تكفون يأهل الخير ردو ا على سؤالي :
السلام عليكم ورحمة الله وبركاته لجميع الاعضاء :
انا خريجة جامعية قدمت على الوظيفةفي الخدمة المدنية كمعلمة مشكلتي اني عندي ضعف بسيط في السمع والبس سماعة واقدر ادرس الطالبات والسؤال هل اقدر اتوظف كمعلمة والا لازم سمع سليم وهل شفتوا احد معلم او معلمة عند ضعف في السمع يدرس في المدارس الحكومية تكفون لا تهملون رسالتي ولكم دعوة في ظهر الغيب.

و الله ما عندي علم
لكن ربك يوفقك و لا يكون فيه مثل هذا الفحص
إنتظري رد الأخوة و الأخوات يمكن يفيدونك
تأملي خير

اختي الكريمة انا خريج جامعي وانتظر وظيفة معلم حسب تخصصي
اللي اعرفه ان مشكلتك مافيها اي شيء اذا جاتك الوظيفة ان شاء
بيقبلونك ولا تشيلين هم .
الله يوفقك

الله يوفقك اختي
بس وش تخصصك؟

اختي حسب علمي لا يتم قبول من عندهم هذة المشكله ومن شروط الوظيفة في الخدمة المدنية ان يجتاز الفحص الطبي وتعتبر المشكله التي لديك من معوقات القبول والله يوفقك

اشكركم على الردود وتفاعلكم معي وابشروا بالدعوات لكم في ظهر الغيب.
الأخ: الدنيا عطالة: تخصصي بكالوريوس فيزياء واكمل ماجتسير ان شاء الله. الحمدالله المدارس الاهلية وظفوني كمعلمة من يوم تخرجت بس مليت منهم الراتب قليل ومجهود كبيرونظام شديد ودي الحكومي الاحسن من ناحية الراتب بس الحمدالله شيء مكتوب.

مشاللهـ عليكــ اللهـ يوفقكــ

مشكلتــكــ اتوقــعـ انهأ بسيطة يعنيـ زيـ مأدرستيـ بالأهلية بتدرسيـن في الحكومية

اللهـ يكوون بعووونكـ

الله يوفقك اختي
تخصص فيزياء ناااادرة اللي معها حسب علمي
وعليها طلب من قبل مدارس خاصة
كويس انك تكملين ماجستير
وان شاء الله بتحصلين عليها مثل ماحصلتي على بالكالريوس
المهم اذا دقوا عليك الديوان توكلي على الله ولاتشيلين هم وابتعدي عن الوسوسة
هذا الله اللي كاتبها لك الرزق وليس الديوان ولا المقابلة
بالتوفيق ان شاء الله

بنات لهم 9 سنين يكرفوا في مدارس أهلية ولا لقيوا لهم وظيفة حكومية وتقديراتهم في التقييم السنوي ممتاز

كله رزق كان عندك ضعف سمع ولا غيره

والرزق على رب العباد