السلام عليكم ورحمة الله وبركاته

بداية حاب أشكركم على دخولكم لموضوعي ويعطيكم العافية وماتقصرون


يمكن اني معروف أو يمكن اني ماني معروف

اللهم لك الحمد انا انسان ربي رزقني على قد نياتي

كذا وظيفة جتني وتركتها رغم مميزاتها والسبب إني كنت اشوف غيري يستحقها اكثر مني

صلاتي مافوتها شاكر حامد لله بكل أرض وبكل سما

اللهم لك الحمد ولك الشكر حمدا كثيرا طيبا يليق بجلالك وعظيم سلطانك



انا يا شباب انقبلت بشركة التوكيلات العالميه للسيارات > GMC و شيفروليه

والوظيفة خدمة عملاء براتب جدا حلو


وجتني أيضا (( مضيف جوي )) بشركة ناس للطيران
وراتب المضيفما يحتاج طبعاً البدلات لحالها ترفعه


والله تعبت أفكر قلت اخواني بالله مارح يقصرون معي


والله يرزقني ويرزقكم وصدقوني محد بياخذ الا اللي كاتبه له رب العباد



على أحر من الجمر أنتظركم


اخوكم محمد

أخوي اللي فهمته أنك محتار بين وظيفتين والله أعلم

أخوي أنا ما أبي أزيد وأنقص أنصحك ثم أنصحك بصلاة ((الأستخاره ))

والله يوفقك ويرزقنا بالوظيفه وجميع العاطلين أرجو ان تتقبل مروري

الله يوفقـــــــــــــــــــك يآالغلااا .. = صدق ـأخووي مستر دااج .. استخر فالبداايه والله يكتب لك اللي فيه الخيــر

طبعا وظيفة التوكيلات أفضل..المضيف دوامه غثه وراح تطفش خلال فتره قصيره
هذا رأيي والله يوفقك

انت اللي يعرف انت وين تلقى نفسك وانت اكثر واحد يعرف قدراتك الشخصيه


في خدمة عملاء
او
في مضيف جوي


وفكر في المهام الوظيفيه لك وظيفه والاستقرار النفسي

الراتب ما هو كل شي اهم شي الواحد يلقى المكان اللي يرتاح فيه ويقدر يبدع فيه ويطور نفسه

وربي يوفقك لما هو خير لك في دنياك و اخرتك

اللهم يهديك الي القرار الصحيح

بصراحه كنت اعرف شخص في التوكيلات وكان يتشكى من الدوام لأنه انقطع عن الناس ما يقدر يشوف الزملاء والاصدقاء نظام الدوام وساعته طويله ومتعبه وبعدها فصل من العمل
الله يوفقك بما تختاره

يعطيكم العافيه شباب ع المرور

وان شاء الله نستخير ونشوف لنا الأفضل بإذن الله

أتمنى للجميع التوفيق والسداد بالدارين

الله يوفقك يارب وتاخذ الوضيفه الي تريح بالك ... نصيحتي لك الاستخارة وانا اخوك اهم شي وفكر بعد كذا بان كل وضيفه منها لها ايجابيات وسلبيات واتخذ قرار بدون رجعه وبالتوفيق ... وطمنا اذا توضفت لاننا رح نفرح لك والله والكل يستاهل

الله يوفقك ياخوي لكن نصيحة استخر ربك وشوف اللي يريحك وتوكل على الله