قصيدة جميلة للشاعر : سعيد الأكلبي


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="groove,3,silver" type=0 line=0 align=center use=sp num="0,black""]
البارحه يوم كلٍ راح لفراشه=عيّـنت هم الوظيفه ماخذ فراشي
الناس في حالها تمشي ومعتاشه=وانا على ذمة التحقيق منحاشي
اهل الوظايف صلاة الصبح غبّاشه=وانا على مرقدي كني بالانعاشي
كلٍ تجوّز واخذ له يا عرب باشه=واصبح مع الناس مبسوطٍ ومعتاشي
شريت لي غترةٍ بيضا ودشداشه=واقبلت صوب المكاتب كني الشاشي
قال الموظف ملفك وسطه قراشه=كسرة تميسٍ عليها الذر يهتاشي
صديت مابي سواليفه وفرفاشه=مانيب في حال مزّاحٍ وفرفاشي
لو شغّلو لي مسلسل خاله قماشه=والا ثلاثين حلقة طاش ما طاشي
القلب كنه يحَرّك فيه خرّاشه=والكبد كنه ينقشّها بمنقاشي
قلت ابك عطني دقاق الهرج واجراشه=ابي كلامٍ يطفّي لاهب الجاشي
قال انت مافيك امل تصبح فتى الشاشه=ولا شريطي تبيع وتشتري كاشي
وشهادتك حطها الديوان بخياشه=وطافت عليها السنين ونسبتك ماشي
والا عيونك تقول عيون خفاشه=وحده تكبّس والاخرى تضرب فلاشي
وان قمت تمشي يجي رجليك رعّاشه=كنك تشوّت كوور في وسط الاحواشي
احسن لك تروح سوق البدو وعشاشه=تبسط على فصفصٍ وتبيع فشفاشي
عودت ما عاد ابي سمه وطرّاشه=الله ولا حاجةٍ تجبرك باللاشي
اليوم الانسان تقديره حسب كاشه=لو كان ماله منسيه الترواشي
حوايجه تنقضى وتجيه برماشه=لو ان مخّه معبا تبن وخياشي
لكن قالو لها دنيا وغشاشه=واقول انا كل نفس ورزقها ماشي
[/POEM]

الضيم


الله يسلمك و يعطيك العافية على الاختيار الحلو .... بس ياليت اصداء هذه الاصوات تصل الى مسامع المسئولين في اتخاذ القرارت .

الضيم,,,,,,ويسعدك ياررب..

بالفعل قصيده تحكي عن معاناه العاطلين.....وربي يوووووووووووفق الجميع ويفرج هم الجميع ياررب...........

قصيدة جزلة من شاعر مبدع وتسلم على النقل

تسلم على النقل والله يعطيك الف عافيه