8
8
8
8
هذا اقتراح وليس مقال
يندرج تحت (الخطابات)

لكن لايمنع من التعليق عليه
مسألة ان كل شخص له احقية بان يستخرج سجل تجاري فهذا غير جيد للبلد وللصالح العام
لان كل من هم ممنوعين من استخراج سجلات تجارية هم الموظفين
ولان الموظف لديه عمل وعمله اولي بان يتابعة وان يهتم به فمن غير الجيد ان يكون لدى هذا الموظف اعمال تشغله عن اداء عمله الوظيفي بشكل جيد. ممكن يؤدي الى اخلال في خدمة المواطنين .
وهذا لمسناه ايام التداول في الاسهم
حتى المدرسين تركوا مدارسهم والطلاب وانشغلوا في الاسهم حسب ماسمعنا .

اما بالنسبة لايجار الارض فهذا جيد.
لكن في منطقة مثل الرياض لا اعتقد ان هذا الامر سيؤدي ثمارة الا بعد عشرين سنه من بداية تنفيذ الامر
لانه اقرب اراضي سكنية مؤهله تملكها الحكومة تبعد عن الرياض 20الى 30 كيلوا فهذي من بيسكن فيها !!؟
والباقي كلها مشبكه ومسورة وعليها صكوك . هذا بالنسبة لاقتراحك وبالنسبة للقرار الاخير عن بناء مساكن للمواطنين وايقاف منح الاراضي
فهذا القرار جيد لكن وين هالارضي الى بتوزعها الحكومة للمواطنين كم كيلوا عن الرياض ؟؟؟
وهل في احد مثلا بيسكن في الثمامة مثلا ؟؟؟
او على طريق القصيم بعد صلبوخ !!!
الى ماعندهم سكن ملك بالرياض
بتقولون اي عادي
لكن الموظف والى هو اغلب من اتى للرياض اكيد انه ماجاء الا عشان دراسة او وظيفة هي الى اجبرته على الرياض وزحمته ..

لكن اي واحد من سكان الرياض دوامه مثلا بوسط الرياض
ماراح يسكن في بيت عن دوامه50كيلوا
القرار لن يكون مجدي الا بعد عشرين سنه واكثر اذا توسعت الرياض ووصل البنيان وغطى الاماكن التى الان هي اراضي فقط ولا يوجد عليها بنيان
وهذا القرار تاخر
وحتى لو بداء العمل به
ماراح يبدون فيه الا بعد 5 سنوات
او اكثر

وبالنسبة للتدريس الخصوصي
محد منع التدريس
عادي انتي اذا تقدرين تدرسين تحطين اعلان باي مكان وتدرسين
اعرف سعوديات يدرسن خصوصي وبهذا المنتدى قريت اكثر من رد لبنات يدرسن
لكن شغلت انه لازم ترخيص وخرابيط عشان الواحد يدرس هذا الى محد يبيه
وبعدين اخلصك
محد يبي يدرس اولاده سعودي او سعودية
مع ان ابناء البلد اولي
بس محد يبي

المقال ينقسم الى مقال ذاتي ومقال موضوعي

ويقسم المقال سواء كان ذاتياً أو موضوعياً في كتابته إلى ثلاثة أجزاء

1/المقدمة

2/ العرض

3/ الخاتمة

فما ادي اين المقدمة والخاتمة وحتى اذا حسبنا الحشو الى باول الموضوع مقدمة وين الخاتمة
فقط عرض اقتراح وكما ذكرت ينطوي تحط العروض او الخطابات ولا ينتمي للمقالات
المهم ماعلينا سميه ماشئتي ولكن لايصح الا الصحيح
نجي لموضوع التراخيص التجارية
تقولين تأجرينه ؟؟
على من يتم التأجير ؟

مادام الترخيص حسب طلبك يكون لجميع السعوديين بدون استثناء فالكل لديه ترخيص بعد القرار اذا لمن تاجرينه الترخيص ؟؟؟


بالنسبة لقرار الاراضي انا اقول قرار الدولة جيد
في انها تضع بدل القرض وبدل المنح منازل جاهزة
لكن اعيد واكرر القرار لن يأتي ثمارة الا في حدود عشرين سنه في الرياض
الان 20كيلوا عن الرياض مملوكة
اراضي تابعة لقطاعات حكومية ومزارع ووالخ
يعني يبلينا عشرين سنه عشان تمتلي هالارضي او حتى ع الاقل تتوسع الرياض
يعني نجي مثلا على طريق القصيم او طريق الدمام او طريق الحجاز
وحنا طالعين من الرياض
اذا طريق الدمام بتمشي الين تتعدى مفرق رماح وانت على يمينك اراضي ويسارك اراضي مملوكة
واذا طريق الحجاز بتمشي الين تتعدى الرياض ثلاثين كيلوا مزارع واستراحات
واذا طريق القصيم بتمشي لين تتعدى الكلية الحربية والشعبان الى بعدها وكلها ارضي اما ملك لقطاعات حكومية كالجيش او ملك بصكوك
يعني بالعربي مافي فايده من هالقرار الا بعد ما تتوسع الرياض وتتغطى اراضي المنح والاراضي المملوكة او يتم نزع الاراضي المملوكة وتوزيعها على المواطنين.
الكلام سهل الحين الى سمع قرار الملك يقول بس خلاص كلها سنتين واملك بيت
وووووين والله يالعشر سنين الجاية انك ماتحصل حتى شقة
الحين يبون لهم 5 سنوات دراسة وهذا اذا ما الغوا القرار بعد
مافي اراضي قريبة
الا في حالة وحده انهم يبنون بيوت بعيده عن الرياض 40كيلوا ويوزعونها
لكن بالنسبة للي خارج المدن الكبيرة اتوقع بيستفيدون خصوصا القرى والمحافظات الصغيرة لانه المسافة بتكون قريبة والمخطاطات ماراح تكون بعيده عن هالمحافظات او القرى
وحتى لو بعيده ماراح تكون اكثر من 2الى5كيلوا عن قلب المحافظة او القرية
لكن حديثي للي بالرياض

للايضاح فقط
بالنسبة لقرار المساكن هذا انتهى والناس تطالب من زمان بعد ارتفاع اسعار مواد البناء بان يجهز للمواطن منزل جاهز مثل جميع الدول الخليجية
لكن القرار ماتم البت فيه واقراره الا قبل اسبوع
والحمد لله هذا شي طيب وفي مصلحة المواطن
لكن بالمدن الكبيرة ماراح يؤدي ثمارة الا بعد 20 سنه او ان تتوسع هذه المدن بسرعة
وانا وغير ماراح يسكن في بيت ويدفع اقساطة كأنه مستاجرة وهو يبعد عشرين او اربعين كيلوا
والا يعني تفكرون بتسكون ببلاش
المسكن هذا تبع هيئة الاسكان وبسعر رمزي يعني نقول بالشهر الف
والا مايدفع يطلع
هذا غير عن الصندوق العقاري
انا مع ولست ضد
لكن الفايدة المرجوة منه بعيده وهالقرار تاخر كثير

عقبال الدولة ماتطلع لكل مواطن ترخيص مشروع
ومنزل
وكمان انا اطالب براتب لكل فرد
وسيارة
ومهر
وكل شي يحلم فيه
والمواطن يحط رجل على رجل
وانا برسل هالاقتراح الاخير لمجلس الشورى
والاجانب يجون يعملون وخدمونا بكفوف الراحة
ونعيش بهناء وراحة

وتلغي الدولة قرار تجريم التستر التجاري وتخلي المواطن يؤجر الرخصة علي الاجنبي

اخي H 2 أحببت أن أسجل إعجابي بقلمك رغم قسوته في الطرح إلا إنه لايحيد عن الواقع فالى الامام فمعجبينك في إزدياد

اختي عادله كل الشكر لطرحك الرائع في هذا الموضوع