السلام عليكم ورحمة الله وبركاته

ياأخواني تدرون أن فيه صرف 150ريال لكل يوم يراجع فيه المريض مستشفى الملك فيصل التخصصي بالرياض من خارج مدينة الرياض وهذا المبلغ يصرف للمريض ومرافقه وزوجي أحدى مراجعين التخصصي لانه مصاب بالسرطان من سبع سنوات والمفروض يصرف له المبلغ حق كل السنوات ولكن المشكله ان ملفه ضاااع في الهيئه الطبيه بجده وما احنا عارفين كيف نطلعه عشان نحصل عى المصاريف والمبلغ بيصير عالي وبينفعنا خصوصا ا ما عندنا لابيت ولا سياره ولا الضمان ولا شي فكيف الطريقه يا اخوان اذا احد عنده معلومه او حل يرد لي خبر الله لا يحرمكم الاجر

اي سمعت وسالت عن هالنقطه

ومحد جاوبني

نبي حل لان هذي حقوقنا

ممكن اعرف كيف التقديم

انا اراجع التخصصي ولا قد سمعت بكذا واذا هالكلام صحيح وش الجهه اللي تدفع المبلغ هذا للمريض ؟

أخوي مراااسل عاام لازم مثل ما قلت تكون من مراجعين التخصصي خارج مدينة الرياض وراح تحسب لك انت والرافق كل واحد 150ريال عن كل يوم رحت فيه الرياض يعني روح الهيئه الطبيه من الي تاخذ منهم تذاكر الاركاب وروح لقسم الصرف وأسال لازم يكون ملفك عندهم لانه على اساسه يطلعون المواعيد الي قد رحتها وان شاء الله اكون افدتك وترى ماراح تاخذ وقت ناس خذوها بسرعه بس احنا المشكله ضيعوا ملف زوجي حسبي الله عليهم روح ولا تتاخر الله معك وياليت تخبرن وش صار معك

مشكووره على ردك فهمت عليك

كلامك صحيح
ويسمونها الإعاشة النثرية للمرضى ومرافقيهم
بس متأكدة من المبلغ إنه 150 لكل واحد سواء المريض والمرافق يعني تصير 300
طيب كيف طريقتهم بالحساب وتشمل ايه؟؟
يعني بس المواعيد ولا كمان التنويم
ولا بعدد سنين المراجعة؟؟
للاسف مادريت عنها الا بالصدفة
وكلامك أكد لي انه صحيح...