تكفون افزعو يبون يفصلوني

خزمر · #1 (**permalink**) 02-02-2010, 02:30 AM

بسم الله الرحمن الرحيم
انا معلم في احد المدارس الاهليه واول سنه لي قدمت على المدرسه وقبلوني ووقعت العقد بتاريخ
1/10/2009 والحمد لله تعديت 3 اشهر التجريبيه وكانت اموري زينه وقبل اسبوع جاني المدير والمالك واجتمعوا فيني وقاموا يمدحوني ويقولون انت مافي زيك ..... الخ

لكن الشركه تقول ان عدد المعلمين زائد ولابد من تخفيف المعلمين ( نصاااابين ) وانما نريدك ان تقوم بتقديم استقالتك

حقيقة انا تفاجات حاولت معهم طيب دورو حل ثاني فرفضوا ومصرين على اني اقدم الاستقاله فرديت عليهم بالرفض
فقالو لي انت عندك انذار واحد وباقي لك اثني راح نعطيكها في اي غلطه (يدورون الزله) واذا اخذت 3 انذرات راح نفصلك لكن قدم استقالتك وروح دور مدرسه ثانيه

أســــــــــــــــــتفساري/

وش اسوي تكــــــفـــــون شيرو علي
واذا حصلت مدرسة ثانيه هل دعم الموارد البشريه يروح علي اذا استقلت
وفي حال استمريت وقاموا وفصلوني هل لي حقوق نهاية خدمه ؟
ومكتب العمل لو اروح له واقدم لهم شكوى بانهم يريدون تطفيشي في العمل حتى اقدم استقالتي هل حيكون في صفي وانهم يهددوني بانهم سيوجهون الانذارت حتى يكون فصلي نظامي
وهل في حالت فصلي هل يحق لي المطالبه بشهادة خبره
وهل التقارير التي ترفع من المشرف التربوي في المدرسه للتعليم الاهلي ستضرني عند التعيين في الحكومه (يعني هل ينضرون لعملك في الاهليه عند التعيين )

تكفوووووووووووووووون يالربع شيرو علي والله مادري وش اسوي

أمل العمر · #2 (**permalink**) 02-02-2010, 02:46 AM

واضح انهم ناويين يتخلصوا منك بس من غير مشاكل

أهم شي ان الموضوع لا يتطور للفصل .. لأنه فيه ضرر كبير عليك
يترتب على الفصل انهاء خدماتك بدون أي رواتب ولا تعويضات , ولا يحق لك المطالبه بشهادة خبره
وطبعا أي مكان راح تقدم عليه بعدين راح يكون مرجعهم ادارة هالمدرسه ,وبالتالي تكون حطيت نفسك في وضع جدا محرج
لأنه راح يتعثر توظيفك في اي مكان تقدم عليه بطلب الوظيفه

حافظ على تاريخك المهني ولا تسمح لأي أحد انه يتسبب لك بأي مشكله ,, لأنك راح تواجه عقبات كثيره بسبب هالشي ..
واحنا بأيام صعبه ... ما أحد يساعد أحد

حل أمورك بهدوء وفكر بطريقه توصل فيها لحل بأقل الأضرار

أما الأمور الثانيه ماعندي خبره فيها وان شاءالله يفيدوك الموجودين

الله يفرجها عليك

.

أمل العمر · #3 (**permalink**) 02-02-2010, 02:55 AM

انتبهت لتاريخ العقد ... مشكلتك بدأت بعد مرور سنه كامله من توقيع العقد
... غالبا هم عندهم رغبه بعدم تجديد العقد معك
ارجع واقرأ صيغة العقد مره ثانيه بتمعن

.

متفائل عابر · #4 (**permalink**) 02-02-2010, 03:29 AM

اما يمدحوك في البداية انما هي ذر الرماد بالعين

الله ينصرك عليهم ويبدلك بخير مما يساوموك عليه

براءة قلب · #5 (**permalink**) 02-02-2010, 03:26 PM

والله شيء يقهر الله ينصرك عليهم
انا اقول بعد قبل تقدم ع اي خطوة اقرأ العقد اللي وقعته من قبل
وحاول تخلي سجلك نظيف ولاتسمح لاحد يفصلك قدم استقالتك واللي جابهم جاب غيرهم صدقني ماراح يتوقف رزقك عندهم ويمكن هذي خيرة لك من ربي يمكن تنتظرك وظيفة ازين منها
ربي ييسر لك امورك...

Recruiter · #6 (**permalink**) 02-02-2010, 03:54 PM

بادر لمكتب العمل .. واسئلهم عن التصرف المفروض يكون من جهتكـ

صعب تظبط نفسك معهم .. بيدورون الزلة لك على اي شي ..

ابن الخنساء · #7 (**permalink**) 02-02-2010, 04:20 PM

انا والله زيك حالك لكن اخذت بعزتي ورحلت
مشكلتي اني انسان عزيز نفس ماارضى احد يتكلم في

كان قبل 3 اسابيع الحفل حق قدوم سلطان الخير
ويوم البروفه حقت الحفل هاوشني الوكيل وهو مصري مو سعودي امام الطلاب وهو ماسك المكرفون لاني كنت جالس لاني مااعرف وشهو المطلوب مني وقال تباغني اجيب مدرسين يساعدوني وانت جالس يعني كاني عبد عندهم
انا هنا طلعت جنوني وجيت لمن عنده زعقت فيه وقلت خلص وابغاك

وجاني وتهاوشنا انا واياه ومن هنا بدا يتصيد على الزله
وقالي احنا مانبغاك قدم استقالتك وقدمت استقالتي وكلي ندم على خبرةسنه راحت من يدي

وانا من يوم 13 شهر 1
وانا عاطل

يعني لي اسبوعين عاااااطل
اللعنه على وزاره التربيه والتعليم اللي ماخلت لنا هبيه حتى في بلدنا
مصري يمسك ادارة مدرسه سعوديه اهلية ويوجد مدرس سعودي كفؤء

اللعنه على وزارة العمل والعمال

وتدرون ان المدرسه اللي كنت فيه انا الوحيد اللي مدرس دين وفيه غيري 3 اجانب واحد بنقالي و2 برماويه

وليش مافي قرار من التربيه والتعليم بعدم التعاقد مع اجانب في تخصص الشريعه والاجتماعيات

الرشاوي من المدارس الاهليه لوزارة التربيه والتعليم وانا اشوفهم لكني ساكت

قمر الكووووون · #8 (**permalink**) 02-02-2010, 06:37 PM

اقتباس:

المشاركة الأصلية كتبت بواسطة خزمر

بسم الله الرحمن الرحيم
انا معلم في احد المدارس الاهليه واول سنه لي قدمت على المدرسه وقبلوني ووقعت العقد بتاريخ
1/10/2009 والحمد لله تعديت 3 اشهر التجريبيه وكانت اموري زينه وقبل اسبوع جاني المدير والمالك واجتمعوا فيني وقاموا يمدحوني ويقولون انت مافي زيك ..... الخ

نفس المشكلة صارت معي

لكن الشركه تقول ان عدد المعلمين زائد ولابد من تخفيف المعلمين ( نصاااابين ) وانما نريدك ان تقوم بتقديم استقالتك

انا قالوا لي شغلك ماعجبنا

حقيقة انا تفاجات حاولت معهم طيب دورو حل ثاني فرفضوا ومصرين على اني اقدم الاستقاله فرديت عليهم بالرفض

برضو قالوا لي قدمي استقالتك لانهم مو على حق لو انهم على حق فصلوني على طول بس انا رففضت رفض قاطع اني اقدم استقالتي

فقالو لي انت عندك انذار واحد وباقي لك اثني راح نعطيكها في اي غلطه (يدورون الزله) واذا اخذت 3 انذرات راح نفصلك لكن قدم استقالتك وروح دور مدرسه ثانيه

انا قالوا لي اجل وقعي 3 انذارات يعني شافوا سالفه الاستقاله مامشت علي بيمشون على الانذارات
و جابوا لي انذارات بتواريخ قديمه
انا ماعمري شفتها و قالوا لي وقعي و برضو رفضت

أســــــــــــــــــتفساري/

وش اسوي تكــــــفـــــون شيرو علي

لاتوقع ولا ورقه و داوم ووقع انك مداوم لانك لو تغيبت فتره اتوقع عشره ايام يفصلونك و يكون لهم الحق في فصلك
بيقولون ماداوم و ماراح يقولون فصلناه
المطلوب منك تروح لمركز التوجيه التابع لمدرستك
و تقابل الموجه الاداري اللي يتابع مع اداره مدستك
و اشرح له الوضع و قل انا عندي التزامت و بيت اصرف عليه من يرضى ينقطع رزقي
و اشرح له وضعط بالتفصيل
و قل لهم وش قالوا لك
و هو يانه بيحل الموضوع ودي << زي ماصار معي حلت الموضوع الموجهه ودي و رجعت اداوم بعد ماكتبوني 3 انذارات بس بوجود الموجهه
و طبعا مايقدرون يفصلوني مره ثانيه لان التوجيه معي
بس يوم خلصت السنه استغنوا عني
و اذا مانحل الموضوع ودي روح للموارد البشريه و قلهم ان المدرسه طردتك و نقضت العقد

وهم بيرسلون لجنه تتابع موضوعك

واذا حصلت مدرسة ثانيه هل دعم الموارد البشريه يروح علي اذا استقلت

في ناس كثير يقولون يروح عليك سنتين و بعد كذا تقدر تدخل في الموارد
بس انا من قرائتي للعقد اتوقع انه مايروح عليك لاني ماشفت بند يوضح هالشي انا شفت ان العقد مو محدد بفتره

وفي حال استمريت وقاموا وفصلوني هل لي حقوق نهاية خدمه ؟

لا حتى لو كنت مسجل في التامينات الاجتماعه مايعطونك حقوقك اللي هي المبلغ اللي ياخذونه من راتبك الا بعد 20 سنه خدمه او يكون عمرك فوق 60 سنه

لكن حقوق يعطونك اياها المدرسه اتوقع مافيه

ومكتب العمل لو اروح له واقدم لهم شكوى بانهم يريدون تطفيشي في العمل حتى اقدم استقالتي هل حيكون في صفي وانهم يهددوني بانهم سيوجهون الانذارت حتى يكون فصلي نظامي

ان شاء الله هم في صفك

وهل في حالت فصلي هل يحق لي المطالبه بشهادة خبره

اي نعم يعطونك
و لازم تكون مسوي مقابله عند التوجيه علشان تكون معتمده خبرتك

وهل التقارير التي ترفع من المشرف التربوي في المدرسه للتعليم الاهلي ستضرني عند التعيين في الحكومه (يعني هل ينضرون لعملك في الاهليه عند التعيين )

يشوفون خبرتك و خبرتك ينكتب فيها تقييمك

تكفوووووووووووووووون يالربع شيرو علي والله مادري وش اسوي

اخوي انا قلت لك كل شي اعرفه من حكم خبرتي
يمكن يكون فيه شي غلط بس تأكد اني مهتمه بموضوعك لاني عانيت
طمنا وش سويت اول باول

قمر الكووووون · #9 (**permalink**) 03-02-2010, 02:43 PM

وش صار؟؟

فيصل عبدالله · #10 (**permalink**) 03-02-2010, 09:43 PM

مش عدل يحتار عدوك فيك ..... سؤالي الأول حول الأنذار الذي اخذتة ما هو سببه ؟ وكم مضى من تاريخ ؟ وعليك ان تعلم بأن الأنذار احيانا لا يؤخذ به ان كان بسبب تأخير او غياب لأيام معدودة لذا عليك ان تعلم ما هي العقوبة حسب اللآئحة التأديبية المعتمدة من مكتب العمل ...........ثانيا تستطيع البقاء في الشركة 12 شهرا وليس لهم حق ان ينهو عقدك الا اذا خالفت مخالفات ذكرت في المادة 80 من نظام مكتب العمل .. وعليك ان تعلم مدة صلاحية الأنذار 6 شهور وينتهي ...