خطيرة فعلا هالمديرة

الضيم · #1 (**permalink**) 14-06-2007, 04:09 AM

هذه قصة سمعتها ويقول ناقلها انها حقيقية .
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن .

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال ..

وافقن المدرسات على الطريقة .

ويوم جاء بكرا وكل وحدة مزهبه معها الدراهم .

جت الأوله والثانية والثالثة والرابعة حتى العاشرة والمديرة تاخذ الدراهم .
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم ..
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .
يوم طلعت لقنها عايدية وماصار شي وفلوسها أخذتها المديرة .
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد ..

قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ..
انتهت القصة واتمنى تكون اعجبتكم

من بريدي

heavenmoon · #2 (**permalink**) 14-06-2007, 08:57 AM

بصراحة قصة .... تضحك ..... ضحكة المديرة عليهم .. معلمات غبيات .

TAM · #3 (**permalink**) 14-06-2007, 09:04 AM

المديره

ماعادبدري · #4 (**permalink**) 14-06-2007, 10:33 PM

يسلموووووووووووووووووووووووووووو

ملفي طفش مني · #5 (**permalink**) 14-06-2007, 10:39 PM

فكرة فلة والله

ملك العاطلين · #6 (**permalink**) 14-06-2007, 11:03 PM

قصه خرافي من نسج الخيال

والأدله والبراهين على انها خرافه كالتالي

<-- ما وراه شي هع

1- إن 24 مدرسه ولا وحده منهم دفعت 100 ريال لجل تجهيز مصلى ( الدليل قول المديره : ولكني اطلبككن قبل شهر تدفعن على مية ريال نصلح المصلى ولا وحدة منكن دفعت ) <-- والجمله هذي تبرير غير منطقي لختام القصه من ملفق القصه الخرافيه ( ومنه نستنتج ان صاحب القصه وضع المدرسات في اتفاق 100% مقنع نفسه ان 100% من المعلمات دفعوا من 500 في اليوم التالي ) وهذا يكشف اسلوب الكاتب ولا يعني ان القصه صائبه

2- جميع المعلمات الـ 24 متزوجات ما عدى المديره عزباء استناد على قضية ان القطه من جميع المعلمات بما ان المديره اقسمت ان تدفع جميع المدرسات من 500 ريال واستناد على الطريقه المثلى للمديره الذكيه نستنتج ان مافي الا وحده عزباء وهي المديره فيال سخرية القدر من هذه القصه الملفقه

3- غياب المديره الي محد سأل عنها ولا احد درى عنها والي من المفترض انها مسأوله بسؤالين وهي مسأوله ممن تنوبها في الاداره ومسؤوله بالسؤال المتكرر عليها عن موعد زواجها بما انها الوحيده المسؤوله كمديره بين المدرسات والمسؤوله كعازبه بين المتزوجات فل يفلقني الكاتب بصخره في جبهتي كي اصدق

4- تركيز الكاتب على مسألة فبركة القصه من اجل الدراهم خلاه يهون مسألة زوجه كظره ويهول 500 ريال في ( عيب علي اتزوج زوجها وآخذ بعد منها خمسمية ريال ) وهذه الجمله تدعوا للضحك ولو قالتها المديره فلن تصمد امام عدد مدرسات ينعد على الاصابع فما بالك بـ 24 مدرسه وهذا يخالف الواقع ان تصمد من نطقت بهذه الكلمه لليوم التالي

فل نكتفي بهذا القدر

<--- ول يشنق