السلام عليكم ورحمة الله وبركاته ..
بصراحه في شرط من شروط وزارة الخدمه المدنيه للمتقدمين على الوظائف المدنيه .
نفسي اعرف الي اصدره ( وش كان وضعه وقتها؟ مسخن؟ مريض ) وليه وش الفايدة منه؟ قطع ارزاق ؟
اتحدى احد يجيب لي رد كافي ووافي عن هذا الشرط.
الشرط بديوان الخدمة الاجتماعيه يقولون لك .. الي حاصل على دورات دبلومات او شهادات تدريبيه .. لازم ( بعد آخر مؤهل يكون حاصل عليها ) او يقدم بالمؤهل الي قبلها .<ياعيني .
اعطيكم مثال علي انا .
انا التحقت بعام 1424هـ بمركز التدريب المهني دخلت ميكانيكا ديزل ووقتها مخلص المتوسطه.
وحصلت على دبلوم ميكانيكا . صارت معي متوسطه + دبلوم بحثت ماحصلت وظائف .
اكملت الثانوية العامة والحمد لله اخذتها . صار معي ثانويه+ دبلوم مهني .
بتقديم الدبلومات حالياً .. دخلت الموقع سجلت بالاختيارات دبلوم سنه ونصف بعد الثانوية.
صابني شك بالموضوع قلت الديوان مره مدقق ويستبعد اي خطأ . خلني استفسر ارسلت استفساري عليهم . ووضحت لهم بأني حصلت على الثانويه بعد الدبلوم .
وكان الرد علي .
دبلوم بعد الكفاءة ليس بعد الثانويه .
خخخخخخخخخخخ ارسلت ليه وكيف وجيبو لي السبب ووصلو كلامي للمسؤولين ابعرف وش الفايدة؟
مو انا اخذت الدبلوم؟ واجتزت ونجحت بمتياز؟
ودرست واجتهدت ونجحت من الثانويه؟ واصبح معي الآن ثانوي + دبلوم؟
قالو لا .. هذا شرط للدورات التدريبيه والدبلومات .. بالديوان تكون بعد أخر مؤهل .
يعني انت دخلت الدبلوم وقتها معك كفاءة ؟ تقدم بالكفاءة .
ياخوان؟ هذا الشرط؟ وش فايدته؟ فهموني؟ يامسؤول ياطيب ياحبيب يابعد قلبي انت علمني يوم صدرت هذا الشرط؟ وش الفايدة منه؟
وبختصار ياخوان مثال اخر .. لو انت مخلص الثانويه العامه ودارس دبلوم حاسب آلي على حسابك سنتين بسعر 24 الف ريال بعد الثانويه وحصلت عليه
بعدين اكملت الجامعه وحصلت عليها؟ تجي تقدم بالجامعه + دبلوم الحاسب .. يقولون لك لا .
هههههههههه لا لا مؤهل تاريخ تخرج الجامعه بعد دبلوم الحاسب مانقبله . قدم بالثانويه
والله العظيم قطع ارزاق وظلم علني .
صديق لي .. متخرج معي من المعهد المهني بنفس السنه؟ بس وقتها كان معه ابتدائي .
وكمل الرجال وخلص المتوسطه . يوم جاء بيقدم بالدبلومات الي بالخدمه حالياً متوسط+ ثانوي.
قالو له لا لا شهادة تخرج المتوسطه بعد دبلوم المعهد. المفروض تقدم بالابتدائي ولكن حالياً مو فاتحين التقديم لحملة الابتدائيه والضعيف تعقد.
وانا بدل مايصنفوني بثانويه + دبلوم على المرتبه الخامسه او السادسه.
اجبروني اقدم بالمتوسطه+ الدبلوم يعني ان فحطت وجات الوظيفه على المرتبه الثالثه .
بختصار شديد. ( نظام اعوج ) واتمنى اعادة النظر به .
وطالما المتقدم حاصل ومختبر واجتاز واجتهد وحصل على شهادات.. المفروض اعلى مؤهل يقدم فيه + ويظيف معه اي دورات حاصل عليها . ويقدرونها ويصنفونها له .

لالالالالالالالالالالا وش الانظمه الباايخه وربي تعجيز ..؟؟

صرراااااااااااحه الي حط هذا الشرط ماعنده سالفه ؟؟

الله يوفقك

اساساً وش النظام الصاحي في الخدمه المدنيه

كلها انظمه عفى عليها الزمن وحاشها التراب

ناس يسمونها الخدعه المدنيه وناس تسميها الخدمه المدنيه

لكن اللي صار لك ماذا يسمى خدعه ولا تعقيد ولا خلني بالع موس وساكت !!!

هي وقفت على الديوان اللي قراراته مي مدروسه

الله يرزقك من اوسع ابوابه / انظمة بايخة وعشوئية وظالمة الله لا يوفقهم انا اتخرجت

من كلية التربية واخذت بعدها دبلوم حاسب الي 12 الف ولا حياة لمن تنادي والادهى والامر

التقديم الاخير حق الديوان رفض تسجيل الدبلوم علشان مر عليه 5 سنين اهههههههههه يا القهر

الله لا يوفقهم ...........................

فعلاااااااا كلامك صيح واعرف الكثير حصلوااا على شهادات كدبلوم وغيرها في اثناء دراستهم اما الجامعية او غيرها ويتفاجاو انها لا تحسب لانها قبل تاريخ التخرج ؟؟؟
اليس من الظلم مايحصل بل هو الظلم نفسه
كيف يستطيع الشخص ان يطور نفسه اذا كاااان لازم انتظر واحصل على الشهااااااادات بعد التخرج
وللاسف تسمى خدمة ....... مدنية ؟؟؟؟؟

الله يعين بس

حياكم الله جميعاً وشاكر لكم مروركم الجميل .. ومداخلاتكم ..
ومثل ماتفضلتو .. اذا ماعقدوها بأن تاريخ المؤهل ( بعد الدورات ) مايقبلونه .
معطينك لو انك نظامي وحاصل على الدورات بعد آخر مؤهل . مدة 5 سنوات . لو ماتوظفت تلغى شهاداتك التدريبية.
مانقول غير حسبنا ا لله ونعم الوكيل .

من جميع الجوانب المواطن هو الخسران ..

انت تأخرك بخمس سنوات بعد انتهائك من الدبلوم كان بسبب نظام العمل لدينا .. انت قدمت و لا لقيت عمل مناسب لك .. يعني التاخر 5 سنوات بسببهم مو بسببك .. هذي حجه لك موب عليكـ ... لكن اذا كان خصمك القاضي من تقاضي ...

التقديم الحالي انا انصحك الوزاره بعمل مقابله شخصيه أو اختبار تحديد مستوى علشان يكون فيه بحث عن الكفاءات موب الناس اللي يجمعون شهادات و دورات بدون اي كفاءه ...


و كان الله في عونك يا مواطن

الله يوفقك