السلام عليكم ورحمة الله وبركاته
أخواني واخواتي صبحكم ومساكم الله بالخير
أنا بس بقولكم قصتي وأتمنى محديتمصخر فيني لأنه الي فيني كافيني
ياطويلين العمر أنا عايش خارج بيتنا من ثلاث سنوات وكملت اخر سنه ليا بالثانويه وانا خارج البيت اكيد البعض بيقولي ليه لأنه أبوي انسان متحجر وعقله ناشف من شيبان زمان تخيلو كملت دراستي بين منطقة المدينه وبين جده ماقدرت اكملها انتظام بسبب ظروفي فكملتها ليلي مع انه عمري لسى صغير وبطلوع الروح قدمت ليلي صرت اسبوع بجده اعطي نفسي اجازه واسبوع بالمدينه ادرس الين مابغيت اجيب العيد وانفصل بسبب الغياب بس الحمدلله كلمتهم وشرحتلهم ظروفي وقدروها ولله الحمد تخيلوثلاث سنوات وانت مطرود من بيتكم من شايبك اقصد وربي ماخليت مكان الا وسعيت فيه رحت للمنطقة الشرقيه وفريت بالغربيه وصلت الجنوب مابقالي غير الشمال اهل الجود والنخوه بصراحه فكرت اطلع قطر لأنه عندهم نسبة الوظايف حلوه زي ماسمعت
تخيل تعيش وتجلس يومك بدون اي وجبات الا وجبه وحده فوق هذا الحمدلله على الصحه وبالعين لسانا ومنطمين وكل يوم ينط القصيبي يلعن امه ويصرح ومجلس الشورى الي زهقنا منه ومن اكاذيبهم وتلاعبهم والي خالقني اكثر من مره ترادوني فكره وش بنستفيد من هالدوله مدري الدلو
اذا ما اعطتنا حقنا وانصفتنا ليه واحنا مو حالنا من حال غيرنا والا مكتوب على جبهتنا غجرمع التوصيه قسم نعاني بظلم وساكتين ولو بتسوي مظاهره تلوك مع سمعك واقرب مروحه وبتعلق فيها قسم بالله تعبت من هنا الشايب ومن هنا السعوديه ابلشتنا الى متى يعني بنسكت عن هالتظلم تكفون الي يعرف واسطه بالخليج يفيدني ما اقول بالسعوديه لأنه بالسعوديه ماشفنا خير عز الله ماغير الخياس وبتشوفون شبابنا بعد فتره مثل قطعة الخبز اذا تركتها بالشمس يلقب لونها اخضر وتعفن هذا اهو حالنا بعد سنه الفزعه ياشباب وبصراحه ماقلتلكم ظروفي الخاصه الا من القهر

والله كل شي بالواسطه بها الزمن واللي ماعنده واسطه يضف وجهه هو وشهاداته اللي معه وياكل تراب

انا حبيت اواسيك اللي انت فيه كثير منا فيه ،، اسأل الله لك الثبات ماشاءالله عليك انك صبرت مع وضعك الصعب

بس انت ما معاك غير الثانوي ولا عندك دورات ؟؟؟ حدد مؤهلك اكثر عشان اذا احد يقدر يساعدك

الله يوفقك ويوفقنا ويرزقنا الرزق الحلال اللهم امين

ربي يوفقك اخوي ويسهل لك امورك ويرزقك بالوظيفه المناسبه
والله مافي يدي الا ادعي لك وادعي لكل العاطلين بالوظايف
توكل على الله وانسى الواسطه وسوي كل اللي تقدر عليه وانشالله ربي مايضيع تعبك ويرزقك

الله يوفقك ياااااااااااااارب

اخوي انا بعطيك عدة حلول وانت وشطارتك
إذا تبي تشتغل وتكمل دراستك تعال
شف السعودية مليانة وظائف ولله الحمد بس المشكلة في الأجانب مسيطرين على كل شئ
عندك الطباعة على اجهزة الكبيوتر والجولات
هذا مربحة كثير بس انت اشتغل فيها مو تجلس شوي وتجيب هندي يشتغل عليها وياخذ كل المبلغ
عندك الدباب تأخذه وتأجرة في البر على الأسر إللى تطلع تتمشى
طبعا لازم تجيب معك ايضا حافظة كبيرة تعبيها عصيرات وماء عشان تبيع عليهم
طبعا إذا ما عندك فلوس قلي عشان ارشدك لعدة جهات يعطونك قرض حسن

الشـكر موصول لكل من مر على الموضوع بس انا غسلت يدي من السعـوديه بصراحه الوظايف كلها راكنينها على جنب لعيالهم
فكرت اروح لأي دوله خليجيه عشان كذا طلعت الجواز واهم شئ عندي رضى الوالده فوق كل شئ ربي يرزقكم من أوسع ابوابه

كلام اخوي طالبك صحيح
التوفيق بيد الله سبحانه وتعالى ومن ثم دعاء الوالدين
اصلح كل شي حولك لاتقول ماله دخل وهذي فلسفه الا دخل ونص
واسعى ولاتيئس وأن شاء الله بتنفرج عليك وعلى جميع العاطلين
والله يوفقك يارب ويزرقك الوظيفه اللي تسرك وتصلح امرك وترضي ربك و اهلك

الله يعينك وانا اخوك اهم شي بدنيا الوالدين هم سبب رزقك بدنيا وسبب دخولك الجنه
الله يعينك الله يرزقك والله يسهل امرك

ما اقول الا الله يعين