وربي هذا اللي حصل معاي قدمت على مستشفى قوى الامن لوظيفه طبيه و اختبرت واجتزت الاختبار دقو علي قالو عندك مقابله شخصيه قلت الحمدالله اهم شي الاختبار عديته واللجنه قبلت اوراقي وطلبوني للمقابله طبعا رحت لهم واعتذرو ان اللجنه ماحضرت في الموعد المحدد قالو راح ندق عليك بعدين استنيت بعدين اسبوعين اتصلت عالاخ قال انا اتابع موضوعك وتفاجأت انه يصارحني ان مدير القسم جا واحد من اقاربه او اصدقائه المهم واسطه وزحلقني وحطه مكاني وكان املي في الله ثم هالوظيفه لكن مالنا الا الله نشتكي له حالنا تلاقي مدير القسم مصري ووظف واحد من بني جلدته الاجانب هم اللي عايشين بها البلد اما احنا خليها على ربك


المهم الحين ابي اي وظيفه دبروني بجد طفشششت وتحطمممت ابي اي شي بالقصيم او الرياض الله لايهينكم اه ياقهر الست سنوات اللي درستها وهذي اخرتها

بترك لكم سيرتي الذاتيه عسى ولعل تعبت ابي اي شي

البيانات الشخصية:
الاسم: h.s.a
الجنسية : سعودي
الميلاد : 1405هـ - 1985م
الحالة الاجتماعية : أعزب
السجل المدني:



المؤهلات العلمية:
جامعي (بكالوريوس من كلية العلوم الطبية التطبيقية - - جامعة القصيم 1428 - 1429هـ(


الخبرات العملية:
* شركة ذي بودي شوب العالمية" لمدة ثلاث سنوات خلال الفترة من 11/11/2006 - 11/11/2009م
* مستشفى بريده المركزي (تدريب لمدة سنه في قسم المختبر)- خلال الفترة من 18/10/1429- 18/10/1430هـ(


معرفة اللغات
* العربية: اللغة الأم
* الإنجليزية : قراءة – جيد جدا/ كتابة - جيد جدا/ محادثة - جيد


المهارات الفنية
* مهارات استخدام الحاسب الآلي * التكيف التام للعمل ضمن فريق العمل
*القدرة على الأداء تحت ضغط العمل *التمتع بقدرة جيدة على بناء العلاقات الاجتماعية البناءة



الدورات التعليمية
* دورة الإنعاش الرئوي في مستشفى الملك فهد التخصصي ببريدة اربع ساعات تعليم بتاريخ
29 / 10/ 2009
*دوره في امراض الحج وعلاجه 15 ساعه تعليم بتاريخ 17/ 10 /2009
*ندوة قصيره في امراض الحج 15 ساعه تعليم بتاريخ 18/ 10/ 2009
*المؤتمر الخامس لمختبرات مكه المكرمه تحت عنوان مستجدات العدوى في
الميكروبيولوجي بمستشفى النور بمكه المكرمه 30 ساعه تعليم في الفتره (9-13/ 5 / 2009)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
- تسجيل وتصنيف في الهيئه السعودية للتخصصات الطبيه


وسائل الاتصال
التلفون: مخالف
البريد الالكتروني: مخالف

الصبر زين وانا اخوك
وهذي مشكلة الواسطه تقتل الكفاءات لكن حسبي الله عليه بس وانا اخوك ما بعد الضيق الا الفرج

والفرج انشاءالله قريب وسع صدرك وانا اخوك وخلي ايمانك بالله قوي الحال ما يبقى على حالة الامور راح تتغير انشاءالله وراح تزين والفرج من الله والله هو واسطتك

الله يكتب لك الخير اخيي ولا يهمك بس ربك موجود ما يضيع عبده

موفق انشاءالله

اخوي هذا... انا مابي اقول الا الصبر زين زي ماقال اخوي الحر الشمالي ويمكن تكون خيره لكـ وبعدين صدقني نصيبكـ راح تأخذه طال الزمن ولا قصر بس يعني انته لا توقف مكانكـ دور لين مايكتبلك الله نصيب ... والله يعنا على الوااسطه ****************************************>

معوض خير
تابع اقسام الوظائف
ربي يوفقك

ما شاء الله تخصصك حلو وعند خبرات طيبه
و اي مستشفى يتمنى شهادتك فلا تتتحطم وخيره اختارها الله لك
الله يعوضك و يرزقك ويفتح لك ابواب الخير

يا خوي شهادتك مررره حلوووه وخبراتك زينه صدقني بتلقى العمل اللي تحبه لا تشيل هم وانا اخوك

لا أحد يحط في باله من اول ما يتخرج يلقى عمل بسرعه لا لازم من البهذله كم شهر بس و بعدين تحصل على

عمل أنا باقي على تخرجي اربع ايام فقط و حاط في بالي البهذله لازم منها ما دام مافي واسطه لكن

دق باب الخالق و خل عنك الخلايق

اخوي هندسة حاسب اول شي مشكور والله يوفقك ومبروووك عليك التخرج

ثاني شي الله يعينك على مرارة البطاله وربي اللي يقهرك زياده ادخل اي دائره تبي تقدم فيها راح تلافي نصف الموظفين اجانب وربي اكثر من النصف طيب واحنا عيال كلب خلها على ربك الله يوفقك وتلاقي وظيفه بسرعه

اما اخوك لاجدييد شهادتي ادور فيها بالمملكه تشوف الاجواء وتقلباتها وكل ماادخل مستشفى عطنا رقمك وندق عليك وعلى هالحال ربك يعين

جاري البحث



ولا جـــديـــــــد

للمعلوميه المدراء غالباً سعوديين إلا في الأطباء تلاقي مدير القسم استشاري او بروفيسور اجنبي

ثانياً مستحيل مسؤول التوظيف يقولك المدير وظف قريبه أو صديقه !!

ليش من متى يفضوا نفسهم !!

ثالثاً استغفر ربك واصبر لأن الرزق بيد الله مو بيد العباد ..

وطول ما إنتا ساخط على الأجانب راح تقعد على حالك

نصيحه صفي نيتك واكثر من الاستغفار ..

اجنبي سعودي الكل ذايق مرارة العيش والغلا اللي حنا فيه !!


استغفر الله العظيم ..



/

اختي خلود

اولا-انتي تتكلمين ومانتي عارفه وش اللي يصير وربي كل اللي عرفو سالفتي قبل لا اقول لهم شي يقولون ياحبيبي عندك واسطه بتمشي امورك ماعندك بيزحلقونك

ثانيا -تتكلمين عن الاجانب وانتي بعد مو عارفه شي انا مو شايل على احد او حاقد على احد اجنبي اوغيره لكن انا طبقت الامتياز بمختبر مستشفى بريده المركزي في القسم اللي كنت اطبق فيه بس مو كل الاقسام لاحظي ورب البيت انا احلف برب البيت هاه انه 13 موظف اجنبي بالمختبر طيب هذا بمستشفى واحد وحكومي عاد احسبي كم مستشفى بالمملكه الله يرزقهم مااقول شي لكن الشباب العاطلين والجالسين بالبيوت وهم عيال البلد مو اولى بها الوظايف والاجانب المستشفيات الخاصه تدور عليهم ومايبونا يالسعوديين عشان مايعطون رواتب زي الناس يخلونهم في الخاصه ويوضفونا احنا

فيااختي خلود لاتتكلمي بشي انتي ماعشتيه انا عشت هالواقع وشفته بعيوني وروحي اي مستشفى وادخلي الاقسام راح تلاقي انتي بنفسك موظف واحد سعودي وعشره اجانب معاه

اخـــتــــلاف الـــراي لايــــفســـد للـــــــود قضيــــــــــه .^ تحياتي لك.^