قال العطاله وهميه قال خخخخخخخخخخخ استغفر الله العظيم .
ممكن يادكتور ياطيب.. تعلمني الي جالسين حول ثمانيه وسبعه وعشره سنوات بعد الثانويه بالبيوت وش يكونون؟ على راس العمل هذول؟
وممكن تعلمني الي يجلس ببيتهم بعد تخرجه من الجامعه بخمس وسبع وتسع سنوات وش يكون؟ على راس العمل؟
وش الرفاهيه الي تقول عليها؟ وشي اكيد الي بيتقدم على وظيفه بيشوف الراتب يفتح له بيت ولا لا؟ الوظيفه اذا ماتغير من صاحبها وحالته.. وش يبي فيها؟ اذا كان معه مثلاً ثانويه + حاسب + دبلومات . ويروح لشركه او تجيه وظيفه براتب 1200 ريال؟ بالله هذه بالوضع الراهن الان وارتفاع الاسعار؟ بتزوجه؟!!
تعال يادكتور نقسم انا وانت .. 1500 ريال الي اغلب الوظائف فيها . تقسيم روتيني الي يحتاجها الشخص بالشهر.
1500 ريال .
30 يوم رايح جاي بنزين20 ريال يومياً .
20*30 = 600 ريال .. مصاريف بنزين.
10 ريال للي ماكل تبن يصرفها بيومه اقل شيء سوا اكل او اي غرض له يومياً.
10*30 =300 ريال . مصروف يومي.
جوال اقل شيء لو شحن او فاتورة بتجيه 300 ريال .
300 ريال فاتورة جوال .
300 ريال = ههههههه مصروف على اهله او زوجته فطور+ عشاء وجبة الغداء لايوجد رصيد لها .
بحيث يستهلك الفطور سعر 5 ريالات + العشاء 5 ريالات اي بمعدل يومي 10 ريالات خلال 30 يوم . = 300 ريال. المبلغ اصبح 1500 ريال .
ملاحظة / طلب الزوجه من ملابس . مرفوض.
ملاحظة / سداد فاتورة الكهرباء مرفوض .
ملاحظة / التمشيات والاكل من الخارج مرفوض.
ملاحظة / اي ضيف يجيك قلطه على قشطه فراوله + بريال صامولي.
ملاحظة / لو عندك اطفال . شربهم بدل ماتشتري حليب من الصيدليه حليب نياق .
ملاحظة / لو خربت سيارتك . هرول للعمل .
ملاحظة / اي غرض ثاني من شاي وقهوه وسكر وغيره للبيت مرفوض .
ملاحظة / اي ادوات كهربائيه او منزليه مرفوض .
ملاحظة / لو ساكن بإجار مرفوض .
ملاحظة / لو عندك سياره وتجديد رخصه واستماره مرفوض .
ملاحظة / تسديد القسايم مرفوض .
ملاحظة / ( يارجل اتقي ربك يارجل خاف ربك العالم عايشه على جبنه بيضاء وخبز الين عفن ببطونها) وانت تقول عطاله وهميه . مالومك يادكتور .. طالما راتبك شاقح فوق 10 الآلاف ريال . مبسوط ومسفر اولادك خارج المملكة يدرسون وبعد مايدرسون بشغل الواسطات يتوظفون .
خل الهموم لنا يارجال.. قال وهميه قال .
تحيتي