سؤال ثاااني

للبنات

تقدم لك شاب محترم يصلي ووسيم لكن راتبـة 3000 ريال

تقبلين الزواج فيه او لا ......؟

أتمنى الردود تكون واااقعية

-----------------------------------------------------
-----------------------------------------------------
-----------------------------------------------------
أخوكم عبدالرحمن بن عبدالله الموسى

بالنسبة وبصصصصصصصراحه

انا عسكري وراتبي 3500جندي أول بالجيش بخميس مشيط بالظبط مكروووف على وجهي

وداومت يوم الربوع الي هو امس ولاعاد برجع بفصصل خلاص

بروح اكمل دراسه وادور لي اي شغله

والله يسهلها يارجال

الله يعينك ياخوي

الصراحة لاتوقف عن التعليم

مدري مين قالها

اطلب العلم من المهد الى اللحد

يعني لاتوقف كمل دراسة وخلك طموح لأعلى المراتب

الله يوفق الجميــع يارب

اي والله بلاجيش بلاخفاره

عيش مرتاح وخذ شهاده حسن لك

بس نصيحتي لك خلك في عملك ولاتفصل

كمل دراسة وانت موظف ماتدري عن الدنيا

انا في شركه راتبي 3500 مع الخصم وتأخرات يصير 3400 وابي سياره وابي بيت وابي زوجه وابي وابي وابي

بس لا حياتي لمن تنادي بس لو كل سعودي يعطونه بيت الله فله احس من يعطون اللبنان وغيره انت بس عليك الزوج واسياره احلي والله امنيتي عندي بيت اعزم كل المنتدي عندي الله هههههههههههههه واذبحلكم فيل عشانكم كثيرين هههههههههههه لا اقول لايكثر

شوف ياطويل العمر

انا موظف على مرتبة الثالثة راتبي بحدود 3700 طبعا نقص منه 943 قسط بنك 500 بنك تسليف يبقى طقريبا 2200
أكيد مافي شك الراتب مو بلحيل وانا إنسان متزوج ولدي بنت وبيت ومصاريف وتباعة بس الحمدالله أنا الآن لي لا يقل عن سنة و3 أشهر متزوج في خلال هذه الفترة مريت بي ظروف كذا وكذا يومين حلوين يوم مو حلو بس العجلة مازالت ماشية يلي يخليني أتحمل سنة يخليني أتحمل 4 سنوات لين تطيح الأقساط بعدين أتفل في وجه موظف الراجحي وقولة عطوني تحويل راتب إلى بنك ثاني يالصوص ياحرامية
بس الحمدالله وش نسوي نجلس عزوبية وعمري بي يطرق 30 مايصير طقها ولحقها جت جت ما جت ما جت المكتوب ما منه هروب ياصاحبي


وفي ملاحظة أنا شخصية لاحظتها يوم نويت الزواج والله لا إله إلا هو يوم أروح أخطب البنت إن ريال ماعندي طفران اللهم الثوب يلي علي وشماغ مغسلة دينة سلف يعني
وحدد الزواج بعد 6 شهور
ياولد 6 شهور وش تسوي بس في خلال هل فترة قدرت أجمع مهر البنت قيمة الأثاث مدري شو ما أحد ساعدني اللهم الوالد جزاه الله خير عطيتة المهر وباقي علي يمكن 1800 وزاده هو من عنده

أعرس بس الله بي يرزقك مو لازم تعرس ونت تاجر أعرس ونت طفران يغنيك الله
وبي توفيق للجميع

حبيبي الرزق بيد الله فيه واحد متزوج والله ما عنده لا دخل ولا وضيفه معه سياره يشتغل بها كداده والله يوفق




لاجميـــــــــــــــــــــــــــــــــــــــــــــ ــــــــــــــــع

الله يوفق الجميع يا اخوان

لاكن اتمنى كل واحد يقول تجارب صعبة مرت عليه
وكيف قدر يتخطاها

راتبك 3 الاف تقدر تتزوج
بشرط مايكون عليك اقساط وراتبك يكون لك ضمن مصاريفك الشهريه لا وتقدر بعد توفر منه وخاصة للي ساكن في بيت ملك مايكون إيجار
احنا عندنا مشكلة في قضية المصاريف .. لأننا نصرف ع الطالع والنازل والي نبغاه ولا مانبغاه
لكن لو تحدد لك ميزانية معينة في الشهر ماتتعداها وتضبط مصاريفك راح بإذن الله تتسهل امورك
والحياة تحتاج منا صبر وكفاح ومافيه شي يجي بسهوله 000 وفترة إلين الله يفتحها عليك ويصير دخلك أعلى من كذا

بارك الله فيك