الســلام عليكــم ورحمته الله وبركاته


شخباركم؟؟

هذا اول موضوع لي وبغيت اشوركم بشغله صارت لي

صحيح اسمي موظفه جديده بس للأسف انا عاااااااااااااااااااااطله


اللي صار

اني قدمت لشركه تابعه لارامكوا

وافقوا علي سويت تحايل التوظيف وكل شي تمام

ووقعت عقد الشغل

وعبيت اوراقي منها التامين وورقه البنك اللي بيحولون راتبي عليه

وتدربت لمده اسبوع على الوظيفه اللي باشتغلها

لما رجعت للمقر الرئيسي

حيث اني باشتغل هناك

قالوا ان مكتبي ما خلص

وطلبوا مني اجلس بالبيت لحد ما يخلص


الحين مر اكثر من شهر

ولحد الحين ما اتصلوا واتصلت مره وقال لي الموظف انتظري لين يخلصونه



هل انتوا شايفين انهم اجطلوني !!

والا رايكم اطلب منهم انهاء العقد اللي ما تهنيت فيه ؟؟؟

اصبري لا تطلبين انهاء العقد انتي مو خسرانه شي

وكمان قدمي على وظائف ثانيه ممكن تتوفقين في احسن منها ان شاء الله

الله يوفقك
أهم شيء انك ماتيأسي وتتفائلي بالخير
قدمي انت مو خسرانه لين يكلمونك
وانشاء الله تتوظفي ونبارك الك
تحياتي

انتظري
بس كلميهم و قوليلهم ابي موعد للمباشرة انا محتاجه الوظيفه وبصراحه انتو معلقيني

وقدمي بعد على وظايف ثانيه في حالة اجحدوكي ولو اني اشك دامك وقعتي معاهم

افضل لك انك تنظرين ما راح تخسرين حاجه

هههههه حلوة اجلطوني (( ارامكو ماعندها لف ودوران اصبري ))

.

لاحول ولا قوة الابالله والله خوفتيني خلاص اتشائمت وش هذا ؟؟؟؟؟؟؟؟


<<<<<<<<<<<<<والله انا انصدمت عيوني طلعت من مكانها وانا مالي دخل ... يعني ممكن يصيرلي الي صارلك في اي مكان قدمت عليه .....لا انشاء الله يارب

الله يسهل امورك ويدقون عليك بكره الصبح ويقولونلك خلص مكتبك ومن القهر يقولونلك سوينالك (جناح كامل) مو بس مكتب

بس بما انك وقعتي معهم عقد يعني خلاص حقوقك محفوظه وانتي بعد قدمي على اماكن ثانيه بس هم لا تطنشينهم

وبالتوفيق يارب لك و للجميع

<<<<<<<<<<<<<<< لسى مصدومه

انا امس قدمت على روضه
ادرس اطفال من 3 الى 5 سنوات

والمشكله يوم اطبق انغليزي طبقت عند سادس واول متوسط

يعني هاليهال ما ادري كيف اتعامل معهم

ولا ادري شنو استخدم معهم من متيريالز

الله يكون بالعوون

والله يرزقكم بوظايف

اذا الراتب ينزل في حسابك وانت بالبيت ريحي دماغك
وانتظري واذا ماينزل الراتب فلا تسيبيهم اجلسي على روسهم
لا تتصلي ابدا اجلسي عندهم اهم شي لا تتركيهم
والاتصال ما يفيد ابدا خذي الكلام ذا من مجرب

الاخت موظفه جديده اذا تبغي تقطعي الشك باليقين روحي لمكتب العمل واديهم بطاقت الاحوال وانتي واقفه يقولوا لك اذا انتي مسجله بالوظيف او لا لان جميع اوراق الوظائف تعتمد من قبل مكتب العمل والله لايضيع على مسلم تعب وبالتوفيق