السلام عليكم

لثقتي بالمنتدى والقائمين عليه

والأعضاء اللي يقدمون الغالي والنفيس لخدمة بعضهم بعضهم

حبايبي أنا أخذت نسخة من دراسة جدوى مشروع مقهى أنترنت

من الموضوع المثبت في قسم المشاريع

الحاصل أن في نفس تمدحه وناس يقولون أنس الموضوع الشركات الجديدة للإتصالات

جايه وبينزل سعر النت إلى فوق ما تتصور ويسير فيك مثل ما صار

في محلات كبائن الإتصالات .

وأنا ناوي ومعزم على مشروع خصوصاً أني بقدم على صندوق المئوية والله يكتب إللي فيه

الخير .

وعندي فكرة مشروع محل بلايستشن تأجير بالساعة

-------------------------------------------------

أنا حبايبي والله محتار ومتخوف جداً هل بينجح أو لا مشروع مقهى النت

ما أدري رأيكم بمشروع مقهى النت وإذا كان مو تمام , رايكم في مشروع محل بلايستيشن

إللي هو خمس او عشر اجهزة وتأجير ببالساعة في المحل طبعاً فكرته مثل النت بالساعة ؟

أنتظر ردكم محتار إلى درجة ما تتصورون وأنا متأكد أنكم أنتم إللي بتنورون بصيرة بحول الله

وقدرته ؟

أنتظر إقتراحاتكم ومشوراتكم

وعليكم السلام


بصراحه انا مو خبير مرة بالمشاااريع <<<<<<< هاذي اولها لا راح فيها الرجال

لووووووووول


وانشاء الله اقدر افيدك وهذا مجرد فكرة ومااعرف ايش النتائج وانت ابني التصور !!!!!



اولا المشروع بيعتمد على المكان اللي بتفتح النت فيه وعلى الميزانيه اللي بتبدا فيها

واكيد بيكون هدفك فئة الشباب بنسبة كبيرة !!!


ممكن تفتح مشروع يضم عدة انشطه مثل 20 جهاز كمبيوتر للنت و 5 طالولات بلياردو و تحط

قسم للبلايستيشن وتحط ركن للقهوة والمشروبات و شاشة بلازما للمباريات


وهذا كله بيعتمد على ميزانيتك ولازم تتعدد الانشطه لانه في شخص يبي بس نت وشخص يبي


بلايتيشن وواحد بس كوفي



وممكن اقتراح تعمل بالمحل بس واير لس وكل شخص يجيب لاب توبه ويشبك وبسعر رمزي

ولازم تكون السرعه اوكي علشان الزبائن تتردد على المحل !!!!

وهذا مجرد اقتراح

وشكرا

الله يعطيكي العافية

اقتراح حلو بس رايح يكلف مبلغ وقدره وما أضمن صندوق المئوية بيعطيني

مبلغ جامد علماً أني ما أملك ولا هلله لفتح مشروع إعتمادي على الله ثم صندوق المئوية

سلمت أناملك على ردك أختي

عفوا اخوي كاتم انت شايف الاسم نواااااااااااف

ركز وشوا اختي .......!!!!

انا رجااااااااااال

واكيد المشروع بيكلف واذا بتبدا لازم تبدا صح

والله يوفقك !!!

أخ وعزيز والمعذرة يا غالي على الغلطة المطبعية

أكيد لازم أبدأ صح يا خوك

بس عارف أنت فتحت عيوني على حاجات كنت غافل عنها

الله يعطيك العافية خوي نواف

والله مشاريعك تخوف شوي عشان مو انت الي راح تحكم السوق او منافسين بالسوق

لإنة شركة الاتصالات السعودية هي تقلب السوق بعرض واحد

وانا انصحك افتح محل حاسب الالي مشروع جميل

من صيانة بيع قطع كمبيوتر اكسسوارات ومن ناحيتي انا اشوف سوق محلات الحاسب الالي ماشية

عشان تقدر من محل الحاسب تبيع اجهزة اتصالات مثل الجولات وتبيع كمبيوترات بلاي ستيشن وتقدر تاخذ عقود صيانة للمقاهي الانترنت مثل تجديد اشتركات صيانة اجهزة


وصراحة مشروع مقهى الانترنت يبغالة تفكير ودراسة

يعني لو انت من سكان اهل الرياض

يبغالك تفتح بشمال لإن منقطة الشمال كلها احياء جديدة ويبغالك اربع فتحات يعني اربع محلات

وعدة اجهزة كمبيوتر ومودم وطاولات واشياء كثيرة يعني مشروع المقهى يبغالة شركاء

ولك أطيب تحية

وعليكم السلام ورحمة الله وبركاته

انا مع اخي نواف

بأن مشروعك يجب ان يكون متعدد الانشطه

ولا تعتمد فيه على مشروع واحد

وجميل لو كانت صالة الكوفي شوب مدمج بها النت عبر الواير لس وتستفيد من قيمة الاجهزه بالتجهيز

كما انه من الافضل ان تكون كل هذه الانشطة داخل صالة رياضية وترفيهية يكون اعتمادك فيها موزع بين مافيها من انشطة ولا يكون على نشاط واحد تسقط بفشله

والله يا اخوي زي منت شايف الحين مقاهي النت قاعدة تسكر وانت تبي تفتح ...عجبي


اما محل البلاي ستيشن فهي فكرة اثبتت عدم جدواها ولو كانت فكرة جيدة كان شفت المحلات منتشرة في كل مكاان

طبعا انا اتكلم من واقع خبرة وتجربة انا كنت املك محل بلاي ستيشن بس للاشرطة وكان وجع راس وشريط اشتغل وشريط ما اشتغل وشريط يعلق وزحمة وراعين وسرقات يسرقوون الشريط ويخلوون البوكس حقة وانت تحسبة مووجوود


المهم اخوي ان فيه واحد من الشباب جتة نفس فكرتك وسوا محل وجاب تلفزيونات وبلاي ستيشن واشرطة

وفتح المحل وعينك ماتشووف الا المشاكل وانواع الخساير اولا اذا خصصت المحل للصغار الله يعينك على مشاكلهم ومشاكل ابائهم واذا خصصتة للكبار فالكبار دائما في القهاوي عشان هناك جوهم

ولا بعدين البلشة في التدخيين تمنعة ما حد بيجييك تسمح فيه برضة الوراعيين ماراح يرضوون اهلهم انهم يجوونك

ولا بعد يوميين تجييك الهئية وتقوول انك تجمع الوراعيين لاغراض مشبووهة او صارت مشكلة عن طرييق محلك


معلييش ممكن طوولت بس بصراحة يبغالك تفكر في مشرووع افضل من كذا

أخي مجموعة عاطل

بالنسبة لمحلات الحاسب كثير قالوا أنحش لا تفكر الأجهزة والقطع كل ما لها تنزل

أسعارها تشتري شي بــ 20 بعد كم يوم طاح سعره أو أجهزة كمبيوتر كمان أسعارها

كل ما لها في النازل يعني بدال ما أكسب كذا ابيع بخسارة , ما أدري تتفقون معي في هالنقطة أو لا

وأسعدني ردك وأهتمامك يا غالي
----------------------------------

النشمي

ما أقولك فتحت عيوني عن أشياء كنت غافل عنها أو مو في بالي بصراحة

لكن فكرة حلوه

أسعدني ردك وأهتمامك يا غالي
------------------------------------------

شاعر بلا مشاعر

أنت قلبت الدنيا عندي يا غالي خصوصاً السرقات والوراعين والهيئة

هاذي ما حسبت لها حساب

على كذا بيقفل المشروع في كم شهر

أسعدني ردك وأهتمامك يا غالي
--------------------------------------------

أنا شاكر لكم حقيقة أهتمامكم يا غالين

اخوي كاتم العبرات......انت ما حددت من اي مدينة لان في مشاريع مثلا تصلح في مدينة وماتصلح في مدينة اخرى..........

بعدين ممكن تروح لمشروع يكون قريب للمشروع اللي انت طرحته.......


اما اذا كنت تبغى تسوي مشروع .........اي مشروع ........قلي من اي مدينة والشباب ماراح يقصرون معك.........


وتقبل تحيات اخوك: منتعل البطانة الفاسدة