وجهة نظري

الصراحه اشوف الزوجه له حق على زوجها 3أشهر مو بسيطه و الزوجه أرى أن فيها خير والله أعلم وتخاف الله

معلقها 3شهور والوظيفه بدالها وظيفه ولكن الزوجه الصالحه مو سهل تلقى مثلها تصبر عليك وتصبر عليها...

و الله انا اشوف انها مسائل عائلية بينه وبين زوجته و صديقك طلب النصيحة منك و انت جاي في منتدى البطالة على بالك كل من دخل منتدى البطالة صار مصلح اجتماعي ؟

الشباب هنا بعضهم ما حصل وظيفة له سنوات و انت جاي تقولهم وظيفة براتب 10000 ريال اكيد بيقولك خله يطلقها و يتزوج اربع

انا اقول للشخص اللي شاورك يطلق فكرة الطلاق من راسه نهائيا و يتأمل في الصحراء وقت الغروب حال عياله وتشردهم لو طلق زوجته

و اقول للزوجة ايضا ان تطلق فكرة الطلاق نهائيا هي الاخرى و ان تتقي الله في زوجها اللذي يكدح في الصحراء العديد من شهور السنة بعيد عنها و عن ابنائه ليوفر لهم لقمة العيش الكريمة

[QUOTE=كيمياء الفقر;2096977]و الله انا اشوف انها مسائل عائلية بينه وبين زوجته و صديقك طلب النصيحة منك و انت جاي في منتدى البطالة على بالك كل من دخل منتدى البطالة صار مصلح اجتماعي ؟

QUOTE]

الحياة تجربة وليس من الضروري من يقراء الموضوع يقوم بوضع حل ..... ويكفي انك انت شاركت بنصيحة وهذا الهدف ..... ويوجد الكثير من المشاركين في المنتدى ليس باطلين وظيفيا ومنهم المدراء ومنهم من يرغب ان يحسن وظعه ..... ومنهم من يريد ان يزيد معرفته ...
المهم شكرا على المرور واحترم رأيك اولا واخير

الوظيفه

يداوم في الصحراء 90 يوم واجازه 45 يوم
طيب اخوي اذا هو من موظفين ارامكو يقدر يطلب نقل لاي منطقة
والأغلب من الموظفين يروحون بالأماكن زياده في الراتب عشان يسدد ديونه المتراكمة
ويحسن وضعه المادي

مانقول لك الا الله يصلح الزوجة وكثير ناس معانين من الشي هذا
واذا تبية يترك مصدر رزقة وراحته وراحت اطفالة هذه للأسف لاتعتبر زوجة ابداً

الله يكون في عونه والله انا فكرت واشوف انه في وضع لا يحسد علية انا في بالي انة مافي حل الا الطلاق او ترك الوظيفة لا سمح الله لاكن انا متبرع واتكلم والله من جد
انا امسك الوظيفة والراتب النص بالنص هههههههههههههههههه
والله افضل حل وش رايكم

ماقريت الموضوع مضبوط

بس اني فهمت من الطبخه ان الزوج يطول بعمله ويجي مايقارب شهرونص يجلس معها

ولآ ركزت بالاسئلة

لكن

اما رجال ياخذها معه واذا كان مايصلح يخليها تنثبر

ابك العالم مو محصله وضايف وهذا بيترك عمله عشان حرمه

وان تركه بيسف من الدحله على قولة رجال الله يستر عليه

وبياكل هواء هو وحرمته

طيب لو ترك الوظيفة وتوظف بـ 3000 شركة
بكره بعده الزوجة ستطالبه بنفقات قد لايطيقها
وقد تصل الخلافات بينهم إلى الطلاق
وشلون وقتها بيعوض وظيفته وهو تركها من شانها

أنا أشوف إنه يمسك وظيفته ويتفاهم مع زوجته
والطلاق يكون آخر الحلول

اذا تزوجته وهي كانت على علم بوظيفته وانه يجلس 3 شهور في الصحراء وياخذ اجازه شهرين ثم يرجع للصحراء وهكذا
مالها اي حق تطلب منه ترك الوظيفه ومصدر رزقه مدام انها موافقه وراضيه يوم جاء يخطبها ومثل مايقولون الحرمه بدالها حرمه لكن المستقبل الوظيفي وش يرجعه ان ضاع الا اذا ضمن وظيفه مثل وظيفته الحاليه او اقل منها شوي عادي لكن من راتب مرتفع نسبييا الى راتب منخفض جدا مستحيل تستمر حياتهم براحه
وبتتحول المشاكل من سالفه الوظيفه والصحراء لسالفه الراتب قليل مايكفي وبيجلس ينكد عليها ويلومها بكل دقيقه على انه ترك وظيفته
يعني المشاكل بتتحول من شي لشي وماراح تخلص >> شبابنا ونعرف اسلوبهم

اما اذا الوظيفه جديده وماكانت تدري عنها قبل توافق عليه وتتزوجه هنا الامر بيده وبيدها يستخير ويشوف وش الانسب له ولعائلته والله يكتب له الخير