السلام عليكم ورحمة الله وبركاته

اللي راحوا لأمن المنشأت اليوم السبت وش صار معهم تكفوووون علموني انا الاحد موعدي يقول لنا بالتفصيل الممل تكفوووووووون وين النشاماا

إيه بالله يا شباب تكفووووووووووووووون

وين الشباب اللي كان موعدهم اليووووم وينهم تكفوووون

الشباب الي موعدهم اليوم تلاقيهم من التعب باقي نايمين


يمكن شوي ويفيدونك

[align=center]

السلام عليكم ورحمة الله وبركاته

مرحبا شباب انا عندي دبلوم سنتين وكان موعد اليوم للجامعه و للدبلوم سنتين و 6شهور

وبكرة وبعده للثانوية

اولا : طلبوا منا نسجل اسمائنا عند البوابة الرئيسية

ثانيا : عند البوابة الثانية قالوا لازم كل واحد يجهز بطاقة الاحوال
عشان يعطيها للعسكري
عشان يتأكد انت موجود مع المقبولين او لا

وفيه ثلاثة عسكر معهم اوراق فيها اسماء المقبولين
الاول عنده اسماء المقبولين في الجامعة في صف لحالهم
الثاني عنده اسماء المقبولين في دبلوم سنتين في صف
الثالث عنده اسماء المقبولين في دبلوم 6 شهور في صف

( يمكن انتم الثانوية قسم الشرعي في صف وقسم العلمي في صف )

بعد ما تلاقي اسمك معهم راح تدخل عند مبنى امن المنشات

( و كالعاده الواسطة وقوتها الجبارة
بعض الناس الي ما سجلوا عن طريق النت
قاموا بتفعيل خاصية الواسطة الغير قابلة للنقاش او المسائلة
ودخلوا معنا مع انه ما عنده استمارة طلب التحاق
واسمه مو موجود معنا في اسماء المقبولين
في البداية منعوهم من الدخول ولكن بعد كم مكالمة
يجيك عرض خاص بالواسطة المباشرة
امام قهر وغضب جميع المنتظرين في الصف
ويدخل قبلنا كلنا )

وبعدين تنتظر في صفوف امام مبنى امن المنشات

كل مره يدخل تقريبا 13 واحد داخل المبنى

و إنتظرنا تقريبا ساعتين الى 3 ساعات في الشمس

يعني كل 15 او 20 دقيقة تدخل مجموعة

( وكالعادة الواسطة وقوتها الجبارة

فيه ناس حضروا بعدنا وحنا ننتضر ودخلوا على طول

وحنا ما باليد حيلة )

المهم بعد ما دخلت المبنى كان فيه صفين في الداخل لفحص الطول والوزن

( وهناك شفنا اصحاب الواسطات ينتظرون في المكاتب ومعاهم اوراق طلب التحاق قاعدين يكتبون بياناتهم فيه بدون رقم طلب وبلا استعلام وبلا هم )

وهناك جاء العسكر يوزعون اوراق طلب التحاق للجميع
ويوزعون اقلام
ومعاهم دباسات عشان تدبس الصور في المكان المناسب

(صحيح اني زعلت شوي لأن المفروض
انهم ما يساوون اللي تعب وسجل عن طريق النت وطلع رقم طلب ودبس الصور في مكانها الصحيح
وجهز جميع اوراقه وبياناته قبل اسبوع تقريبا
بواحد ماسوى ولا شيئ لا سجل عن طريق النت ولا عنده رقم طلب ولا طبع نموذج
وسوى كل شيئ في نفس اليوم
لأنه فيه ناس من اصحابي كان عندهم رقم طلب بس ما انقبلوا
وفيه ناس يعتمدون على فترة التسجيل عن طريق النت ولما انتهت الفترة وماامداهم يسجلون زعلوا
يعني لو كان اصحابي اللي ما امداهم يسجلون عن طريق النت أو اللي عندهم رقم بس ما انقبلو
راحوا معي كان انقبلوا معي بدون رقم طلب
ولكن بعدين قلت الله يعطيهم العافية لأنهم خلوا الناس كلهم متساوين
يعني كان فيه ناس كثير ما عندهم واسطة
وزعلوا على اللي عندهم واسطة
لأنه الي عنده واسطة وما كان عنده ورق طلب التحاق يكلم واسطته والواسطة يجهز جميع اوراقه)

ولما وصلت عند مكتب الفحص طلبوا منا نفسخ الجزمات ( الله يكرمكم )

ونرفع البنطلون الى الركبة قبل ما تدخل المكتب

بعد ما تدخل مكتب قياس الوزن والطول يقولون لك لازم تحط جميع اغراضك على المكتب

وبعدين تقيس وزنك وطولك

واذا ما قبلوك في الوزن والطول راح يكتب في ورقتك لم يتم استيفاء الشروط

وانا ولله الحمد والشكر

انقبلت مع اني فحصت طولي في اثنين مستشفيات خاصة ومستشفى حكومي

وطلع طولي174 وزيادة شوية الاختلاف بس في الوزن

ولما قست الطول عندهم بالغصب وصلت 173

ما ادري هل معقوله ممكن احد ينقص طوله مع اني حالق شعري في الحالتين

يعني الله يعين اللي طوله 170 يمكن طوله عندهم يكون

اقل من 168

وبعد ما خلصت قياس الطول رحنا للمكتب الثاني

وانا رحت عند واحد والله العظيم انه يجيب النكد والهم يكلمني من طرف خشمة

ويتكلم بصوت منخفض مره

اول ما جيت عنده قال لي طلع شهادتك والله العظيم ما سمعته قلت له ايش قال شهادتك اقول

طلعت له شهادتي وهو يطالعني بإحتقار كإنه بيصرف علي من جيبه

ولما خلص اعطاني ورقة طلب الالتحاق وكتب فيها تم استيفاء الشروط

وقال لي تفضل
قلت له وين اروح
قال لي بصوت منخفض مره روح المكتب
قلت له وين
قال اطلع برى
لما طلعت برى قابلت عسكري
وقلت له وين اروح
قال لي روح المكتب المقابل
ولما رحت هناك قابلت واحد طلب مني ورقة طلب الالتحاق

وقال لي تأكد من رقم جوالك لأنه ان شاء الله اذا انقبلت راح تجيك رسالة على جوالك
وفيها جميع التفاصيل بالكثير 3 الى 4 ايام وتجيك الرسالة
واعطاني ورقة فيها شروط القبول
وقلت له انا مو من سكان تبوك انا من الجنوب اقدر ارجع
قال لي اذا انت مو من اهل تبوك لا تطلع من تبوك حتى تجيك الرسالة
عشان تعرف وضعك
وقال الله يوفقكم كلكم خلاص خلصنا جميع الاجراءات
ما عليك الا انتظار الرسالة
وطلعت انا معي شروط القبول


هذا اللي صار معنا والله يوفقكم اجمعين

( وبصراحة والله العظيم العسكر كلهم قمه في الاخلاق ضحك ووناسة
فقط اللجنة شوي متشددة وعصبية )

[/align]

الله يوفقك والله انك ماقصرت انشاء الله انك من المقبولين بس لاهنت يااخوي ابي وش اخذت معك من اوراق بالضبط الله لايهينك وشكرااا

طيب الاستماره من وين اجيبها

طيب ما فيه ناس قبلوهم وطولهم ناقص بالواسطة