السلام عليكم
يالربع شفتو القرادة اللي فيني (القرادة )=الحظ السيئ هههه
المهم
من ستين الف سنة وانا حريص اني ماأقفل جوالي عشان هالشركات والبارح نمت (كنت تعبان ) وماشحنت الجوال وصحيت الساعة 11ونص ودق اخوي علي وقال ترا دقو علي شركة ريادة مدري قيادة ويبونك تتوظف عندهم ههههههه اخوي ذكي شوي ومتفائل (الله يوفق)

المهم دقو على اخوي لأن جوالي مقفل وانا حاط جوال اخوي بالسيرة الذاتية ..وانا من أيام فرعون ماأقفل جوالي وكنت كاتب السيرة على الصخر خخخخخخخ


يعني معقولة يوم قفلت جوالي دقو على اخوي
وش اسمي هذا ...
رداة حظ والا اخوي وجه وجه خير (وهو كذلك)

عاد المهم
شركة ريادة دقو وعندي مقابلة بكرا العصر (الثلاثاء)6/12
وابي اتزوج اذا لقيت وظيفة كويسة
عشان كذا ساعدوني تكفون
وش يسألون وش يبون
وش اللي مايحبون بالموظف المتزوج ههههههههه لأني مستحيل اداوم بالليل على الأقل أول 5 شهور
..........


اخيرا اتمنى المساعدة من الجميع وبأي كلمة لأن أي كلمة منك أخي ممكن تساعدني بشكل لاتتصوره
.....

ولاننسى الدعاء بظهر الغيب
تكفون ادعولي
وناسه

الله يوفقك

ويوفقك اختي دنيا

اتمنى يساعدونك الشباب اللي سبق ومسوين مقابله

لكن اعتقد انها اسئله بسيطه ان شاء الله بس انت خليك هادي ووسع صدرك

ولا تتسرع بالاجابه والله يوفقك ويكتب لك الخير

ومبرووووك الزواج مقدما

شكرا
بس وين اوسع صدري وانا كل ماذكرت الزواج فز قلبي من محله

واتسبدي
لاتطير البنت من يدي والله راح اقلب العالم

توكل على الله

وبالتوفيق ان شاء الله

من خلال جولاتي وصولاتي في الدنيا دي فاعتقد انو اهم شي اانك تتوكل على ربنا
ولازم لازم كمان تهتم بمظهرك الخارجي يعني كانك رايح عزومة واتعطر باقوى عطر عندك عشان تلفت انتباههم هذا رايي ولك مطلق الحرية
تحياتي..................

شكرا يالغالين على النصايح وراح اعمل بها كلها
وانا ان شاءالله متوكل على رب العالمين ومتفائل ان شاءالله وربي يكتب الخير والخير في مااختاره الله
وبالنسبة للمظهر الخارجي من اول ماعرفت نفسي وانا أهتم بالمظهر الخارجي يعني واحد كشيخ


....
اشكر الجميع على الردود
والله يوفق الجميع
والعطر ان شاءالله ينفع معهم كلونيا خخخخخخ

الله يوفقك ان شاء الله

اقول اخوي الله يوفقك اولا بزواجك وثانيا بالوظيفة اللي تليق بك
واوصيك بالتوكل على الله مع الاخذ بالاسباب ولا تقلل من قيمة نفسك ابداااااا
كون واثق من نفسك ورد على اسئلتهم بثقة وبصوت واضح ولا توقف الين مايسألونك بسؤال ثاني ( كل سنكرس قبل ماتروح ههههههه ) المهم خليك لبق
ولا تنسي تقرا آية الكرسي والمعوذات وأدعيه بسيطة معروفه ( اللهم لا سهل الا ما جعلته سهلا انك تجعل الحزن اذا شئت سهلا ) <------------ هذا لا تنساه ابدا
وكمان ( رب اشرح لي صدري ويسر لي امري واحلل عقدة من لساني يفقه قولي )

( اللهم أني أسألك نفسا مطمئنه تؤمن بلقائك وترضى بقضائك وتقنع بعطائك وتصبر على بلائك )
والله لو قلت هذي الادعية وانت متو كل على الله ان شاء الله بتتوفق
وانا ادري انك حافظها وما يحتاج اقول لك ولكن ان الذكرى تنفع المؤمنين
لا تنسى اكتبها في ورقة
وآسفة على الاطالة