مركز ومدرسة سلاح التموين بمدينة الطائف ( يبدأ في 13-3 هـ )

عسكري تبوك · #**331** (**permalink**) 01-03-2010, 01:33 PM

اخوي عطوه رقم في تاريخ30/3/1431هل هذا الرقم صحيح ام تصريفه تكفون الي عنده علم يقوله لي

فتى الباحة · #**332** (**permalink**) 01-03-2010, 01:59 PM

انا واخوي رحنا لهم اليوم
هو طوله 166 ووزنه 57 وانا طولي 170 ووزني 54
حركنا من جدة الساعه 3:30 ووصلنا الساعة 5:15 ووصلنا عند البوابة وفيه ورقة مكتوب الشروط فيها
1 - ان لايقل العمر عن 18 ولايزيد عن 26
2- ان يكون خريج 1426 وبعد
3- ان لايقل التقدير عن جيد
4- احضار صور 4*6 مكشوف الراس

ومو مكتوب شرط الطول اعتقد يقبلون من 160

وانتظرنا الين بعد الصلاة وجانا الرائد وقال الي عنده رقم يوقف سرا والي ماعنده يتوكل على الله

وحاولنا معاه وفيه ناس كثيرين ماعندهم ارقام والي معاهم ارقام قليلين

وجاء واحد تقديره مقبول وعنده رقم ومادخله الرائد قال اقل شي جيد

كلمت الرجال يعطيني رقمه قال اخذوه منه وسألتهم متى وزعوا الارقام

قال يوم السبت وزعوها مرة وحده مع انه التقديم لمدة اسبوع

والي حضر يوم السبت قرابة 10000 والارقام 2000 رقم والمطلوب للدورة 300 شخص فقط

والي عنده واسطة والا يعرف احد في سلاح التموين يدخل بدون ارقام والله قدام عيني

لاتتعبون انفسكم خلاص مافي تقديم ولاحد يروح الا الي معاه رقم

لكن ما اقول الا حسبي الله على من كان السبب . والله يرزقنا بغيرها ان شاء الله

تحياتي

مسك البر · #**333** (**permalink**) 01-03-2010, 03:40 PM

أخوي: فتى الباحة :أنا أحد المتقدمين في سلاح التموين وكان موعدي يوم الأحد البارحة
والحمد لله عبينا الإستمارة والمقابله الشخصيه والطول والوزن ؟؟؟؟
ملاحظة إلي يقيس الطول والوزن [نقيب] ولي يسوي المقابله [

عقيد] ,,لكن الحمد لله الطول 171والوزن 77 , تبي أي إستفسار أنا حياك الله

نكهة قهوة · #**334** (**permalink**) 01-03-2010, 10:37 PM

ياجماعه ايش الهرجه ,,, أيش اللي واسطة وما واسطة
هذة الأشياء مافيها لعب ,,, ليه كذا وبعدين أنا بعرف شيء
لازم يكون الجندي مثلا نسبته عاليه عشان يتم قبوله هو داخل طب والا علوم صحية
المعدل والنسبة مرررررررره مو معيار للقبول بهذه الوظائف,,,,والله شيء غريب

الزامل77 · #**335** (**permalink**) 02-03-2010, 03:17 AM

شباب انا رحت لهم اليوم الاثنين,,,الفجر وانا عند الباب
اللي من الشرطة العسكرية قلي ... معاك رقم قلتله انا اول
يوم لي جاي اقدم في ناس صافين سرا قلي هذولا معاهم ارقام
والارقام خلصت ويجيك النقيب يقوله اللي ما معه رقم قله يتوكل
على الله قتله ابي رقم قالي الارقام خلصت الله يستر عليك ومشيت...........
بالتوفيق للجميع

غريب سوسو · #**336** (**permalink**) 02-03-2010, 04:36 PM

مساء الخير ... انا اختبرت يوم الأحد بس مااااادري متى تنزل الأرقام الي عنده خبر يفيدنا مع تمنياتي للجميع بالتوفيق. انا من جدة ومااااااااااااادري متى تنزل تكفووووووووووووون.....

قاهر مريخه · #**337** (**permalink**) 03-03-2010, 06:26 PM

الله يوفق الجميع

حارث الهلالي · #**338** (**permalink**) 05-03-2010, 02:10 PM

السلام عليكم ورحمة الله وبركاته
كيفكم ان شاء الله طيبين توي اليوم وصلت تبوك وجاي اقولكم وش صار معاي بسلاح التموين بالطائف
المهم مشيت من تبوك يوم الجمعه الظهرووصلت الطائف الساعه 3 بالليل اول ماوصلت يوووووووووووه يالطابووووور يمكن حول ألف وعليها والله وننتظر لا الساعه 6 والله وادخل بالزحمه والحمد لله اخذت رقم الطلب انا وولد خالي كرت صغير اصفر وكان موعدي يوم الثلاثاء 16/3/1431هـ انا وولد خالي سوى والله وانزل جده ليوم الثلاثاء واجيهم على الموعد والله ويصفوننا ثلاث وطوابير
ودخلنا والله ونجلس وينادوننا بالارقام انا رقم الطلب 545 في نفسي اقول هين ذا انقبلت وبعدها اروح اجلس على كرسي وطاوله ذكروني بأيام ثالث ثانوي والله واعبي الاستماره واروح للرقيب ويكملها وبعده الملازم اول** واخذ الصوره وارفقها معاها واروح بعدها للنقيب*** هذا مطوع يسألك اسأله غبيه يشوف ردة فعلك المهم ختم على الورقه وصفيت معي الناس ويلطعوناااا والله وبعدها فيه لجنه نقيب*** ورقيب^^^^ هذولا يحطون الدرجات ومايقولولك ووعندهم الطول والوزن المهم عديت اعطوني ورقه جديده وقالو روح اختبر لياقه والله ياتعبت تعب ثلاث لفات على الملعب وانت حافي والف ثلاث لفات في ثلاث دقائق والتمرين الثاني قفزه فيه زي المسطره طولها 250والتمرين الثالث بشم 35مره بس انا سويت 15 وقالي خلاص (مسوي انه رحمني) انت ناجح وقالو لي تدق علينا تلفون بعد اسبوعين تشوف رقمك نزل او مع السلامه. وسلامتكم يالربع.
ويااااااااااااااااااااااااااارب اني اتوظف ادعولي ياشباااااب.