السلام عليكم ورحمة اللة وبركاتة

قوة اخواني أخواتي شخباركم انشاء اللة بأحسن حال صراحة أعجبني المنتدى وتفاعلكم وتعاونكم ويا بعض قلت ادش اخذ بنصيحتكم مابي أطول اتمنى تفيدوني انا الان ادرس بكالريوس تخصصي فيزيا باقي لي سنتين وأتخرج وأبي اخذ دورات شنو الدورات الي تنصحوني فيها وتفيدني بتخصصي
بعد التخرج وشهادة الدورة راح يكون تاريخ اعتمادها قبل تاريخ شهادة تخرجي هل راح تنفعني أو لازم بعد التخرج اخذ الدورات

اتمنى تفيدوني بأسرع وقت ..تحياتي لكم

والله انت تخصصك فيزياء ما اتوقع فيه دورات بتفيدك في التخصص عندنا في المملكه برا ممكن وما شاء الله تخصصك يبغونه في المدارس واذا تبغى دوره حلوه ومرغوبه الرخصه الدوليه بس تراااا ما بتفيدك في التخصص

والدوره خذها متى ما بغيت تبغى الحين بعد ما تتخرج هيه هيه ما راح تفرق

وعليكم السلام ورحمة الله وبركاته
هلا فيك

بصراحه انا اشوف لسى بدري على الدورات وباقي لك سنتين لأن بعض الدورات تثبت مع التكرار والممارسه مثل دورات كمبيوتر وتكون في وقت حاجتها أفضل لكن اذا انتي حابه دورات تنفعك بدراستك مثل الأنقليش فهو حلو تااخذينه ..لكن تحطين في بالك ان عند التوظيف يطالبك بزمن الدوره اللي انتي اخذتي فيه لأنهم يشوفون تاريخ بدأ الدوره وتاريخ انتهائها واذا مر عليه سنتين او اكثر فإنهم يعتبرونها مالها فايده في سي في حقك
هذا اللي عندي والقرار بيدك ..والعلم على كل حال مطلوب حتى لو بدون شهاده

موفقه,,

دورات الحاسب أو أي دورة لاتحتسب في ديوان الخدمة المدنية إلا بعد تاريخ الوثيقة يعني بعد التخرج
وبالتوفيق للجميع

خلي الدورات بعد التخرج احسن وركزي على دراستك وانا اخوك وجيبي معدل طيب والدورات لاحقة عليهن

بس للاستفادة الرخصة يمدحونها لكن ماراح تحسب لك والله اعلم

السلام عليكم

نصيحتي لك انك تاخذين دورات لغه وهذي اللي لما تقدمين على شي يفيدك كون لغتك جيده جدا
هذي نقطه

من ناحية الوظائف الحكوميه فانصحك تبدين بالدورات بنص آخر ترم بحيث ان تاريخ الشهاده يكون بعد تاريخ التخرج

لان الدورات قبل التخرج غير محسوبه بالمفاضله على الوظائف الحكوميه اما القطاع الخاص فغير مهم تاريخ الشهاده بقدر ما تهم المهاره

يعني الحين خلي تركيزك من ناحية الدورات على اللغه فقط


مع الف تحيه وبالتوفيق

الله يوفق الجميع

مثل ماتفضل الاعضاء السابقين الدورات قبل التخرج لا تحتسب بالديوان , لكن نصيحه خذي لك دورات لغه انجليزيه بس تكون قويه ومارسيها لانها مهمه

مشكورين حبايبي اللة يسلمكم ماقصرتوا خسارة كنت اتمنى اخذ الدورات عشان اذا تخرجت تكون وياي وانا الحمداللة اخذت كورس انجلز من تخرجت من الثانوي

اللة يوفقكم تحياتي ..

خذي دورات حاسب بتستفيدين منها مرره