صحاري وما أدراك ما صحاري !!!

ماعندكم وظيفه · #31 (**permalink**) 15-06-2007, 09:07 AM

الرزق على الله
وبالتوفيق للجميع

__________________

قدرات عاطله · #32 (**permalink**) 19-06-2007, 02:44 AM

جـــــــــــرح المــــــــوده ..سبحان الله الذي لا يظلم عبــــــأده وينصر المظلومين وان شاء الله

ربي يبرد على قلبــــــــــك باحسن وظيفه وباحسن راتب

انا بصراحه ماقرات رد المكتب ولا راح اقراه ويكفي ردك وتوضيحك اللـــــــي من جد (يبرد ع القلب)

وطبعا اذا كان احدى التعليقات ذكر انه هذا رايك الشخصي وانه غيرك توظف عندهـم

فانا اقول انه غيرك يمكن تنازل عن حقوقه وهذا اللي مانرضاه وثاني شي انه اكثر من عضو ذكر نفس معاناتك مع نفس المكتــــــب

ثالث شي وهو الاهم انه حنــــــــا عاطلين ومالنا اي هدف نسئ سمعه اي مكتب للتوظيف

رحنـا ودفعنا مبلغ ليش ؟؟ عشان نلقى وظيفـه ونجرب كل الطرق

اخي العزيــــز انا مجربه احدى المكاتب واللي للحيــــن يدقون يعرضون علي وظايف

والوظايف وشو يا استقبال بمستوصــــــــــف او مستشفى وهم عارفين اني رافضه من كتابه العقد انه مابي اختلاط ولا شغل مستشفيات

والحين اذا شفت رقمهم ارد وانا عارفه وشي الوظيفه

طبعا الرسيبشن بالمستوصفات للبنات = وشغل السيكورتي للشباب =هذي الوظائف اللي عندهم غيرهـا مااتوقع فيه

مــــااقول الا الحمد لله انه الله هو اللي بيده الارزاااااااااااااقوالله يكفينـا شرهم

وللمعلوميه مااشوفك انه كان كلامك فيه اساءه او جرح لاي كــــان وكان ردة فعل طبيعي لموقف صار لك

وان شاء الله نسمع خبــــر توظيفك قرريب

واسفـــــــه ع الاطاله

مالقيت شغل · #33 (**permalink**) 19-06-2007, 03:48 AM

ياجماعة لاشركات التوظيف ولامؤسسات خدمة المجتمع فيها خير

ظاهرها الرحمة وباطنها العذاب واستنزاف الاموال والقدرات

الحمد لله ان ربي عوضك من غير ماتحتاج لهم

والله يرزقك ويرزقنا ان شاء الله

على خفيف · #34 (**permalink**) 19-06-2007, 04:22 AM

بارك الله فيك اخوي وكثر الله من امثالك

هل تعلم؟؟ · #35 (**permalink**) 19-06-2007, 05:11 AM

السلام عليكم :

اخوي اقسم بالله انا ما الومك بسراحه شهاده جامعيه وبالنهايه حارس امن وربي قهر ومسخره

وبالمناسبه انا شفت موضوع صحاري هنا ورحت لهم وكلام الاخ مزبوط بالميه ميه لازم تدق الجرس ويفتحوا للك الباب طبعا رحت لهم قال موظف الاستقبال : فيه وظايف امن

انا طبعا شهادة ثانويه علمي وخبره في مجال المبيعات والتسويق لاكثر من سنتين وحاول الموضف يقنعني بوظيفة امن ورفضت وقلت له كل شخص له حرية الاختيار وحاول تكرار ومرار اقناعي ورفضت وقال لي انه فيه جامعيين اخذو حارس امن قلت له كل شخص حر بتصرفاته انا بدأت بمجال المبيعات واحب ان اكمله هل في عندك مبيعات ؟؟؟ بعد ماشافني مو يمه قال خل ملفك وبندق عليك ولا حس ولا خبر

اخوي بصراحه قمة القهر انك بشهاده جامعيه ويقولوا للك جارس امن وربي حتى بمصر صاحبة 80 مليون نسمه ما حصلت

لها الدرجه وصلت الامور

حسبنا الله ونعم الوكيل

لي موضوع اخر لمكتب توظيف يسمى الكفاءات نابعوني

والسلام

هل تعلم؟؟ · #36 (**permalink**) 19-06-2007, 05:26 AM

السلام عليكم قصتي وباختصار شديد للاسف هي كالتالي ارجو تفعيل الموضوع وذللك تضامنا معي ووقوفا بالحق ضد مكاتب التوظيف ؟؟

بدات قصتي قبل اربعه ايام عندما قرات موضوع عن توظيف فوري بشركه كما قيل في شارع فلسطيين

ذهبت احمل معي ملفي الاخضر المصون مرفقا بسيره عطره بالانجليزيه عن حياتي ومرفقه معها صورة الهويه التي تثبت اني ابن البلد دخلت الى ذللك المكتب مكتب التوظيف الذي يسمى الكفاءات للتدريب والتطوير كما اذكر اول ما خشيت لم يكن هناك احد بالاستقبال فناداني احد هم وقد كان يقرا جريده على مكتب وقال تعال هنا هوه

ذهبت وجلست واذا بالاخ مصري ويقرا الجريده ولاهو معبرني بسراحه ارتفع ضغطي قليلا ولكني صبرت وقلت له عندي ثانويه وخبره مبيعات وابي اتوظف قال لي : فيه وظايف بائع براتب 2900 ريال قلت له موافق ( ندور للرزق ) قال بس تدفع 200 ريال الان وبعد المقابله تدفع 700 ريال ؟؟
قلت له ليش؟؟ قال عمولة توظيف ؟؟
فقلت له الا يمكن طيب ان تقتصوها من راتبي بعدين كحال معظم المكاتب ؟؟

قال لا وبنبرة تكبر هذا اللي عندنا ؟ فقلت يا خي انت تعرف انه اللي بيجي يقدم اكيد عاطل وضروفه صعبه يا ليت مثلا لو تاخذوا عمولتكم بعد التوظيف ومستعد اكتب ورقه بالكلام هذا ؟؟

فرد علي بكل استهتار وهو يقرا الجريده وقال : هذا اللي عندنا ؟؟

ارتفع ظغطي وقلت : طيب احترمني وناظر فيني وانا اكلمك انا مو جاي اشحتك ؟
قال اذا مو عاقبك بلط البحر ؟؟
قلت الشرهه مو عليك الشرهه على اللي موظفك هنا وبعدين فيه قرار من مكتب العمل انه جميع المقابليين في مكاتب اتوظيف لا بد ان يكونوا سعوديون ؟؟
فتبجح وكاني اشحته وجلس يقرا جريديته ؟؟
وانا طالع قلت خللك بالجريده سيماهم في وجوههم يعني بتنصب علينا عيني عينك وخرجت والله وتذكرت وانا داخل المكتب انه كان هناك شباب طالعيين ومعصيين ؟؟ اثاريه من المصري هذا

على العموم انا رفعت ضغطه وهزأت فيه شوي سراحه عشان يحترمنا مره ثانيه
هذه قصتي باختصار ولكن يبقى السوال ؟؟

لماذا مكتب توظيف مثل هذا يوظف اجانب وخاصة ان هناك من هم اكفأ منه خبره ولباقه واحتراما من السعوديين ؟؟

السوال الثاني اين مكتب العمل عن هذا المكتب الذي يوظف اجنبي ليجري المقابلات مع المتقدميين وهذا ممنوع اصلا من مكتب العمل ؟؟

السوال الثالث : اذا كان هذا المكتب اخي العاطل لم يسعود الوظايف لديه فكيف سيسعى لتوظيفك ؟؟

اذا هناك نصب واستهتار بالمتقدميين ؟؟

ونتظر رد المسئوليين عن الاجوبه ورد اصحاب هذا المكتب الذي يدعي الكفاءه ولم يحلل الكفاءه لديه ؟؟

والسلام عليكم ورحمه منه وبركات ؟؟؟

مشاعر عاطله · #37 (**permalink**) 19-06-2007, 06:47 AM

لا حول ولا قوة إلا بالله ..

أنا ما أشره على السيء هذا !!

( إذا كنت غريب كن أديب )

لكن أشره وألوم صاحب المكتب ..

ولو فيه إمكانيه .. قدموا شكوى ..

يمكن اللي موظفه ما يدري

عن تصرفات اللي موظفهم !!

مالفائده من تذمرنا إذا لم يكن هناك

حلا رادعا وبشكل قاطع .. لهم ولأمثالهم ..

وبالتوفيق أخي هل تعلم ؟؟

مشاعر عاطله · #38 (**permalink**) 19-06-2007, 07:20 AM

أخي جرح الموده ....

قرأت مشكلتك .. وقرأت ردك ...

بارك الله فيك وفي تفكيرك وتوضيحك لكل شي ..

وألف مبروك الوظيفه ..

بجد تخصص ممتاز وبالأخير حارس أمن !!

الظاهر الشركة ما عندهم غير هالوظائف !!

من باب أولى يقولوا المكتب لتوظيف الشهادة الإبتدائية

والمتوسطه .. أو لايوجد لدينا إلا وظائف حراس أمن !

حسبنا الله ونعم الوكيل ..

مؤهلات عاليه .. ودراسه وتعب ..

وبالأخير حارس أمن ..

كون أن هناك من قبل بهذه الوظيفه

فإما أنه محتاج .. أو أنه لشغل وقت فراغ ..

ولكن شخص يمتلك المؤهلات العاليه لن يقبل بها ...

والأخوان الجامعيين اللي قبلوا فيها ..

هم قبلوا تحت وضع خاص أو لفتره مؤقته ..

لكن يستمرون فيها لا يمكن ..

والحمد لله أولا وأخيرا ...

أن الأرزاق بيد رب العالمين ..

نصيحة لهم .. اتقوا الله في أبناء وطنكم ..

وأخيرا .. وفقك الله في عملك ..

ومن نجاح إلى نجاح ...

وكل الود