انا ابي اسوي شركة دراسات وقياس للرأي العام ...
بس مدري كيف أبدأ؟؟؟؟؟؟؟؟؟؟؟؟؟؟؟؟

..
مافيه مشروع ما جربته بعت إكسسوارات وعطور وبخور وأعشاب وزيوت و معجنات على المحلات
والحمد الله مشت معي بس مشكله ان صرفي اكثر من الوارد .. المهم اخذت دورات تجميل
عندي مهاره وأحتراف فيها لاني من صغري أكثر وحده فالعايله تحب التجميل والاناقه
وأشتغلت فتره كوافير وسويت جمعيات والحمد الله جمعت رأس مال كويس .. بس تركت الشغل
لاني افكر اقدم على باب رزق وافتح مركز نسائي أسلامي متكامل يعني ما فيه منكرات مثل باقي الصوالين
واقسم الارباح بيني وبين احد الجمعيات الخيريه او دار الايتام هذه امنيتي وهدفي اللي احاول اوصله
بس مالقيت دعم من اقاربي دايم يحطموني بس ارد عليهم واقول اذا جاء احد يتسلفني بعدين لا يزعل
اذا اخذت عليه سندات ههههههههه
وعلى فكره متعامله مع مصنع للقمصان يجيب لي بالجمله وابيعها بالقطعه والحمد الله مكسبي حلو
بس للاسف مالقيت محلات تشتري مني بالجمله مع ان عليها طلب وخامتها جدا ممتازه واسعارها بسيطه
وكمان مالقيت مندوبات لي بمناطق المملكه والحمد الله كل فتره يجيني ربح حلوو

هذي تجاربي ..

ماشاءالله مرة حلو الموضوع , يعطيك العافية حبيبتي على الموضوع
وربي يوفق كل البنات في مشاريعهن
,
عن نفسي صار لي تقريباً حدود الـ خمس سنوات وأنا اشتغل في البحوث والتحاضير المدرسية الحمدلله
, كنت وقتها لسى ماتخرجت لكن بالصدفة سويت لوحدة من الأهل بحث وعقب سوقت لي الله يجزاها خير بعدها حبيت الشغلة خصوصاً إني أحب البحث في الكتب والانترنت والكتابة على الوورد وكذا وصرت أسويها بأسعار أقل بكثير من أسعار المكتبات والحمدلله ضبطت معاي ..
شغلي على جهازي وطابعتي في البيت وكل اللي يكلفني سعر الورق وتعبئة الحبر والحبر ماشاءالله لطابعة hp يعمّر , وقيمة الحبك في المكتبة .. وحالياً أفكر إني أشتري آلة حبك وأريح راسي ..!
وهذا مشروعي اللي أطمح إني مستقبلاً إن شاءالله أوسعه ليكون مركز لخدمات الطالبة

طبعاً تفكيري تجاري شوي وحلمي أكون سيدة أعمال
وبالتأكيد أي عمل لابد له من راس مال عشان كذا أحاول أشتغل كذا شغلة بحيث إن مايكون بينهم تعارض وماتأثر أي وحدة منهم على إتقاني للثانية ..وأطلع من كل وحدة مبلغ طيب أبدأ فيه عمل خاص ..!

طيب ...انا كمان راح اقول حكايتي
بالنسبة للتجارة احسها شي يفرض نفسه ..يعني انا احب التجارة من صغري واللي حولي كلهم ضدي ليه ؟ ما انتي بحاجة ؟
من جد مايفهموووووووووووون ؟
انا ابغى اتسلى واكسب بنفس الوقت ...يعني ماهو معقول وقت فراغي العب كلمات متقاطعة
المهم > بما انه موضوع بنات < باخذ راحتي
اول سبب كان لدخولي عالم التجارة ....الفراغ ...
وماتصدقون ...ولله الحمد كسبت مكسب محترم من اول مرة ..ماشاء الله تبارك الله
لقيت وحدة تبيع بطانيات مشجرة رائعة وخفيفة .تنفع صيف وشتاء..صرت اخذ منها جملة وخلصت اللي عندها ..
حولت على وحدة ثانية ههههههههه
وكدت اخلص كمان اللي عندها ...لكن جات ظروف وانشغلت
والحين قررت ابدأ من جديد ..فكرت وفكرت ..
ادور على شي مطلوب وغير متوفر ..
لقيته ...الحناء الطبيعي
والله ما تصدقون عليه طلب بالهبل..
طبعا انا جبته من مزرعة قريبنا ..كمية كبيرة وخلص بسرعة ..يقولون اللي استخدموه ريحته خيااال وجدا ممتاز
انا حاليا ابحث عن موزعين ...في مختلف مناطق المملكة ...ابغى افيد واستفيد
طبعا ما يكفي في التجارة انك تعلق على بضاعة وحدة ..للحديث بقية

انا بقول لكم وش بديت فيه

بديت عن طريق تاجره وصلتني لشركه فاشله صحيح عرفوني ناس واشتهرت بالبيع وربحت شي واحد مو فلوس ربحت معرفتي للناس وحسدهم وحقدهم وطريقة ردهم البشعه الا ما ندر
تحطمت لكن واصلت وشجعت نفسي بنفسي لأني محتاجه فلوس
خذيت وصفه تبييض للبشره من خبيرة تجميل ودفعت فلوس اشتري المحتويات اللي تخص الوصفه وفتحت ورشه بغرفتي ههههههههه كني هندي وصرت اخلط واعلب ونجحت من تصدير 6 علب الى درازن والحمد لله
بعدين توقفت بسبب انتشار المواضيع في المنتديات يحذرون فيها ان الخلطات مضره مع اني متأكده مافيها ضرر والحمد لله
غيرت مشروعي مع انو ناجح الى بيع العطور والحمد لله نجحت بنسبه قليله لكن ابتعدت بسبب طلب الزباين لعينات للعطور وهذي مررررررررره صعبه علي
غيرت مشروعي الى تفصيل ملابس وهذا الحاصل الان اني اصممها وعندي اللي تفصلها والحمد لله
على كل حال والجود من الماجود