07-04-2012, 03:46 AM
|
عضو سوبر
|
|
تاريخ التسجيل: Mar 2008
المشاركات: 403
معدل تقييم المستوى: 81156
|
|
توني بكتب عن الموضوع لقيت موضوعك ولو إنه قديم
قريت لين وصلــت للصفحه 19 وطمرت لأني تقريبا فاصل وعندي مشوار بكـرا من الساعه 7 الصباح للأحساء ثم الرياض والعودة للخبر الحبيبة في نفس اليوم وكلها لأجل نفس الموضوع
[read]( الوســـاطة ) [/read]
أول شئ أنا أتكلم من واقع مجرّب وصل به الحـال إلى أنه تجيه إتصالات ويحطّها على الهولــد
( مو كبـره أو غطرسة ) بس كل بني آدم له طاقته .
طيب بعد الفلسفه اللي فوق أحبّ أكتب اللي بقوله ( بعد إذن صاحب الموضوع ) على شكـل نقاط
1- أهمّ نقطة ( لاتحرق نفسكـــ ) ... وهذا السبب اللي يخليني أعتذر عن مشاريع كثيرة . خذ الأمور حبّه . خلص المشروع الأول والثاني بالكثير الثالث . لاتكثر بتصير بني آدم بياع كلاّم .
2- لا تكون طمّاع ... إكتفي بالقليل ( مشروع تنازلت فيه عن عمولتي من 700 الف ريال على مدار 24 شهر إلى 150 ألف كاش ) . ( لا تكبّر اللقمة تغصً ) .
3- لاتبين إنك عليمي ( وهذا حلي في البداية وحال الكثير ) إسأل ثم إسأل ثم إسأل . لاتطير بالعجّه يجيك واحد يقولك بعطيك مليون سعي وقيمة العمل بكذا .. تلف تلف تحصًل إنه مافي أمل أحد ياخذ منك المشروع بالقيمة اللي تتكلم عليه .
4- إختصر قائمة الوسطاء بنفسك أو 1 معكـ .. حتى لو إنكم كثير بلاش الفلم القديم ( حنا 5 من طرف البائع و6 من طرف المشتري ) ظبطّ ربعكـ بإنك تمثلهم لأنكم بالأخير بتتقاسمون المبلغ . فخلي كلامك مع الاوادم اللي تتفاهم معهم إنك الواصل . وتأخيركـ بالردّ إنما هو لظروف شخصية .
5- بعض المشاريع ممكن إنت تخلصها بنفسكـ ... ( مشروع تبليط بالشرقية .. أنا بنفسي دوّرت على العمالة وجبتهم ,,, أنا اللي أحاسبهم وبدل ما أخذ سعي صرت أنا اللي أدفع أجور العمالة ) .
6- لا تعيش دور طويل العمر ... مهندس المشروع يا مصري يا اردني .. إذا عاملته إنك إبن الولـد وأنه هو الأجنبي أبشر بالتصريف ... ظبطه خليه هو طويل العمـر وإنت الغلبان ( موب عيب , دام بيبجيب لي دراهم ) . ما أقول ذلّ نفسكـ ,,, حنا في بزنس ما احد يذل أحد ولكن من تواضع لله رفعه .
7- لاتصير نشبه ... موب كل يوم تدق علي المهندس او مدير الشركة ... كما ذكرت بالنقطة الأولى خل لك وزنكـ ... وبالمقابل سوالف مرّني الحين أبي أشوفكـ بكـرا ... ماتمشي إنت بني آدم مشغول لازم ترتب أمورك .
8- إبتعد عن المشاريع المحروقة ... أم المليارات وال500 مليون وطالع ... لأن لها ناسه مو قصورا فينــا ... بس تونّا خلينا نبدأ حبه حبه .
9- حاول تكوّن لكـ قاعدة بيانات خاصّة فيكـ ... ( رقمي ما أعطيه لأي أحد ... اللي يبيني يرسل لي إيميل ) وبكذا أكون كونت قاعدة إتصالات بدون إزعاج الإتصالات وتصريفها .
10 - حاول تتخصصّ بشغله معينه ( مشاريع مقاولات - إتصالات - حفر وردميات - خدمات ) التخصصّ حلو يعطيك فرصه ترّكز أكثر .
11- قبل لا تسألون  البنات ممكن يشتغلون فيه ... بس هذي مو سواليف مجلس حريم هذا بزنس ... يا تشتغلينه صحّ ياكملي فنجان الشاي .. ( والكلام للشباب أيضا ) ...
12- أتوقع كذا أنا مصختها وبربرت كثير ... بس حبيت أوضح شئ مع إنه ماله علاقة بالموضوع
أنا مني ب سعودي !!!!
ولكن خير هالبلد علي لين أموت .
لا أحد يقصّ عليكم ويقولكم الأجانب ماكلين الشغل الاجانب والاجانب ... صدقوني الأجانب لو مالقوك إنت وإياه نايمين ومنتضرين ال 200 حق المكفول أو 1500 البقالة و 300 المغسلة كانوا ما تجرأو وكونوا لوبي ... ياخي سوي لوبي سعودي ... وش بتخسر .. الحسد بين كل الجنسيات ولكن أنا وإبن عمّي على الغريب . *_^ ..
أي إستفسار ( بعد إذن أخوي مبرمج ) لا يردّه إلا إيميلي
نفس معرفي على الهوت ميل ...
* بريافت لك أخوي [rainbow]مبرمج [/rainbow]لمن سألوك عن العقد
أنا في نقطة أضيفها في عقد الوساطة
- بعد فترة ..... شهـر يعتبر هذا العقد كمبيالة موجبة الدفع .
تحياتيــ والسموحة إن كان طوّلت ...
|
العرض العادي
