مروق الدراسة للدبلوم مدتها سنتين ونص وليس هناك عمر معين يعني تقدر تدرس ان شاء الله

السلام عليكم.. انا اللحين بقى لي انشاء الله 6 شهور واخلص تخصص طب طوارئ

والله في اخبار تقول ان طلاب الاكاديميه شاتوهم يعني ما يعترفون
بالمعاهد هذي السباعي والاكاديميه وفي اخبار تقول انه مطلوب
وبقووووووه
واتمنى للجميع التوفيق....

كم قيمة الدراسة في معهد طب الطوارئ المعتمد

تقريبا 72000 الدراسة مدتها 3سنوات ونصف في المعهد هذا اما في الاكاديمية سنتين ونصف وقيمة الدراسة 50000 وبالنسبة للاخ محمد الصلبي الحمدلله الاكاديمية التخصص معترف عندها من هيئة التخصصات الصحية لكن فيه بعض الناس تتخرج ومو فاهم شئ يعني جاي يلعب في الدراسة هذولا طبعا ماراح يوضفونهم اما لو واحد مجتهد وباذل قصارى جهده راح يتوظف باذن الله وماراح يروح تعبه على فاضي

اخوي انصحك تدرس بمعهد طب الطوارئ اللي في اشبيليا شهاده قويه ومعترف فيها

الاكاديميه الدوليه ماعندهم سالفه

وش اسوي مافيه الا الاكاديمية عندنا بالطائف عندها التخصص هذا

أهلاً وسهلاً أيها الرفآق ، العاطلين والموظفين والدارسين والمحتارين

أنا مثلكم محتار بتخصص طب طوارئ .. انا من ساكنين الدمام أتصلت إلى فرع الأكاديمية الدولية للعلوم الصحية <ياطول ها الأسم والله

والي رد علي مايدري وين ربة حاشرنة ، موفاهم ولا حاجة ، كلمته بالعربي مو مقبض منه شي مفيد ، كلمتة بالنجليزي برضو موصايد منه شي يفيد ، لين طفشت وصكيت السماعه في وجهة

حسب ماقرأت في المنتديات أن التخصص مطلوب بشكل كبير وكل الي تخرجوا منه توظفوا برواتب حلوة ، بس المشكلة شي واحد أنه يقولو بعد سنتين الوزارة ماراح تعتمد التوظيف للدبلوم باكلريوس فقط !

مشكلتي انا < بفضفض شوي بالموضوع ، أن صار على تخرجي 5 سنوات ، مادري هل لازم ادرس تأهيلي ، بلعلم اني خريج ثانوية عامة /علمي

وياليت احد من الدارسين في الاكاديمية الدولية للعلوم بالدمام يخبرنا كيف مسار دراسة طب طوارئ هل الدراسة تمريض بشكل عام وبعدين تحدد مسارك او تخلص التأهيلي وتنطلق الى التخصص على طول

هذا مالذي حتى الآن ..

استودعكم الله يا اخوان

ياشباب ، أتمنى من أي شخص درس التخصص يعلمنا أيش المواد الدراسية في جميع السنوات وياحبذا لو كان يدرس في الاكاديمية الدولية للعلوم الصحية

انا اعطيك العلم بما انك لك خمس سنوات فطبعا لازم تاخذ ترم تاهيلي بــ 5000 ريال سمعت انه اخر سنة السنة هذه والله اعلم يعني الحق وسجل في الصيفية بالنسبة بعد ماتخلص الترم التاهيلي وتنجح في اختبار الهيئة تدرس ترم تحضيري عبارة عن مجموعة من المواد كوكتيل وبعد ماتخلص الترم التحضيري تدخل على المستوى الثاني الي هو فعلا بداية تخصصك الصراحة ياعاطل يابن نخاع التخصص مطلوب بشهادة المدرسين والاداريين بالاكاديمية يمكن تقولي يقولون الكلام هذا عشان يبغونك تسجل بس هم ماقالوا لنا الكلام هذا الا بعد ماسجلنا وخلصنا امورنا ولو تبحث في النت عن التخصص هذا راح تلاقاه مطلوب باذن الله التخصص مواده سهله وقليله يعني ماتتعدى 5 مواد انا الحين في المستوى الثاني وانصحك نصيحة لوجه الله اذا تبغى تدخل اي معهد خاص ادخل طب طوارئ مع العلم التخصص هذا فيه كرف في المستقبل اذا اشتغلنا ويحتاج سرعة وبديهيه .

واتمنى للجميع التوفيق

هلا اخوي ذبحتني ، كلامك حلو والله يوفقك يالغالي ، ان شاء الله يوم السبت بروح عندهم الأكاديمية وبشوف وش خبصتهم بنسبة إلى الترم التأهيلي ومتى يبتدء وراح اسجل وادرس بأذن الله

بس سؤالي لك ياخوي بما انك في المستوى الثاني وش المواد الدراسية والرياضيات كم مادة لو مافية <ينغث من الرياضيات ، واللغه الدراسية انجليزية ؟ وفيه تحضير للغة الأنجليزية في نفس المعهد ؟