تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
12-01-2010, 12:57 AM
|
||||
|
||||
اشعاار ان شااء الله تعجبكم؟؟؟
بسم الله الرحــمن الرحيم.... السلام عليكم ورحمه الله وبركاته وبعد اخواني واخواتي حبيت انكم تتطلعون على هذي الاشعار وانشالله تعجبكم انشالله!! ماتت امانينا ماتـت أمانينـا على بـاب ذكراكـ 00 وتصـدعـت جدران صبري على ايديـكـ عسـى الولـيّ بالهـم والغـم يجزاكـ 00 وعسـى وليـك ميـس من رجاويـكـ عسـاك ما تهنـى بصبحـك وممسـاك 00 وعسـى الليـالي مرها دووم يكويـكـ جعـلك تصـاب بعلـة تحـرق شواك 00 تحتـار فيك النـاس والليّ يداويــكـ جرعتنـي كاس الخيانة بيمنـاك 00 نقضـت عهـدك لعنبـو جـد واليــكـ روح وأنا بروح ما عـاد شفنـاك 00 روح وأناا بروح ربـي يجازيك تلقـى مع العالــم شبيهـك وشرواك 00 خـــــــــلاص ياخوان مابيك مابيك تقليب المواجع كفا ما مضى ما هو براجع #### و لا يحتاج تقليب المواجع لانك ما عـرفت الهـم مثلي #### سهرت الليل جافيت المضاجع و لا جربت حرماني و حزني #### اللي منه غفا بالنوم هاجع و لا دورت بـحـروف القصـايـد #### و لا قلبت كتبي و المراجع و لا غنيت مع صوت السهارى #### غريب في بعيد الدار ناجع تاكد ما جرى لك ما جرى لي #### تاكدي ما مضى مهو براجع اخطيت حبيبي .. تكفا سامحني ... أنا مدري وش أحساسك ومدري وش تظننــــــــي أنا الصادق في عينك كنت صرت الكاذبة الخوانة أنا اخطيت ماأنكر و لابة عذر يكفينــــــــــــي سواء أني أحبك حيل وأني دايماً أنسانــــــة أنأ ادري بمدى جرحك وأدري الحظ جافينـــــي يطول الوقت ماأخطي و إذا أخطيت كل شي بــان أناشفت الزهر مايل وظنيتة ينادينـــــــــي قطفتة يوم ضميتةلقيتة للأسف ذبــــــــــــلان عرفت أنك زهر عمري عرفت أنك بساتينــــــي وغيرك قيظ مايروى سراب يشقي العطشــــــان أنا لو ماحصل ماكان وشو ألى يدرينــــــــي بأنك ماسواك أنت سكنت القلب والوجـــــدان أنا آسفة على أعذاري عجزت القي عذر فينـــي يليق بغلطتي في حقك و يرجع كل شين كـــــان أحبك كثر أخطائي وأدري أنك تحبنـــــــــي وأدري لو تفارقنا فلانقدر على النسيـــــان إذا تقوي على فراقي وبعدي عنك خلينــــــي أنا مليت من دور الكرارة و لعبت الغفـــــران قليل العمر يالي أنت دموعك ماتساوينـــــي حرام أنة يضيع فراق هي من قلها ألأحــــــزان وبعد كل هالحكي بقولك تكفى يا (ح) لاتخلينـــي صمت الوداع فارقت من لاكان ودّي أفارقـه ..... عقب الصلاة وتوّها الشمس شارقه الفجر يوم الناس تسعى لرزقها ..... أنـا عيوني بازرق الدمع غـارقه بكى وأنا أبكي يوم وقّفت أودعـه ..... والكـل منّا يذرف دموع حـارقه سـلّمت ويديني بياديـه ترتجف ..... ويديه بيديني من الخـوف عارقـه وأقفا وأنا قفيت والصمت حيلتي ..... عز الكـلام ودمعـة الياس فارقه وحسّيت كن القاع حدري تزلزلت ..... يـوم ألتفتلي وأسـتهلّت غـوارقه سـرقت من دنياه لـذّات دنيـتي ..... برضـاي سارقني وبرضاه سارقـه همّي وهـوجاسي وحـبي وغيرتي ..... للي بوسـط القلب ناصـبٍ بيارقـه وعـوّدت للمطلاع حزينٍ ملتجي ..... والقلب مـّني طـارق الهم طارقــه ضلعٍ ورا المطـلاع شـوفه يريحني ..... عسـا الحيـا يسقيه لالاح بارقه كتبت في عاليه حـرفي وحـرفها ..... ورسمت قلب الحب والسهـم خـارقه ذكرى غـرام مات من قبل ينولد..... بفـراق من لا كـان ودي أفارقــه قصيدة حب قاسية جدا ... لا جيت ابنسى واتراجـع واسامحـك صاحن جروحي واشتكن لي طعونـك كلك خيانه قول .. وشلـون ابمنحـك وش موقفك من شخص دايم يخونك !! اكبر خطا.. لو جيت يمـك اصالحـك اول تحـوّل .. لاتـغـرّك إلحـونـك اللي تقوله صح .. لو كنـت جارحـك (مير) انت غارق للاسف في ظنونـك وصفك نسيته بس .. باقي ملامحـك بنهيـك وانهـي بالنهايـه جنـونـك ماتستحـق امـد (كفـي) واصافحـك مثلك غلط عمري وابحيـا .. بدونـك لعبـت دورك شاهـداتٍ مسـارحـك خدعتنـي واظهـرت خافـي فنونـك كنت اعتقد .. قلبي هو ابرز مطامحك اللي يبيـع النـاس لجلـه يصونـك تعبت اسوق الشوق يمك واصارحـك اخلصت لك بالحب .. شوفت عيونـك لكن خسارة صرت غايـة مصالحـك ياليتنـي ماجيـت .. لحظـه بكونـك بالامس كنت بنشوة الحب .. امازحك اخيـل برقـك واتحـرى امـزونـك واليوم من صفحة حياتي .. ابمسحـك هديت صرحـك ثـم طاحـت ركونـك ولابي عيوني لـو تصـورت تلمحـك اعلنت موتك .. وانسجن لي كفونـك وان جيت تطلب .. ترتجيني اسامحك بهديك طعنه .. مـن بقايـا طعونـك ليه غبتي .... ؟؟ !! ليه غبتي ليه حطمتي حياتي **** ليه غيرتي طريقك عن طريقي ليه يوم اني غمرتك في حناني ****ليه غمضتي عن الشوق الحقيقي ما عرفتي الياس ويش سوى بحالي **** ما عرف من هو عدوي من صديقي ما عرف غيرك و لا يملا عيني غير زولك **** يا منى القلب الشفيقي ما قدرت انساك حتى لو دقيقة **** اذكرك و انسى من اللوعة شقيقي لولا حبك ما تمسك في وجودي **** يا شبابي يا جديدي يا عتيقي ما طلبت المستحيل انتي عرفتي **** طلبتي حق العشيق من العشيقي و كان عزمتي على حرمان قلبي **** اعملي ما كان لافكارك يليقي روحي الله يسعدك في كل خطوة **** و اطماني حيث انا سدي وثيقي اتركي لي ذكرى حرمان وروحي ****لايهمك حتى لو صدري يضيقي مو مهم اموت من حسرة فؤادي **** لجل عينك هان في عيوني حريقي اشربي كاس الفرح من نبع عيني **** بس اشوفك بالهنا يبتل ريقي دام انا حبيت من قلبي بضحي **** حتى لو باخذ طريقك عن طريقي يبه وينك ..؟؟!! يبـه وينك ؟؟ ولهت لنظره من عينك .... يبه وينك؟؟ اشوفه طوّل غيابك !! و من ودّاك .... ما جابك !! قالوا ما يدوم الزين !! و انا عندي امل للحين .. و لا كني اعرفك وين !! يبه وينك ؟؟ عسى الداعي يبه بس خير ؟!! عساك بخير ....!! مداين تكرم لعينك ... بس ارجوك علمني ... علمني .. يبه وينك؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! و انا .. عندي امل للحين .. في رجوعك !! يبه بس تكفى علمني .... متى رجوعك؟؟ يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صبح موال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! و ادريبه مكانك وين !! مع َ هذا .. ارد و اسأل !! يبه .... ووووينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! و هذا الفرق في جرحي ... عجز يلقا الدوا دكتور .. انا جرحي غريب الطور !! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! و لا كنّي اعرفك وين !! يبه .. ذكراك تفرحني .... في نفس الوقت تجرحني !! لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت . درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! يبه ارجع !! اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ...
قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! و برجع اسألك وينك !! بس لازم تجاوبني .. ترى عندي امل للحين !! و لا كني اعرفك وين ..!! 
|
|
12-01-2010, 01:10 AM
|
||||
|
||||
|
الله الله الله
|
| أضف رد |
|
(( لا تنسى ذكر الله )) |
|
|
|
|
العرض العادي
