يا عاطلة للأبد الله يوفقك ويستر عليك بعد انتي لازم يكون عندك خلفية عن نظام الخدمة المدنية لان شهادات الشكر والدورات اللي عندك ما تنفعك في التوظيف الرسمي وحسب الآليات المتبعة في نظام الخدمة المدنية المنطبقة على أجهزة الدولة الرسمية هي الدورات القصير( ستة أشهر ومافوق ) يعني شهادة شكر ، وخبر في شركة بدون برنت من التأمينات ما ينفع الله يهديك .

وإذا بتدورين في القطاع الخاص بتحصلين ان شاء الله ، بس شبابنا ما يبون قطاع خاص لان عمله اطول من الحكومي ، بس ورب البيت فيه فلوس وعلى الأقل يعطون الموظف حقه .

وبالمناسبة أعرف واحد معرفة شخصية من جامعة الملك سعود كان على المرتبة السابعة ، فصل واستقال وراح لجريدة الحياة قبل سنتين واعطوه دبل الراتب تماما .

وبرضوا انا قبل سنتين كنت اشتغل بشركة سياحية ، كان المدير الاقليمي فيها من الجنسية الأردنية كان راتبه 42.000 تصوري اثنين واربعين الف ريال .

اتمنى من كل الشباب والبنات
انهم يضعون خطط لمستقبلهم يعني ما يروحون يدرسون شي حي الله !
لازم يشوفون هو معتمد من الديوان ، وهل هو تحت نظام الخدمة المدنية أو لا
وبرضوا الشركات اللي بتشتغلون فيها لابد يكون فيها نظام التأمينات الاجتماعية علشان تحسب لكم الخبرة .

هذا الكلام كله بعيد عن محور النقاش الأصلي ، وعودا على الموضوع الأساس نقول مالك أي حق بانتقاد الأجانب في بلدنا ، صحيح نتفكر في وضعهم وكيف وصلوا لها الدرجة من الاكتفاء المادي ، بس على سبيل السخرية والحسد هذا شي غير مقبول بتاتا لأننا مجتمع حضاري وواعي والحمد لله .