تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
31-01-2010, 03:55 AM
|
||||
|
||||
جدتي مجننتني
اذن الفجر يوم االربوع فصار بيتنا يكتظ بسكان وكل واحد
يدخل ويجر وراه شنطة وسار ازعاج عالمي وانا مواصلة استقبل الوفود ولزوم اتبوسم  حتى لو مالي نفس لزوم منها وتبوسمت أذن الظهر وبدأ الدبك على اصوله والحوسه واصوات الاستشوارات تتعالى بالممرات وضجيج بزران الي يبكي يبغى امه والي يبغى رضاعته وانا بطريق كل ماشفت هالمخلوقات الصغيره اشوتهم  الى صك راسه بالباب والي دخل تحت الكراسي اهم شي اني ابرد حرتي فيهم  وشربت علبة بايسن ورانا سهره واستقبال وحوسه قررت اني مااتعب نفسي وادعج عويناتي بكحل جدتي الى من عطار ابويمن واخط على براطمي بروج السحري الي من محل الخردوات اثنين بخمس ريال وأذن العصر وامي شافت خشتي وعونيناتي مدعجه بالكحل تمسكني مع شوشتي وتلوح فيه يمين ويسار وتمسك صابون تايد وتتدعك بوجهي وحاطه ديتول وانا هني سلمت امري لها وترميني على الكنفيره وقالت عندك بها الخشه مردغيها بالكريمات وحطي الوان القوز قزح بعويناتها واخفي هالشيفه وسوي مابوسعك وانا دموعي اربع اربع  حاولت اني افهم امي البنات معد يلطخون بالمكياج الحين ستايل الكحله والحمره الحمرا زي الكبد النيه الي مابعد طبخت وانا بصراعي مع الكنفيره وتلطخ بخشتي البرتكاني واخضراني والاصفر وماخرجت من تحت قبضتها والعشا يأذن ماشفت خشتي قلت اوصل لمقر الحفل واشوف طختي هناك ويوم وصلت وانا ارمي الطرحه المزركشه عن خشتي واشوف جدتي تقزني بذيك النظره  وسارت تتمتم بكلام قلت وش تقول ام المسّدح كان تقول مسدح يسدحك وانتي عويناتك المدفنه تقول خارجه من مقبره  شاورت اخواتي الرد عليها وماشفت امي ورايه وتعطيني هبده على قفاي  وتسحبني مع سني الذهب هو الي بقي وماتلطخ بالمكياج وترزعني بالكراسي وصدرت ااوامر علياء اني اقعد بالاستقبال واغطرف عاد مو من زي غطروفي تقول صالون مغرز بالبر بس مدري وشفيهم اهلي اختاروني المغطرفه لذيك الليله وكل ماجات سحيله ام الخلاقين تجر بكرتتها يغمزون  لي يعني غطرفي وانا اشتغل كلووووووووووووش احبالي الصوتيه تهربدت من كثر مااصايح واشاهق ع معازيم الهم والتعب طول الليل انا واقفه وقاعده وامط بخلق الله كل ماجيت افرك وجدتي ترجعني تقول خليك بيوم سنعه واشوي اسمع محبوبي ومسلسل وانا ماقدر امشيله واشوف جدتي تسعى بالمسدح وهي وصقيقتها ام طامي  وقلت لزوم اروح انغص عليهم الجو الحين طول الليل وهم حاجزيني بالاستقبال واركض عند العبدات قلت دخلوا صوت العود جدتي كل شي والعود تقول انها ملتزمه وتتدخل صوت العود وهم بوسط ربيدهم الكهلات وداخلين جو ويوم سمعوا صوت العود ويعصبون الي تلقط عبابتها قلك الحين زعلت بتسري بيتها وصارت مناوشات بين جدتي وبين كهلاتها وهم يتوعدون بجدتي يقول لها الوعد السبت بتحفيظ ومو هنيا عند بناتك وجدتي تشيل وتنزل ذهبها وترجع ترفعه انها ماتتدري ان الطقاقات معاهم زير وعود والمشكله طول الليل والزير قدام عيونهم ماانتبهوا له الى يوم كلمت الطقاقات قلت ارفعوا دخلوا صوت العود وسرو وهم ماتعشوا اهم شي انهم راحوا الكهلات الي مزعجيني طول الليل وهم يرسلون نظرات اني مو ماليه عينهم جعلهم بالمويه الزرقا الي تصرعهم واخيراً وصلت اختي ام العريس وسلمت له كل الاعمال الي كلفت بها ظلماً وكلفوني فوق طاقتي وحسيت اتعب ينزل ويتوزع على انحاء جسمي واروح اصك علبتين بايسن سار ثلاثه علب شاربه علبه الظهر وعلبتين اخر الليل ويطير النوم ويطير التعب وينزل نشاط عليه كنت بطبخ العشا قالوا عند الطباح الذبايح ارتاحي وشوي تقارب الساعه 4 الفجر وسمعت كل . كلهم لافرق الله شملهم واسمع اسماء اخواتي واخواني الا اسمي ماجابوه واروح عند الطقاقه واخش بوجها الحين جايبه اسم جدتي الي صعب بنطق وتاركه اسمي واشوفها جدتي شاده حيلها وترزع  رزع وخاصة بينا انا وجدتي ثأرقديم ووجدال غير شريف واروح عند الطقاقه واخليها تجيب اسماء خوالي  قلت يلا ارزعي جدتي تنغار من خوالي مدري وش سوا لها الناس يباركون وانا وجدتي حرب داحس والغبراء بس ع خفي ندق بعض بالحركات من تحت لتحت وانتهت الحفله وكلن رجع بيته وكلن نام مغيرانا كل ماغمضت ونويت اني انخمد وصوت اطق والطربقه والدقدقه بأذني يمين شمال نفسه والنوم مافيه واجلس يوم الخميس الظهر وانا الربوع مواصله وبعدها انفجر مخيخي وعلى المستشفى رحت عند الدكتور محششه قلت ابره مغذيه اعطوني اي شي يخمدني  واعطوني ابره ومغذي ماجابت شي ورجعت البيت مصحصحه اشك ان الدكتور اعطاني منشط مو مخدر وارجع لهم ويكتبون لي حبوب وبعد الحبوب اخذت ساعتين وريحتني مااعترفت للدكتور اني شاربه ثلاثه علب بايسن  ومازال الخصام والقتال قائم بيني وبين جدتي تقول ماارضى عنك لين ماتعتذرين لأم طامي ولا تروحين اليوم العصر التحفيظ معايه وتقولين لكهلاتي اني ماادري عن الزير والعود وافقت اني اروح اليوم مع جدتي التحفيظ بشرط معد تقولي نصرانيه تتوقعون بينحل الخلاف بيني وبين جدتي 
|
|
31-01-2010, 03:58 AM
|
||||
|
||||
|
أولــــــــــــــي التعديل الأخير تم بواسطة ||≈ أَمْــ حِكَايَـة ُـــلِ ● ; 31-01-2010 الساعة 04:26 AM
|
|
31-01-2010, 04:00 AM
|
|||
|
|||
|
ثاني واحد بس على شرط انك تحجزلي مكان
|
|
31-01-2010, 04:18 AM
|
||||
|
||||
|
|
|
31-01-2010, 04:40 AM
|
||||
|
||||
|
طغطغ هلا والله ايوه احجزي مكان
|
|
31-01-2010, 04:43 AM
|
||||
|
||||
|
مجتهده هلا وسهلا يوه عاد محد متعلق بجدتي كثري
|
|
31-01-2010, 04:45 AM
|
||||
|
||||
|
وثيقة الكنيفرة عندنا العبدة ههههه
|
| أضف رد |
|
(( لا تنسى ذكر الله )) |
|
|
|
|
العرض العادي
