هدوا اللعب يا شباب الدعوى تفاهم ونقاش وباذن الله نستفيد كلنا

يــاشــبـاب الكشف الطبي العيون وش طريقته

مثلا لوحه على الجدار وانت تحدد ولاكيف

يشباب كل التخصصات مطلوبه
بالتوفيق ان شاء الله
أسأل الله أن نجتمع سوا بالدورة 40

ونكرر مثل ماتحدث الاخ عاطل البطالي جزاه الله خير
يبقي قسم مايخص دورة40 القادمه إن شاء الله في كلية الملك فهد الأمنية مجرد مشاركات
لا أقل ولا أكثر والشروط واضحة وضوح الشمس

شباب عندي استفسار بسيط مرة

واحد من اخوياي عنده مؤسسة المهم ان الرجال وظفني عنده في مؤسسته...هل اقدر اقدم على الامنية والا لا؟ مع العلم انني طالب في الجامعه في الوقت الحالي؟
لو سمحتوا ياشباب لايرد علي شخص الا وهو عارف ومتاكد وعنده خلفية وفاهم في هالامور

شكراً

تقدر تقدم يامنتظم مدام الوظيفه ماهي حكومية يمديك
هل انت من الخرجين لهذا العام يعني الترم الثاني تتخرج

للتأكد اقرأ الشرط الى باللون الاحمر تبع كلية الملك فهد الامنية

شروط القبول:

1. أن يكون المتقدم سعودي الأصل والمنشأ، ويستثنى من شرط المنشأ من نشأ مع والده أثناء خدمته خارج المملكة.
2. أن يكون المتقدم قد أكمل الثانية والعشرين من عمره وألا يتجاوز الثلاثين من العمر وقت تقديم الطلب.
3. أن يكون المتقدم لائقاً طبياً وسليماً من الأمراض المعدية والعاهات الجسمية والعقلية.
4. أن يكون حائزاً على المؤهلات النظامية للتخصصات المطلوبة المعلن عنها وبتقدير لا يقل عن جيد ويشترط معادلة الشهادات من وزارة التعليم العالي بالنسبة لخريجي الجامعات غير السعودية .
5. أن يكون حسن الأخلاق والسمعة وغير محكوم عليه بحد شرعي أو في جريمة مخلة بالشرف والأمانة.
6. ألا يقل طوله عن 168سم وأن يتناسب الطول مع الوزن وفقاً للمعادلة التالية:
   • ( الحد الأدنى للوزن = الطول-100-15 ) . ( والحد الأعلى للوزن = الطول – 100+20 )
7. أن يجتاز الفحص الطبي والمقابلة الشخصية واللياقة البدنية واختبار القياس والتقويم .
8. أن يكون المتقدم غير متزوج من امرأة أجنبية.
9. ألا يكون المتقدم قد تعين على وظيفة حكومية خاضعة لنظام الخدمة المدنية أو العسكرية.
10. أن يكون حاصلاً على شهادة البكالوريوس بانتظام كلي وألا يكون قد مضى على تخرجه أكثر من عام واحد.
11. يستبعد أي طالب يتم قبوله نهائياً في أي كلية عسكرية أخرى.
12. أي شروط أخرى تضعها الكلية.

السلام عليكم ...............


أعقب على سؤال طارق ،،،،،،


عن كيفية فحص العيون ؟؟ وهل لازم إن النظر يكون ستة على ستة ؟؟؟



ياليت اللي عنده خبره يفيدنا ،، وشكراً ...................زز

بالنسبة لفحص النظر نوعين
1- على لوحة الحروف واتجاهاتها
2- فحص الالوان

بعدين التدقيق بيكون في بعض التخصصات
لان تخصصات الهندسة والصحة ما يدققون فيها كثير
يعني لو انت لابس نظاره وتشوف تمام تجتاز الاختبار بكل اريحية

تقدم بكل اريحية يا منتظم ما عندك مشكلة عاااااااااادي

أنا تخصصي علم اجتماع ومعدلي 4.39 قدمت السنة اللي راحت ومحد قبلنا مسكونا الباب وانتم جايين تفلسفون علينا وتقولون علم الاجتماع مطلوبين بكثرة تبون العلم الوكاد اللي ما عنده واسطه يريح نفسه وبلاش احلام على الفاضي شفنا وعشنا ناس انقبلت لا معدلات ولا وجيه ولا طول ولا سنون اللهم لا شماته وهذا هم في ميدان الكلية الامنية لا تحلمون واجد يمكن تنصدمون ويجيكم احباط وتتعبون نفسيا ولد خالتي قدم معي وتخصصه فيزيا ومعدله 3.57 وما قبلوه واللحين الرجال فيه لحسة مخ شوي تخيلو يوم اعلنوا القبول النهائي وما طلع اسمه جلس شهرين ما طلع من البيت من يومه بزر وهو يحلم انه يصير ضابط ما درى ان الواسطات ذابحة الناس بعدين لايجيني احد يقول ما فيه واسطات ترى والله العظيم لادعي عليه في كل صلاة ارحمونا من المثاليات ترى طفشنا اجل اللي ابوه عميد ولوى يصير ضابط واللي بوه موظف بالمرتبة التاسعة ماله نصيب يا ناس ريحونا من احلام اليقظه وآسف على الاطالة وعلى الخط العريض واللون الاحمر عشان تقرون الكلام مضبوط .