صد وتغلى واحرق اعصاب مغليك‎

abo naif · #1 (**permalink**) 28-01-2010, 06:35 PM

صد وتغلى واحرق اعصاب مغليك
وش قيمـة الغالــي اذا ماتــغــــلا

ابعدوطنشني واذا قلت وش فيـــك
قول الهوى لعبه وحـنا انتســــلا

ابيك بارد دم تقهر محـــــاكيك
وانا ابتظاهر بالصبـــر واتحـلا

وان جيت يمك مد عني خــطاويك
من شيمة المقفي خطاويــه عجــلا

لا تلتفتلـــي لو اصوت واناديك
وان طاحت الدمعه ترا العين خجلا

واذا التقيناصدفه وقمت اراعيك
راع بطرف عينك وصد وتعـــلا

وان قلت لك تكفى ذبحني تجافيك
والقلب ياقلـــبي مــن الصــد ملا

قل بدري وطبطب عليه بياديـــك
وتل الخفـــوق بسهم الاعيان تــلا

نذرن علي لابيع هالكون واشريك
يااحلا من السكر يابو عيون نجـلا

وابوس رأسك ثم اقبل خطاويـــك
واستسمحـك لو جاتنــــي مــنك زلا

ولك العهد لو تحرق اعصاب مغليك
يزود ماينقـــص غلا من تغـــلا

مما راق لي

وزير البطالة · #2 (**permalink**) 28-01-2010, 06:54 PM

صد وتغلى واحرق اعصاب مغليك
وش قيمـة الغالــي اذا ماتــغــــلا

هالبيت من جد راااائع
يعطيك العافية يابو نايف
اختيار راااائع جدا
دمت دوما بهذا الرقي في الاختيار

حنين الرووح · #3 (**permalink**) 28-01-2010, 06:59 PM

الله

جميل جدا هالإنتقاء

خصوصا البيتين الاولى

مميز كعادتك يا ابو نايف

الله يعطيك العافيه

دمت بـ ود

حنين الرووح

صاحبة الرأي · #4 (**permalink**) 28-01-2010, 08:23 PM

رائع
بوركت

Dark angel · #5 (**permalink**) 28-01-2010, 09:28 PM

Poem has all the specifications extravaganza
The right choice, dear ...

abo naif · #6 (**permalink**) 28-01-2010, 10:23 PM

شكرا على مروركم العطر

دلع الحياة · #7 (**permalink**) 28-01-2010, 10:55 PM

انتقاء جميييل,,,

تسلم ايدك,,,

ربي يعافيك..

هبت ريح · #8 (**permalink**) 28-01-2010, 11:20 PM

ولك العهد لو تحرق اعصاب مغليك
يزود ماينقـــص غلا من تغـــلا

صح لسااان راعيها

وتسلم يدينك ابو نايف على هذي القصيده ..

يعطيك العافيه

الجرح الاليم · #9 (**permalink**) 29-01-2010, 01:01 AM

نذرن علي لابيع هالكون واشريك
يااحلا من السكر يابو عيون نجـلا

وابوس رأسك ثم اقبل خطاويـــك
واستسمحـك لو جاتنــــي مــنك زلا

طرح مميز
ابو نايف
يعطيك العافيه
لانزال نتشوق للقادم