السلام عليكم ورحمة الله وبركاته
بسم الله الرحمن الرحيم

حبيت اقول مافي نفسي يمكن القى حل لهمي انا مفكر اني اخش معهد صحي وكل مايقرب التسجيل يجي ابوي ويخربها علي ذللحين انا بسجل في الترم الثاني توضفت وضيفه بسيطه وراتبها يعني مقبول وكله عشان اخش المعهد الصحي وذللحين يقولي ابوي انا سجلتك في امن المنشات وانا مابغى جندي لاني خايف منها شوي ومع العلم سجلني في معهد الدراسات وعطلني عن التسجل في الجامعه عشان المعهد وحطوني احتياط وقلت بسجل السنه الجايه الترم الاول في الجامعات وتسجلت ونقبلت بس ان المشكله كلها بعيده عنا وابوي عيا يقول لا انتضر المعهدالدراسات انا دبرت واسطه وطلع واسطته ماعنده ماعند جدتي طلع اي كلام وراحت علي الجامعات الي انقبلت فيها وراحت علي المعهد الصحي وبعدين صبرت وقلت بسجل الترم الثاني وطلعتلي هاذي المشكله امن المنشات انتو ويش اتشوروني اخش المعهد الصحي مع التعب وخصوصن ان الوضيفه مافيه راحه كلها شغل ايام الاسبوع والمعهد بعيد عنا شوي ولا امن المنشات واهلي ماب يخلولي ريال بياخذون راتبي علي يعني ما استفيد شي ولا اسوي مثل خوينا ذى وارتاح من الهم


_ تعبت اشكي همومي ضاق علي صدري ..... والحياه كل يوم تزيد صعوبتها

_ حسبالي ان الحياه دايم على خبري ..... اللعب وامرح ولا تهمني عوقبها

_ ارفق علي يازمن ارفق على صغري ...... خفف علي الهموم ولا تزودها

_ هاذي سواتك معي وش باقي في كبري .... حملت صدري هموم الناس تعف عنها

_ توقعت ان الجماعه هم سندي وهم ذخري .... حسبت ان الوسايط كل شي تحققها

تعبت كذى كفايه