25-01-2010, 10:38 AM
|
عضو مميز
|
|
تاريخ التسجيل: Oct 2009
المشاركات: 1,013
معدل تقييم المستوى: 3268187
|
|
اتمنى الكل يدخل ويسدح تعليقه ع ماصار لي...
السلام عليكم ورحمة الله وبركاته ..
طبعاً ماني عارفة من وين ابدأ لكن بقولكم قصتي اللي صارت لي امس...
انا قدمت ع الموارد البشرية عشان يتسهل موضوع توظيفي وماقصروا رايتهم بيضاء المهم جاني اتصال امس في الصباح من مستشفى خاص مشهور بجدة وكانت الوظيفة حلوة وماتتفوت ع الرغم من حاجتي لها لتغيير نمط الروتين بحياتي واكتساب خبرة جديدة الا انها كان فيها عيب وهو موضوع كشف الوجه طبعا اول ماوصلت قابلني المدير وطلب يقابل الوالد لحالهم وبعدين خرج المدير وناداني ع ان الاجتماع يكون بيني انا وياه والوالد ودكتور ثاني شكله تعبان يتكلم معاي ويقول هاه احد ناداني لاوبعد يبشروني يقولون انه بيكون مديري >>>هههههه
وبدأو يسألون وانا اجاوب المهم وصلت لنقطة ماعجبتني قال صراحة احنا عجبتنا السيرة الذاتية حقتك ونتمنى تشتغلي معانا قلت ربي يقدم اللي فيه الخير قال بس بقولك ع شيء وظيفتك بحكم انك بتشتغلي مع شركة اجنبية لازم يكون وجهك مكشوف عشان عملية التفاهم قلت مو شرط اتفاهم معاكم اذا تبغون بغطاي ع وجهي قال ماراح توصلين المعلومة قلت لااقدر انا اللحين نبرة صوتي وش فيها قال معصبة قلت واللحين قال عادي قلت شفت حتى الاطرم يفهمني قام ماعرف وش يرد علي قال اساسا انا اشوف ان النقاب مو حجاب من نظري ياتغطي ياتكشفي مرة وحدة قلت ياسلام عليك قال للدكتور اللي جنبه وش رأيك نعطيها مكافأة ونبتدي معاها من 1 نوفمبر تدريب >>>يغروني بالفلوس لمن ذبحتهم بكلامي
المهم قلت شوف يااخوي انا مااناقض مبادئ عشان هالوظيفة يعني وانا برا المستشفى اكون متغطية واذا دخلت كشفت ليه يعني ربي مو مطلع علي في المستشفى معليش مااقدر اناقض افعالي واذا ع الوظيفة انا تركتها وربي شاهد عشان غطاي ماابي افرط فيه ماابي كل من هب ودب تفرج علي وبس خرجت من هناك وانا رافعة راسي بالكلام اللي قلته لاني سكت اثنين اعمارهم فوق 40 بكلام منطقي المشكلة ان صاحباتي مو راضين يفهموني يقولون وافقي ترى فرصة >>>الله يهديهم
انا اسفة ع الاطالة بس بغيت اوريكم وش صار لي ياليت اشوف ارائكم ولكم مني ارق التحايا واعذبها...
التعديل الأخير تم بواسطة براءة قلب ; 25-01-2010 الساعة 10:44 AM
|
العرض الشجري
