السلام عليكم ورحمة اللة
اخواني انا من فترة مريت مكتب التامينات الاجتماعية بالرياض واخذت برنت باسمي ولقيت ان اسمي مسجل لدى شركة والله لم اشتغل عندهم والمشكلة كذا مرة اتقدم لوظيفة ولا انقبل مع ان كل الشروط مطابقة ولما استفسرت لقيت ان اكثر الشركات لاتريد من اسمة بالتامينات ولا ان يكون منزل اسمة من 3 شهور من التامينات بغيت منكم وش رايك في هذي الشركة وش اسوي معهم

لا حول ولا قوة الا بالله انا اتصور انهم اكيد قدمت عليهم في يوم ما وما اتصلوا عليك ولا وظفوك ولكن اخذوا بيانتك وسجلوك بالتأمينات اسموا انو عندهم موظفين سعودين حسبي الله عليهم روح واتأكد منهم واذا كان حاطينك عندهم موظفك بدون علمك طالب برواتبك خخخخخخخ اللي يشتغل ويداوم كل يوم ما يعطونه حقه المهم لا تخليهم بحالهم اشتكيهم قفلهم شركتهم فرصة نفتري في هالشركات اللي كل واحد حاطلك سوداني يتنفخ علينا

مشكوريين حبايبي على المرور انا مريت الشركة اليوم وسالتهم تدرون وش كان الرد يقولون ما ندري كيف جاء اسمك عندنا لكن يمكن الغلط من التامينات شوفوا الخسة وقلة الخير والمدير حق الشركة صدق شين وقوي عين يقول تبي تشتكي روح اشتك عندك مكتب العمل روح احنا مالنا شغل فيك وانا الان ابي منكم تدلوني وش اسوي مع الشركة هذي لان المدير من جد شايف نفسة يا ناس الله لايوفقة قولوا اااامين

ذكروني بالاتصالات لما تتصل عليهم وتقلهم الدي اس ال خربان يقولولك مزود الخدمه
تتصل على مزود الخدمه يقلك الاتصالات وكل واحد يرميك على الثاني

اذا فاضي وما عندك شي روح سوي لهم فضيحه في مكتب العمل
على ايش ان شاء الله شايف نفسه اذا ما يعرف يتعامل مع الناس يجلس ساكن احسن مو يقلك روح اشتكي ...

نفس القصه صارتلي وشكلهم ياخذون اسامي العاطلين ويسجلونها في الشركات الله لا يوفق هاالشركات

خذ البرنت اللي من التأمينات ورح مكتب العمل وقدم شكوى ضدهم واذكر انهم تسببوا لي بمشاكل منها حرماني من الحصول على عمل بسبب وجود اسمي مسجل لدى التأمينات بأنني اعمل لديهم وبالنسبة للمدير ماعليك من النفخة الكذابة لما يوصل الموضوع لمكتب العمل ويطلبون الشركة راح يتغير الاسلوب ويطلب منك تتنازل عن الموضوع اطلب منهم تعويضك بمبلغ مناسب وتتنازل .