الاخ wmw كل تأخيره وفيها خيره لعلها خير لك خلاص انطلق الا الامام ولا تنظر الى الخلف وما شاء الله معدك راح يساعدك والله يوفقك ويوفق الجميع

والله الكليات قمه في الفساد
المفروض يكون عليهم رقابه
ولا تقول خطأ مو مقصود الا استهتار واذا رحت تكلمهم ما يعطوك وجه
روح اشتكي وخلي المتسبب بهذا الخطأ يعاقب

والله محتار ما ادري اشتكي او لا وانا كاتب الموضوع عشان اشوف ردود الاعضاء

واستفيد منها ولكن الى الان لم اثبت على قرار وباذن راح اقوم برفع صور شهادتي الجديدة

وكشف الدرجات القديم والجديد ولكن بعد الذهاب الى عكاظ واخذ صورة من الجريدة

أنت رح وكلمهم والله اقتنعوا وسمعوك وعدلوها أهلاً وسهلاً

ما أحد أعطاك وجه وبدوا في التصريف عليك

بديوان المظالم أطلق شنب اذا سمع ديوان المظالم يوقف

مناصب وقفت عند ديوان المظالم وأحكمهم مشت بالغصب مو بالرضا لا بالغصب

فأنت شف وضعك وعاد أسمحلي تجي بعد سنة تقول فيه خطأ أنت عليك نسبة من الخطأ

هذا والله يعينك

قلنا وش يسير معك أول بأول

والله يسهل أمورك يا رب

شي يقهر بصراحه قمة التساهل في مثل هالامور

لكن العتب علي اللي مسئوووول عنهم

اقول اخوي wmw والله انا زميلك كنت بكلية الاتصالات وتخرجت منها الله لا يبارك فيها ومعدلي زفة وانتم بكرامه لكن تبي السنع عدل شهادتك وكل شي عندهم وخذ صور من القديم وصور من الجديد وليا خلاصة من عندهم قولهم انتم اصلا مانتم فالحين وانا ابي اروح اعلان في الجريدة وهذا من حقي ورح وبلغ لانهم نصابين واول نصبهم كانو مزعجينا من يوم دخلت الكليه إلا ان تخرجة وهم يقولون انتم اولى من غيركم في الاتصالات والاتصالات ملزومه فيكم والمهم مو المعدل المهم انك تفهم ولا الوظيفه مضمونه بالاتصالات وطارحين معدلنا ولعنين والدينا وهي كلها نصب بنصب ليه ماهو بالعربي يقو لون كلية التقنيه وبس بالعكس الله يعز التقنيه عليها التقنيه على الاقل معترف بها ولا هم يخرجونا ونجلس في البيت مو ضلم ياناس ياعلم والله خساره


المهم لا تتركهم اذا خلاصة اوراقك رح للجريدة لا تقول غير الصحيح
اقسم بالله ان دفعتي قبل سنتين ان كل شهاداتهم غلاط التدريب التعاوني كان لنا 4 شهور حاطينه 2شهرين ويقولون عايدي عايدي ماتفرق طيب ليه تضيع شهرين من عمري وتجحدني فيه هي مهزله الدعوى غير ان تخصصي واسمي كان غلاط وعدلتهم والله يخلف بس

وعلى فكره تراء معندهم الا لهف من هالفلوس تدري لياجيتهم وش بيقولون لك هذا اذا ماجحدوك بيقولون يالله ادفع 100 ريال على كل شهادة في دين من ادفع لكم وكل يلهف واتحداك اذا عدلو لك الشهادة بدون ماتفع فلوس

اخوي wmw: شف وانا اخوك.....حكم عقلك شوي......لاتخربها من البداية.....انت رح للكلية وشف ردهم وخذ واعط معهم.......واذا وصلت لطريق مسدود معهم امش ولا تقول لهم انك رايح للجريدة.......لانك لو رحت على طول للجريدة هم راح يتصلوا على الكلية.....والكلية راح تقول هو ماجانا لو جاء كان ماصار الا كل خير.....وتروح لهم وياخذون اوراقك ويقولون مالك شي عندنا......لكن انت لاتبدأ بتصعيد المشكلة .....خلها تجي من الكلية.......واعطنا خبر وش سويت....

انا رايي من راي اخوي الدبلوماسي ..

.