السلام عليكم ورحمة الله وبركاته
يااخوان ردوا علي الله يرضى عليكم امس جاني اتصال من الرياض وكلمني شخص قال لي معك مصرف الراجحي المهم قال لي فلان قلت له سم قال لي حبيت اتأكد من البيانات اخذ معلوماتي وقال لي الاخوان راح يتصلو عليك لتحديد المقابله ابي اعرف متى راح يتصلو او تصريفه مادري عطوني الرد الشافي الله يخليكم طبعا المعلومات اللي اخذها قال لي شنو قسمك كم معدلك شنو تقديرك وين ساكن كم عمرك طبعا قلت له قسمي ادارة مكتبية معدلي 3.83 تقديري جيد جدا عمري 25 ومن سكان الأحساء فا ابي منكم الاجابه الشافيه لاتبخلو علي

امممم والله مدري بس مآحبيت ادخل ولا ارد ان شاء الله الاخوان يقولون لك...
الله يوفقك وتلقى اللي تبيه ...

راح يدقون ان شاء الله بس يبيلها وقت وبعدين مو تصريفه لانو لو تصريفه وش اللي حادهم يدقون اصلا من البدايه عشان يصرفونك ان شاء الله تتوفق بس بيلها صبر

والله صار لها الحين اسبوع من جاني الاتصال.

انت وشلون قدمت عليهم ؟؟؟؟؟؟؟؟؟؟؟؟

مقدم عن طريق الويب تبعهم بس ياجماعه ماحد افادني ابي من باب خبره

حسين ابشر بالخير دامهم دقوا
اكيد اسمك عندهم وراح يجيبون كذا شخص وبيدقون يحددون المقابلة
وما شاء الله مصرف الراجحي صرح راقي بكل معنى بيئته العمل فندقية حلوة وراحه ورواتب تبدا من 6500 وانت طالع وتامين طبي وبونص وراتبين برمضان والحج ونهاية السنه سته رواتب بونص وكمان نهاية السنه راتب هدية يعني شد حيلك وراح تجي الفلوس من كل صووووووب...

لا تستعجل ،،
او اتصل على الرقم اللي كلمك ،،
والاهم تأخذ اسم المؤظف اللي اتصل عليك >> حتى ما يصرفونك في الاخير ويقولوا ما اتصلنا ؟؟؟

والله الكلام حلو وكلام شوي يخوف مثلا يعني اخوي مجيددي بصراحه لاعندي رقم اللي اتصل علي ولا اعرف حتى اسمه يعني راحت علي

موضوعي نزل ولا احد من الاخوان افادني افاده حقيقيه