اقتباس:
كيف سويت المقابله هل كانت عن تخصصك او عن مدى ثقافتك او يهمهم الانجليزي فقط
|
طبعا أنا كمترجم ما كان هدفهم انهم يختبرون قدرتي على الترجمة بالدرجة الأولى لأني نجحت في اختبارين ترجمة قبل ما أوصل للمقابلة ,, وهم عارفين هالشي .. لكن المقابلة كانت كلها بالانجليزي واللي مسوينها 3 رجال (شكلهم من المراتب العليا) وبنت .. وكل هالزحمة عشان يشوفون هل أنت واثق من نفسك وأنك ماترتبك .. وبرضو يتعرفون على شخصيتك أكثر مثلا لو يكتشفون أنك عصبي أو تتنرفز بسرعة أو ماتهتم بمظهرك فأكيد ماراح يقبلونك .. الهدف من المقابلة هو أنهم يتعرفون عليك أكثر بغض النظر عن تخصصك ! .. وبالنسبة للغتك ،، ترى مو بالضرورة تكون المقابلة تبعك بالانجليزي .. أنا استخدموا معي اللغة الانجليزية لأن تخصصي انجليزي .. فأنت احتمال مايستخدموها ،،
يعني لازم تكون هادئ في المقابلة وواثق وحسن المظهر .. 
اقتباس:
وبعد وش سويت غير المقابله هل في اختبارات او مقابله فقط
|
طبعا أنا زي ما قلت لك .. سويت اختبارين قبل المقابلة ونجحت فيها وبعدها تم استدعائي للمقابلة .. بعد المقابلة إذا نجحت أنت إن شاء الله راح يتصلون عليك وياخذون منك بعض المعلومات إذا كانت معلوماتك ناقصة أما إذا كانت كاملة فبيرسلون أوراقك لوزارة الداخلية عشان يتأكدون أن ماعليك جرائم وأشياء زي كذا .. إذا جاهم الرد بأن سجلاتك نظيفة .. راح يتصلون عليك المستشفى تروح تسوي الفحص الطبي ومابعد الفحص إلا التعيين بإذن المولى ! ومدة الرد من الوزارة تعتمد على سرعة استجابة الوزارة .. أنا اتصلوا علي بعد شهر تقريبا !
موفق أخوي !
التعديل الأخير تم بواسطة بيوشوك ; 31-01-2010 الساعة 03:44 PM
|