يعطيكم العافيه يا جماعه انا عندي مشكله هي اني حاصل على دبلوم من كلية التقنية ومعدلي فيه 2.41 مقبول وصراحه تندمت على الأهمال ايام الدراسه ونسبتي في الثانويه العامه 85.92 وصراحه ودي اكمل دراسه ودي ادرس لاني تعبت كل ما اروح لمكان يقولون لي صراحه مقبول وممنوع المقبول انه يتوظف عندنا وتعبت وتحطمت نفسياً مع العلم اني متزوج ولا اقدر ادرس خارج الرياض ولا ادري وش اسوي تكفووووون يا اخوان ابي المشوره منكم والدعى لعل الله يرزقني بشي ،

اخوي صل على النبي

معدلك مرة تعبان وودك تدرس مافي حل الا تدرس بفلوسك هذا هو الحل اما انك تدرس انتظامي ( ازهلها ) لانو معدلك لا يبشر .

اشتغل وادرس كافح عوض اللي فات من عمرك المهم تعدل وضعك لو بعد فوات الاوان .

شد حيلك واستغفر ربك وطع والديك وان شاء الله ربي يسهل امرك

بالتوفيق

و الله و انا اخوك
أشوف ناس تشتكي من موضوع المعدل قبل التخرج
كيف بعد التخرج
على كل حال أنت متزوج و لديك إلتزامات
أمسك لك وظيفة تضمن لك دخل
و بعدها أبحث عن إكمال الدراسة
و لا تظن كل من حصل على شهادة تكون الوظيفة جاهزة له
و حاول تدرس شئ مضمون و ليس بكلية و برسوم غالية
و يمكن نظامها يمنعك من الوظيفة الأساسية
حاول تنسق بين الدراسة التي تساعدك على تحسين وظيفتك
و ليس الوظيفة في مجال و التخصص في مجال بعيد
و الله يوفقك

شوفلك معهد دراسة انجلش

يعني عندنا في معهد الجزيزة دراسة مدة 6 اشهر بـ 6 الف ريال

يعطيك دبلوم انجلش ودبلوم الانجلش بيساعدك 100% حتى لو معك اللغه الشهادة اهم

الله يوفقك بالدنيا والاخرة