&كلمات مسروقة من دفتر طفل؟&

عبود الصعب · #1 (**permalink**) 02-02-2010, 03:26 AM

كَلِمَـاتٌ مَسـرُوقَةٌ مِنْ دَفتَـرِ طِفـلٍ

السَبــْــتْ
فَتَحتْ عُيونِـيْ ، أدَوِرْ عَنْ [ نُـورْ ]
قَالوَا لِيْ : غَمّـضْ ، وَغَمضْتْ
بَعَدهَـا مَا شِفتْ { لـا أبيَـضْ وَلـا أسْـوَدْ } !

الا حَــــدْ :
كِنتْ أسمَعهُـمْ يَقـُولُونْ :
يَاحمَـارْ ، يَا حَيوَان ، يَا ثَـور ، يَا بَقَـرَةْ ، يَا لَوحْ ، يَا جِدَارْ
تَوَقعْتْ إنِيْ فِيْ [ حَدِيقَـةْ حَيوَانَاتْ ]
فَتَحتْ عُيـونِيْ أبغَىْ أشُوفْ هَـ { الحَيوَانَاتْ }
قَالوُا لِيْ : { مَا يَصلَحْ تَشُوفْ ، قِلَـةْ أدَبْ }
سَألتَهُم : طَيبْ .. [ فِيْ عَصفُـورْ ] ؟؟
صَرخُوا فِيْ وَجهِيْ : [ أنطَـمْ وَغَمَضْ ] .

الاثنَيــــنْ :
سَمَحُوا لِيْ أشُوفْ التَلفَـزيُونْ
كِنتْ بَرُوحِـيْ مَنسَجِمْ مَـعَ أفلـامْ كَرتُونْ
دَخَلتْ أُمِيْ ، وَكَانْ أبُو عَائِلة آدمَـزْ ( يَبـُوسْ ) أُمَهُمْ
رَكَضَتْ أمِيْ وَغَيـرَتْ القَنـَاةْ
وَصَرَخَتْ بِـ أعلَىْ صَوتَهَا [عَيبْ عَليكْ قَاعِدْ تَشُوفْ قِلـةْ أدَبْ ]
{ نَاظَرتَهَا بِكُلِ بَـرَاءَةْ } وَأنَا مستَغرِبْ مِنْ تَصرفهَا : طَيبْ وَشْ صَارْ !
أبُوهُمْ يَبُـوسْ أُمُهُـمْ !
صَرَخَتْ بَوجهِـيْ وَهِيَ مُعصَبَـةْ [ التَبـويِسْ قِلَـة حَيَاء ]
بَعدهَا بِـ أُسبـُوعْ ، شِفتْ أُمِيْ تَسَلِمْ عَلىْ أمْ الجِيرَانْ وَ{ تَبوسَهْا }
قِلتْ وَأنَا كِليْ أسَىً : [ مَامَا ، التَبوِيسْ قِلةْ حَيَاءْ ] !

الثُلاثـَــاءْ :
كَانُوا بَنَاتْ خاَلَتِـيْ عِندَنَا ، وَكِنتْ الوَلَد الوَحِيدْ الليْ يَلعَبْ مَعهُمْ
وَأبُـويْ بَسْ يَبحلِقْ عُيونَه فِينِيْ وَينْ مَا رِحتْ وَوَينْ مَاجِيتْ
بَعد مَا رَاحَوا بَنَاتْ خَالتِيْ ، نَادَانِيْ أبُويْ وَقَالْ :
{ عَيبْ الوَاحِدْ يَجلِسْ مَـعَ بَنَاتْ ، قِلةْ أدَبْ ]
بَعَدهَا بَكَمْ يَـومْ ، كَانْ أبُويْ جَالِسْ مَـعَ عَمَـاتِيْ بَرُوحَـهْ
نَاظَرتَـه بِـ طَرَفْ عَينْ وَأنَا حَاقِـدْ عَليهِ
وَقِلتْ لَه :{ بَابَا اللِيْ يَجلِسْ مَـعَ بَنَاتْ قَلِيلْ أدَبْ }

الاربِعَــــاءْ :
كِنتْ أسمَعهُـمْ بَعدْ يَقُولُونْ [ جَيـمْ كَارِيْ فَاسِـدْ ] ، فَـ كَرَهتَـه مِنْ قَلبْ
وَكَانُوا يَشُوفُـونْ أفلـامَهْ ، وَيَضحَكُـونْ
سَألتَهُمْ : لَيشْ تَضحَكُونْ ، مَا تَقُولونُ عَنُـوْ فَاسِدْ ؟
قَالُوا : وَرَا مَا تَنطَمْ وَتَسكِتْ !

الخَمِيــــسْ :
كِنتْ جَالِسْ مَعَ أبُويْ ، قَالْ لِيْ ذَاكَرتْ دَرُوسَـكْ ؟
قُولْ الصَرَاحَـةً ، لـا تَكذِبْ ، الكَذِبْ حَرَامْ ، وَالليْ يَكذِبْ يَدَخِلْ النَـارْ
وَفَجأةْ يِرنْ التِلِيفُـونْ
قَالْ أبـويْ رِدْ ، وَإذا لَقيتَهَ عَمكْ ، قِلْ أبـوِيْ نَاِيـمْ
رَدِيتْ وَبِكِلْ بِرَاءَةْ : [ هَلـا عِميْ ، أبوِيْ يَقُولْ لِكْ أنَهْ نَايِمْ ]
وَينْه أبُــوكْ ؟
أبُــوِيْ هِنَا جَنبِيْ
{ بَعدْ المُكَالَمَـةْ }
عَصَبْ عَليْ أبُـوِيْ ، يَالَوحْ مَاتَفهَـمْ ؟
قِلتْ بَابَاْ [ أنَا مَا أبغَىْ أدخِلْ النَارْ ]

الجُمعَــــةْ :
اسَمَعهُمْ يَقُولُونْ :
أنْ اللِيْ يَطَوَلْ فِيْ المُكَالَمَـةْ [ يَغازِلْ ]
وَاللِيْ يَروُحْ السُـوقْ بَكَثرَةْ [ يَغازِلْ ]
وَاللِيْ يَعـرِفْ الـإنتَرنِتْ [ يَغازِلْ ]
وَأنَا مَا أعرِفْ مَعنَىْ [ يَغَازِلْ ] !!
وَأُمِـيْ تَطَّوَلْ عَلىْ التِلِفُـونْ ، وَتَـروحْ السُوقْ كِلْ يَومْ ، وَتِدخِلْ الـإنتَرنِتْ كِلْ يَومْ
رَحِتْ لِـ بَابَاْ وَأنَا أصِيــحْ : بَابَا إلحَـــــــــــــقْ ، { أُمِيْ تَـغَازِلْ }

||≈ أَمْــ حِكَايَـة ُـــلِ ● · #2 (**permalink**) 02-02-2010, 03:39 AM

’,
ياحبي لبراءة الأطفال
الله يجعل قلوبنا بيضاء صافية كقلب طفل
فعلاً ليش إحنا كيــذا نقول شي وتصرفاتنا شي ثااااني
الله يصلح الحال
عبود مااااره راق لي موضوعك
عساكـ ع القوة وربي يجمـِّـل قلبكـ
’,

زيدان · #3 (**permalink**) 02-02-2010, 03:42 AM

وجاب العيد آخر يوم ..

يستاهلون ,, لان الطفل عندنا طول عمره يعيش في تناقض !

تسلم ياعبّود وموضوع في غاية الجمال اشكرك عليه .. [IMG]http://forum.al-****.com/images/smilies/bouquet2.gif[/IMG]

تركي البدر · #4 (**permalink**) 02-02-2010, 02:39 PM

راح فيها البزر

وثيقه متلحفه · #5 (**permalink**) 02-02-2010, 04:38 PM

طالع على ابوه النذل يحرش على أمه مالت عليه من ولد
وهذا ماكبر لو انا مكان امه احرمه من العب اخليه واقف على المطبخ
جعل سنونه بنفضه <<<<<<< بكيفي اقلب الهدف من الموضوع
ههههههههههههههههههههههههههههههههههههههههههههههههاي
هههههههههههههههههههههههههههههههههههاي

كل شي قابل للتعديل والتغير ام هالاسلوب والدستور المتبع بتربية اطفال سيفين ونخلة
مستحيل يتغير..(( ميسره))... تعب من كثر ماينزل نصائح وكتب محد عنده ولا من مجيب

خخخخخخخخخخخخخخخخخخخخخخخخخخخخخخخخ

يعطيك العافيه ابو الصعاب

وثيقه مرت من هون

عاااااصي · #6 (**permalink**) 03-02-2010, 02:23 AM

يسلموووووووووووووووووووووووووووووووووو
موضوع جميل

عبود الصعب · #7 (**permalink**) 05-02-2010, 05:58 AM

اقتباس:

المشاركة الأصلية كتبت بواسطة طاغية الأنوثة

’,
ياحبي لبراءة الأطفال
الله يجعل قلوبنا بيضاء صافية كقلب طفل
فعلاً ليش إحنا كيــذا نقول شي وتصرفاتنا شي ثااااني

الله يصلح الحال
عبود مااااره راق لي موضوعك
عساكـ ع القوة وربي يجمـِّـل قلبكـ

’,

تسلمين على المرور الرائع والدعاء الأجمل...
دمتي بحفظ الله ورعايته،

اقتباس:

المشاركة الأصلية كتبت بواسطة زيدان

وجاب العيد آخر يوم ..

يستاهلون ,, لان الطفل عندنا طول عمره يعيش في تناقض !

تسلم ياعبّود وموضوع في غاية الجمال اشكرك عليه .. [IMG]http://forum.al-****.com/images/smilies/bouquet2.gif[/IMG]

الجمال والروعة في مرورك أخوي زيدان...تسلم ياغالي.

اقتباس:

المشاركة الأصلية كتبت بواسطة تركي البدر

راح فيها البزر

ورحنا احنا فيها من قبله... وهذا حال الكل..

اقتباس:

المشاركة الأصلية كتبت بواسطة وثيقه متلحفه

طالع على ابوه النذل يحرش على أمه مالت عليه من ولد
وهذا ماكبر لو انا مكان امه احرمه من العب اخليه واقف على المطبخ
جعل سنونه بنفضه <<<<<<< بكيفي اقلب الهدف من الموضوع
ههههههههههههههههههههههههههههههههههههههههههههههههاي
هههههههههههههههههههههههههههههههههههاي

كل شي قابل للتعديل والتغير ام هالاسلوب والدستور المتبع بتربية اطفال سيفين ونخلة
مستحيل يتغير..(( ميسره))... تعب من كثر ماينزل نصائح وكتب محد عنده ولا من مجيب

خخخخخخخخخخخخخخخخخخخخخخخخخخخخخخخخ

يعطيك العافيه ابو الصعاب

وثيقه مرت من هون

الهدف من الموضوع هو مرورك اختي وثيقة وتعليقك ..
والأهداف على قفى من شيل..>>>انا امس قابلت هدف بس للأسف طلع بلنتي؛؛ولعبه واحد غيري وصار هدفه مسجل باسمه********هههههههههههههههههه
تسلمين اختي على المرور من هون...

اقتباس:

المشاركة الأصلية كتبت بواسطة عاااااصي

يسلموووووووووووووووووووووووووووووووووو
موضوع جميل

الأجمل مرورك...عاصي... ودمت بحفظ الله