السلام عليكم ورحمة الله وبركاته

اكيد عارفين السالفه من العنوان

يلا بنااات نبي كل امرأة لها تجربه


مع مشرووع


تبدأ في سرد حكايتها


ع الاقل البدايه


وكم كلفها مشروعها


وماهي النتائج والارباح


كثيررر من البنات واولهم انا افكرررررر بمشااريع كثيرررررره


لكن محتااره؟


ابي مشرووع سوا انا اديرره او اشرف عليها

يلا ياحبوبات بانتظاركم

< والشنب الي .. راز خشته قدام الجهاز !!

وش يسوي ، بدنيييياه هالاَخ ؟!

يعني موضوع بس للبناًت

هين هين ~
.. بررب brb~~

داايم اناا افكرمليووووووون فكره بس تنفييييذ لا
واليوووم عزمت وتوكلت علي الله
ااتفقت مع صااحب محل حلويااات علي اني اسويله حلي وله 20%
ووافق واليوووم وديتله اول عمل الله يسعدكم اابغي دعوااات من القلووووب ان ربي يوسع لي في رزقي

الحالمة
فكرة حلوة
الله يوفقك ويرزقك
انا صراحه حلمي كان مشروع فتح روضه
بس انواع التحطيم من اللي حوالي علشان كذا ماصار شي في الموضوع
الحمد لله على كل حال

اللهم صل على سيدنا محمد
جربت تسويق المنتجات النسائيه بس هالشغلهـ فااشلهـ بكل المقاييس لغلااء الااسعاار

امممم موضوع روعه ..

انا بقولك انا وحده اعشق التجاره والتحدي وطموحه وعندي افكار بس دايم العائق هو راس المال ..

بقولك اول تجربه لي كانت بـ 100 وشوي يمكن زياده 20 او اقل لأن فيه شي حق المشوار ..

لقيت اعلان في منتدى عن وحده تبيع خمريات ولوشن معطر للجسم واسعارها مسويه عليها عرض اغلى شي الللوشن عندها كان بـ 12 ريال .. <الاسعار طبعاَ تغيرت الحين طبعاَ هي كانت حاطه عرض ..

واشتري خمريات الوحده بـ5 ريال وشريت كميه و4 لوشن <طبعاَ شريتهم على انه استخدام شخصي ..

وكل مااروح مكان يسألوني عن العطر الي حاطته ريحة اللوشن فواح ريحه خياليه لا اله الا الله وربي يجلس ريحته في يدي كأنه عطر مركز وعن جد ينفع حتى للعرايس والمتزوجات ريحته wooow

كل مارحت عند احد يسألوني وش عطرك وش عطرك وانا والله من شريته ماسرت احط عطر احط اللوشن وخلاص لأن ريحته ثابته وحلوووووه تغنيك عن العطور .. ونفس الشي الخمريات روعه مع ان علبها عاديه بس خياليه وريحتها تبقى في الشعر ومن قوة تركيزها ماشاء الله اشم ريحة الخمريه في المخده ..

طبعاَ انا اخذت كميه وقلت بنفسي وش ابي فيها هاذي كلها .. وجت اختي وقالت بشتري منك وحده قلت لا خذيها مايغلى عليك <كريمه هع .. حلفت تاخذها بفلوس قلت احلى شي ماقصرتي ههههههه وشوي قلت لبنت الجيرانوشمت الريحه وداخت وتشتري مني وجاء اخوي وانهبل على اللوشن وشرى واحد وشوي شوي طارت الكميه الي عندي وبقيت لي لوشن و2 خمريات خليتها لي والباقي بعتها بضعف السعر يعني المكسب الحاله 150 او اكثر شوي مو متذكره بـ الضبط ..


الشي الثاني...

من وانا صغيره وانا العب بالكريمات وبالزيوت هبلت في امي مسكينه ياما لعبت بأغراضها وجننتها خخخخ <

وعلى قولة امي زين ها الهبال الي سويتيه فيني طلع ابداع ..

اسوي واخلط زيوت تنعم الشعر وتشيل البهت الي بالشعر وتخليه له لمعه وحيويه وتشيل التقصف هذا الزيت بدور له مندوبات لأنه يستاهل التجربه ماشاء الله والنتيجه تخيلو .. من اول استعمال ماشاء الله .. <يعني يبين مفعوله الحمدلله .. انا عن نفسي لاحظت انه نعم شعري وسار فيه لمعه وخف التساقط يارب لك الحمد وراح اسوقه عشان الكل يستفيد منه ..<< بس مشكلتي مااستمر هع ..

ويوم بديت فيه كنت اسويه في علبة موية صحه القصيم الصغيره لي طبعاَ وبعدها عطيت خويتي كان عندهم مناسبه زواج اخوها شوي خواتها المتزوجات طلبو مني شوي صديقاتهم وجاراتهم وماشاء الله تبارك الله اشتهرت وسرت اسوي زيوت وابيعها ع المشاغل لأن اهلي مايرضون اشتغل بـ كذا يبوني اهتم في دراستي فـ سار يقول اي وحده تبي تشتري تروح للمشغل.. شوي سار الطلب كثييير يطلبون مني في الشهر ... مابعلمكم كم فسارو ياخذون بـ الدين الطلبات ع الزيت كثيره وانا تعرفون مو فاتحه بنك محتاجه زيووت اشتريها واغراض وعلاجات خاصه فيها فـ سارو يتلاعبون فيني ويعطوني ثلث المبلغ .. قلت حلال عليكم وخليت الزيوت لهم وحرمت اعطيهم شي .. وسرت اعطي وحده هي الي ملتزمه معاي وطيبه بـ الحيل ومرضت مسكينه وباعت مشغلها ويوم جيت عند الي شرته شفتها شايفه نفسها ولبسها مو محتشم الله لا يبلانا وتركتها ولا عاد جيتها مارتحت لها يعني ..

والحين ودي اوسع مشروعي وآخذ مندوبات افيد واستفيد ويستفيدون المندوبات بعد والكل يسير له فايده ..

اذكرو الله يابنات وعيال ..

وشرايكم بقصة حياتي هههههههههههههههههههههههه<

اعجبني الموضوع قلت افضفض وش وراي

يسلمووووو ياصاحبة الموضوع هاذي مني لك

^
^

ماشاء الله عليك .. الله يرزقك ويوفقك يـآآآرب

......

بالنسبه لتجربتي من بدايتهـا كآانت فاشله << ابوك يالتحطيم

كان مشروعي كـوش آفراااح

وراحه تحويشه العمر كلها فيه وطلعت من المولد بلا حمص

< حمص ولا تبوله خخخخخخخخ

خسـآآآآآآآآره x خسآآآآآآآآآآآره

مالكم بالطويله جبتها لكم من قاصرهـا خخخخخ


< ومازالت تبحث عن مشروع ناجح وياحبذا مع راس مال

< برآ



..



شكراً خيتو ع الموضوع

^
^
ويوفقك ياعيوني مشكوره ع الدعوات الحلوه ..

ليتك كاتبه التفاصيل عشان نستفيد من الأخطاء ..

والله يعوضك خير ياقمر ولا تيأسين وتحبطين ..

موضوع حلو

ربي يرزقنا ويرزقكم