أمن المنشأت { القبول المبدئي } بدأ اليوم

إعلامي بلا وظيفة · #**141** (**permalink**) 26-01-2010, 07:48 AM

شبااااااااااااااااب أنا انقبلت مبدئي وموعدي في 19 / 2 لكن المشكلة أنا كتبت في الاستمارة التقدير جيد وانا تقديري مقبول تتوقعون بيمشوها والا كيف واللي عندة خبر ياليت يعطيني الخبر الاكيد اروح والا لا

منتظر حظي يبتسم · #**142** (**permalink**) 26-01-2010, 07:56 AM

يااارجاال ماتدري .. التوفيق من الله سبحانه ..
إذا هي مكتوبه لك تبي تجيك بتقدير جيد وإلإ مقبول

عاطل في ارامكو · #**143** (**permalink**) 26-01-2010, 09:47 AM

فيه دفعها ثانيه ؟؟

نواف نواف نواف · #**144** (**permalink**) 26-01-2010, 10:40 AM

سلام اناطولي 160 والوزن 53 والمقبله في الرياض يوم
30/2
بالله وش ريكم اروح والا لا

خدعوك فقالوا · #**145** (**permalink**) 26-01-2010, 12:01 PM

اقتباس:

بحكم إني من الي قدمو السنة الي راحت ولا حالفني الحظ بجاوب الي اعرفه :
-الشهاداة(نجيب معنا نسخة من الشهاداة الاصلية؟؟..او صورة للبطاقة الشخصية؟؟آرجو الاجابة عن جميع متطلبات الاوراق المطلوبة))
×الأفضل إنك تحضر الاصل معها صورة مصدقه أو صورة عاديه للمطابقه
-اللبس الرياضي(اي لبس بدون تحديد..والجزمة الرياضية مهمة..والشعر علية ملاحظات اذا كان طويل شوي والصورة مكشوف الراس.. الشعر لازم أقصة!! آرجو الافادة بالموضوع))
× والله يابعدي شوف العين ماهو بالحكي .. فيه شباب حضرو بلباس عادي وسمحو لهم لأنهم جايين من مكان بعيد وبعضهم ردوهم
لكن المهم هنا هو لباس رياضي أي لباس رياضي الافضل هنا يكون أسود وأبيض
ويكرم الي يقرون .. جزمة رياضيه .. وتكون حالق الشعر ماهو عاد يكون ملط على الصفر .. يعني تخفيف 3 او 2
وبعدها تصور ثمان صور حديثه ملونه 3×4
-طريقة الفحص(الوزن والطول وفحص(ال

)..بالسروال الداخلي فقط.!! آرجو الرد مفصلآ تفصيلآ عن طريقة الفحص والدخول لغرفة!! وآ وآ وآ...))
×والله وانا اخوك فحص الطول والوزن يفصخونك الفانيلة وترفع السروال أعلا الركبة
وترمي كل شي معك جوال مفاتيح أي شي بمكانك الي انت جالس فيه قبل فحص الطول والوزن
-الترتيب المتبع( عشوائي ..خبص ليس. اللي يسبق يلبق

..والله بآرقام تسلسلية وتنظيم

)
ياطويل العمر مقولة مشهوووورة تقول .. ( من سبق لبق ) يعني يجلسونك بالصالة فيها كراسي وعلى صف صف يمشون تركب الباص لـ صالة الفحص الطبي
ملاحظات مهمه :
الي عنده مجرح باين بيده وإلا بساقه يحاااااول إنه يداريه ولا يجعل الدكتور ينتبه له .. اذكر واحد قدامي ردوه على شان هالسالفه هذي
وانا لحقته على طول بسبة ان الطول ناقص شوي والوزن بعد .. هذا الي صار معي بالتقديم الي فات.
واخوكم في الله مقدم ولا سوية شي بعد لاطولة روحي ولا رفعة وزني
على العموم هذ الي صار معي بتقديم الرياض .. وانا هالحين مقدم على تبوك ..
ما التوفيق إلا من عند الكريم الرزاق

أخ منتظر حظي يبتسم ...

القبول اللي تتكلم عنه هذا السنة اللي فاتت وانا مقدم عليهم السنة اللي فاتت وماقبلوني ..

اما السنة هذي غير ..

انقبل ولد عمي السنه هذي ومقابلته في الشرقية أمس
والوضع غير عن اللي ذكرته (نظام جديد)..

والله يوفق الجميع

عاطل ولامخ فاصل · #**146** (**permalink**) 26-01-2010, 02:56 PM

ممكن الله يحفظك تقول وش هو الجديد

كحيلان نجد · #**147** (**permalink**) 26-01-2010, 03:03 PM

اقتباس:

المشاركة الأصلية كتبت بواسطة خدعوك فقالوا

أخ منتظر حظي يبتسم ...

القبول اللي تتكلم عنه هذا السنة اللي فاتت وانا مقدم عليهم السنة اللي فاتت وماقبلوني ..

اما السنة هذي غير ..

انقبل ولد عمي السنه هذي ومقابلته في الشرقية أمس
والوضع غير عن اللي ذكرته (نظام جديد)..

والله يوفق الجميع

طيب خذا التفاصيل من ولد عمك وقلنا عليها
الله يجزاك خير ويوفقك

يتيم المنطقة · #**148** (**permalink**) 26-01-2010, 04:46 PM

السلام عليكم ورحمة الله وبركاته
اخوكم من الدورة السادسة في مكة المكرمة حاليا ..

نصيحة اخوية لكم بدون خسارة اي شخص مو متناسق جسمة لا يتعب نفسة ابدا واتمنى للجميع التوفيق
بعد مرور 40 يوم من الدورة خرجنا اجازة لمدة 4 ايام فقط والتحضير يوم الجمعة الساعة 4 عصرا ..

الدورة ستكون في مكة بإذن الله بعد 5 شهور تقريبا نتخرج وتدخلون مكانه

اي استفسار حاضرين

مازن عباس · #**149** (**permalink**) 26-01-2010, 05:36 PM

بسم الله الرحمن الرحيم
السلام عليكم ورحمة الله وبركاته

تم قبولك مبدئياً في قوات أمن المنشآت وسيكون موعد المقابلة 20/02/1431 وذلك حسب المجموعة 13 وذلك اعتبار من الساعة 7.30 صباحا الى الساعة 6 مساءا فى موقع مركز تدريب امن المنشأت فى مكة المكرمة

الله يستر
طولي 167
الوزن66

طمنوني ياهل الخبره

ذبحونا علا الطول
الضاهر القصير

ماهوبانسان حاله حال البشر

عاطل بزمن باطل · #**150** (**permalink**) 26-01-2010, 05:40 PM

يامرحبا بشباب

انا اعلمكم الزبده كلها

الي قبوله بدمام ___ المكان قبل الجميح ___ ولاتنسون ان الجيمح له فرعين بنفس الطريق

الأول صيانه بتشوفه ع يمينك كمل سيده لين يجيك الجميح للبيع السيارات وليسا الصيانه

وبتشوف الجيمح بوجهك لف يمين ع طول وبتشوف لوحة مركز التدريب لاامن المنشات بلازرق

_________________

الحين وصلت للمقر وبيشيكون ع اسمك ان موجود ولا والله يعينكم ع الصف

بعدها تجي اللجنه الثانيه تشيك مره ثانيه ع الاسم موجود ولا (( يعني ناشبين مره ))

والي ماعنده استماره الله يعينه بيصف صف ثاني عشان يروح ياخذ استماره من عندهم

وترجع تصف مع الشعب الي بيدخلون للفحص والفحص (( طول + وزن )) .

وكلهم الي بالفحص ملازمين ونقابا .

وابوفر عليكم ياشباب كل هالسالفه بختصار .............

انا طبعآ انقلبت ورحت وجاء دوري للطول تخيلووووووووووووووو

هم طبعآ بيون الطول 168 ___ وانا طولي 167 ** ** ناقص واحد سانتي ياجماعه

يقولي غير لائق بكل بروده وحجرت له قلت يأخي نظام العسكريه يستثنأ 3 سانتي كيف تقول غير لائق

وتخيلو ببكل وقاحه يرد علي يقولي لو انت 167 ونص غير لائق

ووالله ياجماعه وقدام عيني الواسطات تلعب لعب وربي ان الي مشوهم انا اطول منهم

بالعربي الي ناقص نص سانتي لايتعب نفسه ويروح ____ والي برضو ناقص سانتي

والي خايف ع الوزن ترا مايهتمون بالوزن مره _ الا الي وزنه نازل مره

اهم شي عندهم الطول محجرين عليه مررررره

(( وامن المنشأت شعارها الواسطه عينك عين مقبول ))

والي ماعنده عليه العوض والله يكفنا شر العسكريه ويرزقنا بالي احسن منها يارب

بتوفيق لكم جميعآ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

أمن المنشأت { القبول المبدئي } بدأ اليوم

إستفسارات ونتائج الوظائف العسكرية

السلام عليكم ورحمة الله وبركاته تم بحمد الله القبول المبدئي لقوات أمن المنشأت اليوم الثلوثاء بتاريخ 4/2/1431هـ علــــى الرابـــط التالـــــــي::h...

أمن المنشأت { القبول المبدئي } بدأ اليوم

تسجيل الدخول

أمن المنشأت { القبول المبدئي } بدأ اليوم

إستفسارات ونتائج الوظائف العسكرية

السلام عليكم ورحمة الله وبركاته تم بحمد الله القبول المبدئي لقوات أمن المنشأت اليوم الثلوثاء بتاريخ 4/2/1431هـ علــــى الرابـــط التالـــــــي::h...

أمن المنشأت { القبول المبدئي } بدأ اليوم