مشكلتي .. ارجو ان ارى لها حلا ..

خالد الحربي · #1 (**permalink**) 16-06-2007, 07:16 PM

السلام عليكم ورحمة الله وبركاته ...
اشكر هذا المنتدى الرائع واشكر القائمين عليه واسال الله ان يجزيهم خير الجزاء ..
لكن انا عندي مشكلة وابيكم تساعدوني فيها يالاخوان ..
انا راتبي 2620 ريال وانا شغال بالشركة لي 9 اشهر واحاول اني اوفر فلوسي لنهاية الشهر لكن ماقدرت .. وانا بتزوج بعد كم شهر وفكرت في المستقبل وتعبت ..
وكل ما افكر في مستقبلي اتعب واتنكد ..
ابي طريقة مناسبة توفر لي مبلغ من الراتب عالاقل اجمعها
ارجوووووووكم ياخوان ساعدوني ..

تقبلوني
ودمتم بود

hamad · #2 (**permalink**) 16-06-2007, 07:23 PM

وعليكم السلام ورحمة الله وبركاته

اولا اذا كنت ساكن مع الاهل ممكن تجمع وافضل طريقة تدخل بجمعية مع الاصدقاء وغيرهم

ثانيا اذا كانت الوظيفة خارج منطقتك اي منت مع الاهل اقلك انسى الموضووع (مالك امل تجمع)

والله يوفقك ويرزقك بوظيفة افضل منها

خالد الحربي · #3 (**permalink**) 16-06-2007, 07:34 PM

انا ساكن مع الاهل ..
والله دورت جمعيات لين مانقعت مرارتي ومالقيت ابي ادخل اي جمعية ..
ووظيفتي في نفس مدينتي ..

مشكور على مرورك
ودمتم بود

مبارك محمد · #4 (**permalink**) 17-06-2007, 04:43 AM

بنك التسليف يعطون قروض زواج بدون فوايد

heavenmoon · #5 (**permalink**) 17-06-2007, 04:49 AM

طيب ليه ما تحاول تشتغل في وظيفة اظافية على شغلك ....... اتوقع راح تساعدك في رفع الدخل .. لان 2620 مبلغ غير كافي لانك توفر منه ... و خصوصا انك راح تكون لك اسرة و تفتح لك بيت ... و اكيد مصاريفه راح تكبر عليك ... و الراتب ما راح يكفيك للادخار .. حاول تلاقي عمل اظافي على عملك لان هذا افضل حل لانك تزيد من دخلك ... لو مندوب مبيعات ... لان عملهم لا يشترط التفرغ ... بس توفر و سيلة مواصلات ... و انت هنا اللي راح تحدد اوقات عملك .... و بكذا .. يزيد دخلك و تقدر توفر منه .. و الله يوفقك يا رب و يساعدك ... و يفتحها في وجهك فين ما تروح ... و يرزقك الرزق الحلال اللي يساعدك ... يا رب

خالد الحربي · #6 (**permalink**) 17-06-2007, 10:45 AM

المشكله يا اختي ان شغلنا دوامين من الساعة 9 الصباح الى 1 الظهر
ومن الساعة 5 العصر الى 9 الليل
وين افضى ..
والله لو اشتغل اي شغله وتزيد دخلي راح اشتغلها
تكفون ..

قلب المملكة · #7 (**permalink**) 17-06-2007, 11:50 AM

أخوي خالد...

على راتبك هذا صعب إنك توفر لكن عندك طرقتين :

الإولى : مثل ماقالك أخوي حمدان.. جمعية من ناس تثق فيهم ومن مبلغ بسيط ممكن 500

الشي الثاني : تعمل تجزئه للراتب...يعني كل شهر تاخذ مبلغ لإلتزامات البيت مثلأ ( 800 )
وجزء للفواتير ( 500 ) وجزء للإلتزامات الضروريه ( 500 ) هنا يكون المبلغ 1800
يعني باقي ( 820) هذا ضرب مثال لتجزئه ممكن أنته تجزئه حسب إلتزاماتك بطريقه أفضل
عموماً هذي التجزئه مجربه من شخص أعرفه ومشي إمورة فيها لين الله يرزقه

بالتوفيق أخوي

خالد الحربي · #8 (**permalink**) 17-06-2007, 11:53 AM

مشكوووووورين على مروركم ونصيحتكم ووقفتكم بجانب اخوانكم واخواتكم وهذه ماهي غريبه عليكم ياهل الحشيمه والكرم

ودمتم بود

تاجر اولاين · #9 (**permalink**) 17-06-2007, 12:02 PM

ياخالد الله يوفقك ومبروك مقدما انا بنصحك نصيحة اذا عملت الملكة على طول ولا تفكر الى بنك التسليف 20.000 ريال زينة وقسطها 400 ريال شهريا وقدم على مساعدة الشباب على الزواج ويعطوك مجموعة من الاثاث ومبلغ 5000 ريال وقسطهم 200 وحاول تامن السكن بدون دفع ايجار مثلا اذا منزل الاهل كبير حاول تسكن في اي دور واذا ماتبغى التكاليف في الزواج شوف احد من اقاربك بيتزوج اتزوج معاه سواءً اخوانك اولاد عمك او اولاد خالك مثل ماسويت تزوجت مع ولد عمي وماخسرت الا شي بسيط وكمان الله يسر امورك ويفرجها عليك يارب وشكرا

خالد الحربي · #10 (**permalink**) 17-06-2007, 12:27 PM

الله يستر عليك يالغالي ومشكووووور على نصيحتك ..
بس والله كل ما افكر في المستقبل والزوجه اقسم بالله اتنكد واتعب وحالي يضيق وصدري واحس اني ببكي من الهم
مع ان هالراتب مايصرفه الا انا
لا مصاريف بيت ولا حاجه فوق راسي بس يدي مخروقه وربي
وكمان وعدوني بالزياده لثلاثه الاف ريال بس بعد سنتين وانا لي 9 اشهر في الشركة
وانا كمان ولد الشركه يعني من جماعتهم بس ليش كذا يعاملوني ..
والله والله السواق حق المستودع ياخذ راتب اعلى مني وهو اجنبي
وانا جالس عالمكتب اكد ليل نهار وبعض احيان ماخرج الا الليل من الساعه 9 الصباح الى 9 الليل والله وبعدين يقولوا هذا عملك ياخالد ..
وش اسوي الله يخليكم

ودمتم