[align=center]
السلام عليكم ورحمة الله وبركاته ..
كيف حالكم عساكم بخير !

أنا محتار بصرااحة وحالتي حالة وأتمنى منكم المشورة !

أنا قبل شهر بالضبط اتصلوا علي مستشفى قوى الأمن وقالوا لي اني اجتزت اختباراتهم وماباقي لي الا الفحص الطبي بس باقي شوية اجراءات راح يخلصوها وبعدها بيدقون علي عشان اروح اسوي فحص طبي .. اللهم لك الحمد كل شي تمام !

المهم كل شوي تتصل علي شركة وارفض عروضهم لأني ضمنت الوظيفة في قوى الأمن !
الحين مر شهر كااامل وقوى الأمن قالوا لي راح يتصلون علي بعد شهر بالكثير والحين مر شهر وما جاني ولا اتصال .. اتصلت عليهم لكن محد يرد !
المهم جاني اتصال اليوم من شركة العبيكان للتطوير والابحاث وعرضوا علي وظيفة ((مسئول تقييم Assessment officer)) ونا بصراحة بدأت أفكر في عرضهم بشكل جدٌي لكني ما أعرف شي عن هالوظيفة وعن هالشركة .. فطلبي هو : مين قد اشتغل في هالشركة وايش عيوبها وميزها ؟ والراتب كيف ؟ ودوامهم كيف ؟ لأن لو تكون المميزات في هالشركة أطلق من مميزات قوى الأمن راح أروح لهم .. فمساعدتكم تهمني والله بشكل كبير لأني يمكن أرد عليهم يوم السبت !

الله يجزاكم الجنة اللهم آمين !
[/align]

وعليكم السلام والرحمة ..
والله ياخوي ماعندي معلومات عن الشركة لكن ودي اقول لك .. روح للشركة وسو المقابلة واسألهم كل الاسئلة اللي في بالك مانت خسران شي وشوف جوهم ووقتها بتقدر تقرر اذا تبيهم او لا ..
وفي نفس الوقت رح تكسب مدة زمنية يمكن خلالها يردون عليك قوى الامن .. وفي حال انقبلت في الشركة وتيسر امرك رح لقوى الامن بنفسك وقل لهم انا جاني عرض وظيفي وعلى وشك توقيع العقد فقولوا لي اذا تبوني او لا ..
لاني اتوقع والله اعلم ان رواتب المستشفيات قوية ..

الله يوفقك ويكتب لك اللي فيه الخير..
تفضل هذا موقع الشركة :
http://www.ord.com.sa/

الله يعطيك الف عافية ويرزقك الوظيفة وكل اللي تتمناه !
مشكوووووووور يالغلا ..

لاعدمنــاكـ !