آنا متحمس ومتفآئل كثير ,


يآشباب آبي آسألكم آحد عنده خلفيه عن تطوير آلذات وقآنون آلجاذبيه ( كتآب آلسر ) آحد يعرف شي عنهآ ,


آلله يجعلني وآخوآني من آلمقبولين نهآئيا في دوره 40 بكل يسر وسهوله ,

آنا عندي فلم له مره آعجبني بس يعني وش آلخطوآت آللي آلواحد يسويهآ وهل هي حقيقيه ولآ تأليف غربي لآ آقل ولآ آكثر ,

طآلب آعلام آلله يرزقني ويآك آلقبول آلنهائي بس شكلك يآخوي مشحون بطآقه سلبيه , روق آلمنقآ , ^_^

آحس آلكتاب كآمل ككل يتلخص في قول آلرسول - صلى آلله عليه وسلم - تفآئلوا بآلخير تجدوهـ ,

آلكتاب بيوصل آلشي هذا تقريبآ ,

اتمنى اول شي ماحد يزعل مني
وبقولكم وش صار معانا بدورة 39 بالتفصيل
اول شي قدمنا وبعدها بكم يوم وطلع القبول المبدئ وبعدها رحنا للكليه على حسب اليوم المخصص لنا وبعدها كان الطول والوزن واللي يتجاوز هالشي يروح يسلم اوراقه ويعطونه طلب الالتحاق طلب الالتحاق في بيانات كثيره تخصك تعبيها وتجيب برنت من الاحوال طبعا انا كنت عايش بمنطقه والبطاقه مطلعها من منطقه ثانيه يعني لازم تاخذ البرنت من مصدر بطاقتك المهم عبينا كل شي وطلع القبول الثاني مواعيد طبي 1 و2 طبعا طبي 1 تدخل الطبيب النفسي وكان اسالته هل فيك مرض هل تعاني من اضطرابات هل تتعاطى مخدرات هل مسك جن الخ المهم الاجوبه كلها لا لا لا لا بعدين تروح للنظر ويفحصون النظر وكان تخصصنا الحاسب مافي مشكله انك تجي بالنظاره وبعدها الانف وبعدها الاسنان يقولك افتح فمك ابتسم يطالع ويقول امشي وبعدها تروح يسحبون دم منك وتروح الله يكركم وتبول طبعا كل هالاشياء اللي قلتها بطبي 1 بينهم مسافة متر بين كل عياده وبعدها تفسخ السروال وتقعد بابو رحله طبعا انا جبت سروال سباحه افضل واستر وتدخل على اللي يكشف على الخصوه يقولك نزل سروالك ارفع راس القضيب شوي يقولك امشي وبعدها تروح تصور اشعه للظهر وتتوكل على الله وتجي بالموعد الثاني ناسي كم بينهم يوم اعتقد بعده بيوم على طول طبي 2 تدخل على مقابله واحد فيه ثنين سالوني اسمك ومن وين متخرج وفيه اوراق منثوره على الطاوله يقولك خذ ورقه واقراها تقراها يقولك يعطيك العافيه
بعدها مقابله ثنين قبل ماتدخل يعطونك ورقه وين سافرت وسبب السفر وايش القنوات اللي تتابعها وهل انت مدخن بعدها يقابلك واحد بس رتبته كبيره عميد سالني زي الدردشه كذا من وين وايش المواقع اللي تدخلها عندك بنات متعرف على بنات و سال عن التخصص وهل انت متزوج المقابلتين سهلات جدا بعدها تطلع تروح للبصمات يبصمونك ويقولون لك تعال الساعه اربع عشان تختبر لياقه طبعا خلصنا متاخرين حنا وجلسنا بالكليه لين بدت اللياقه يسلمونك رقم و ينادون بالاسماء تجي يقيسون مرونتك( تحني ظهرك ) ويسجلون الدرجه وبعدين تصف حوالي كل عشرين واحد مع بعض وتبدا تلف حول المضمار لفتين ويقولون مع السلامه

وانا جامعي تخصصي علوم حاسب الي المعدل 3.5 من 5 قدرات 70 الطول 176 الوزن 70

هذا المختصر اللي صار معي والله يوفقكم

الله يوفق الجميع اما بالنسبة للي يقول في قبايل مميزه عن قبايل او مناطق عن اخرى هذا كلام ماهو صحيح لو الدعوى كذا كان جات فيها قبايل بس المعروف ان الكليات العسكرية فيها نسب كبيرة من بعض المناطق والقبائل وهذا ما هو تمييز قد يرجع لأمور مثل كثرة عددهم ،فمثلا الحرس الوطني معروف ان غالبيته قبائل بدوية من نجد وقد يرجع ذلك لوجود افواج لهم بالحرس الوطني ، اما الكلية الامنية (وزارة الداخلية) من المعروف ان اكثر القبائل اللي تتواجد فيها هم اهل الجنوب وخاصة قبائل عسير والباحة وقد يرجع هذا ايضا لكثرة عددهم وانتشارهم في الممكلة ...لكن اولا واخيرا المسألة ماهي مسألة قبيلة افضل من اخرى او منطقة عن اخرى المسألة كها ترجع للبيئة اللي يعيش فيها الشخص فمثلا اهل السواحل خاصة الحضر في الشرقية والحجاز ما يميلون للعسكرية خلاف اهل نجد واهل الجنوب وذلك لطبيعة البيئة القاسية اللي يعيشونها وانتم لو تقرأون عن خصائص اهل الصحرا والجبال تجدونها تختلف عن اهل الساحل فهم يتميزون بالشدة والقسوة خلاف اهل الساحل اللي يتميزون بالبساطه والانشراح وذلك يرجع للبحر اللي يشرح الصدر ماهو الطعوس او الجبال اللي تجيب الهم والضيقة وتخلي الواحد اخلاقه قافله معه المهم لاحد يجيب طاري ان فيه قبائل افضل من قبائل او احد افضل من احد هذي جريمة كبرى وانتهاك للحقوق الوطنية والدولة لها سنين وهي تبي ابناء هذا الوطن كيان واحد وتنبذ العنصرية وياما شفنا ناس غير قبليين وهم ماسكين مناصب بل وزارء وسفراء وشرفو بلدهم اسم القبيلة في هذا الزمن انتهى انت ينظر لك الان كشخص وماذا قدمت ولاينظر لاصلك او قبيلتك او منطقتك .

عندي سؤال موجه لأخووي مجنـgggكـ

الي هوو...

كم عدد طلاب الي معكم بالدوره تخصصهم علوم حاسب؟؟