السلام عليكم ورحمة الله وبركاته

إخواني الأعزاء اتمنا المساهمه من الجميع في مساندة السعوديين الموضفين في القطاع الخاص وخاصه في المجالات الي نحتك فيهم بشكل مباشر مثل المحلات سواء في الاسواق كذهب او ملابس او العاب او تموينات او خضار وما شابهها أو في اي مجال اخر يعمل فيه شاب سعودي ويتعرض للتحطيم او المساومه عليه

أتمنا ان نتعاون جميعا هنا ومن أجل نعم للسعوديين ولا للعماله الوافده فنحن بانفسنا من يستطيع الضغط والخيار في ايدينا واطلب من الجميع تبني الفكره وكل واحد يبدى بنفسه من اجل نفسه ومن اجل وطنه ومن اجل اخوانه في المواطنه

إذا استطعنا تبني الفكره بأنفسنا سوف نستطيع اقناع غيرنا ونشرها بكل ما نملك من قوه

ونبدأ تسجيل الدخول اليومي بسلع شريناها من موضفين سعوديين في القطاع الخاص

مافهمت يعني شلون اقول اني شريت من المكان الفلاني من سعودي ؟؟

وعندي سالفه على طاري السعوديين في القطاع الخاص

مره كنت في الظاهر زارا او ايتام المهم كان فيه سعوديين وفلبينين وسواريه طلبت من واحد فلبيني انه يجيب لي قطعه من المستودع وكان زحمممه ذاك اليوم بكل وقااااحه رمى القطعه على السعودي وقال جيب مستودع مقاس اصغر طبعا المستودع كان داخل وحووسه والفلبيني ماله خلق يروح

وقف السعودي شوي ما يدري وش يقول وبعدين راح وهو معصصصب
وانا بصراحة انصدمت من حركة الفبيني وكان ودي اذبحه

اتمنى تثبيت الموضوع والتفاعل معه

مشكورين على التفاعل

وإذا ما تفاعلتوا اعرفوا انه دليل قاطع ان العله فيكم والي ما يشارك يعتبر نفسه عله في المجتمع

وعله تتسبب في دمار كل شاب او فتاه ويساهم في قتل آمالهم

الموضوع جميييييييييل جداً والله يعطيكم العافية جميعا من كاتب ومشرفين وأعضاء زي الألماس الله يحفظكم يااااارب..
سأطرح مالدي لهذا اليوم "مع ان محد كتب قبلي!!!"
اليوم كنت في سوبرماركت التميمي safeway طبعاً كلكم عارفين ان الكاشيرات سعوديين وربي والله والله أنهم أبرك وأكثر احتراما من غيرهم ومو عنصرية بس لأني شايفة الي قبلهم ايش كانوا..
الله يوفقهم ويساعدهم ويباركلهم بوظايفهم...
بانتظار بقية الأعضاء