08-02-2010, 01:53 AM
|
|
Guest
|
|
تاريخ التسجيل: Feb 2009
الدولة: خميس مشيط حاليا
المشاركات: 6,889
معدل تقييم المستوى: 0
|
|
ملاحظة:تم تمديد القصة
الفصل العاشر: على ظهر السفينة
جاني قلب المملكة قالي ترى فرعون صار خويي وصرنا اخويان وطالعين بكرة المقناص وان كان ودك تخاوينا ترى ماعندي مانع.....
وفي اليوم الثاني طلعت انا وزيدان للمقناص حق الصعايدة احسب مقناصهم زينا بر وعلوم زينة اثرهم طالعين البحر يصيدون ....طالع فرعون لقلب المملكة قاله وين الطعم حق السمك نبي نصيد قال قلب المملكة نسيته في الونيت ....طالع فيه فرعون وصكه بقدر الضغط على راسه وقاله كل ما اخذك معي تنسى اهم شي مرة تنسى الحطب ومرة تنسى الدجاج ومرة تنسى الشطة ومرة تعزم اخويناك الانذال ومرة تنسى المحفظة ومرة تجيب المحفظة وتنسى القطة ياخي تراك ذبحتني وش تبيني اسوي فيك....
انا كنت واقف ورا الدفرنس حق السفينة وقاعد اتسمع وميت ضحك على قلب المملكة مسوي انه خوي فرعون ويمون وفي الاخير طلع الصبي حق الطلعة هو اللي يسوي الشاهي....
المهم دخل قلب المملكة للمطبخ يسوي شاهي لحقته ويوم شافني قالي ترى فرعون يسأل عنك قلت له ياحبيبي ترى توني كنت عنده ويقولك جيب القطة....والا بتصير علوم ثانية......قال وش بيسوي قلت له انت عارف وتراني شفت كل شي ..... قالي تكفى لاتعلم احد ...قلت له ابسكت بس بشرط .....تشحن لي سوا ابو 130 ترى عليها عرض تطلع لك 200 ريال قالي احلف انك ماتقول لاحد قلت بدون حلف ما بقول لاحد بس اخلص علي ...شحن لي ....ورحت لزيدان قلت له ياحبيبي ابحولك رصيد انت وصلعتك هذي اللي كنها مخدة ......وابيك ترمي قلب المملكة في البحر قالي ابشر بس ماتقول لاحد....قلت له خلاص ابشر....المهم حولت له 25 ريال......
رحت لفرعون قلت له الحين وش نسوي طلعت بحر وش زينها ومافي طعم ولا صيد....
قالي فرعون كلها من خويك الفاغر هذا كل ما اطلع طلعة يخربها علينا ...قلت له ابعطيك حل واريحك منه هو والاصلع اللي معه بس على شرط ابي منك شنطة المجوهرات اللي في مجلس الرجال حقك....سكت برهة من الزمن .....وبعد ساعة وربع قالي خلاص ابشر....خذ الشنطة وعطني الحل .....قلت له الحل ياحبيبي انك تحطهم الاثنين طعم وترميهم في البحر.....طالع فيني وقالي الاثنين والا الثلوث...قلت له قسم بالله يافرعون ان صكيتك بقفا يدي ان مايردك الا الدافور حق الشاهي اللي في اخر السفينة....احنا جايين نتريق والا نشوف حل في المصيبة اللي حطيتنا فيها ....
المهم جبت زيدان وقلب المملكة وحطيتهم في السنارة ورميتهم في البحر.....وصفي لي الجو انا وفرعون راس براس.....قلت خلني الحين انام ومن اصبح افلح
في الحلقة القادمة: الفصل الاول عشر مع كائنات البحر
التعديل الأخير تم بواسطة قاصر الشر ; 08-02-2010 الساعة 01:55 AM
|
العرض العادي
