ياشباب عندي سؤل اخير بس


القدرات اللي نختبرها في الجامعة زي اللي كانت بالثانوية ولاتختلف

يارجال نفسهاا اسئله عامه راجع كل شي كأنك رايح مسابقة من سيربح الملــــــــيون

ياخوان ياليت تجاوبوني

والي عنده المعلومه

انا كل شئ تمام وابقدم في الدورة اقادمه

لكن ابستفسر

انا مسوي عمليه زايده قبل خمس سنوات

كيف وضعي

مع ان مافيها اي ضرر مثل عمليات العظام والاسياخ

حيث لياقتي فل والحمدلله والعب حديد من زمن

ومشارك عدة مرات في سباق اختراق الضاحيه

أشكر صاحب الموضوع على موضوعه الرائع والمحمس في نفس الوقت


عندي استفسار

انا تخصصي قانون بمعدل جيد وكل شي تمام الا الوزن


وزني 53 وطولي على ما اعتقد 172 ؟ هل هم يستبعدون عشان الوزن ؟ اعرف ناس قبلو وقعو تعاهد على رفع وزنهم *؟ ممارسة الحديد تزيد من وزن الشخص ؟

وشاكرين ومقدرين

آه يالامنية ياحلم طال أنتظاره
والله اللي ينقبل أمه داعية له بالخير
بس يجب أن كل واحد يقدم يضع نسبه قبوله 1%حتى ماينصدم بالواقع المولم

أهم شي بالامنية التخصص وعدد المتقدمين من تخصصك

سلام يا شباب

اولا اشكركم على المعلومات اللي بالموضوع بصراحه استفدت من كلامكم كثير

لكن فيه اشياء ما ادري على اي اساس مستندين عليها

انا قرات الموضوع كامل حرفا حرفا وفيه اشياء ابيكم تركزون عليها ولا تستعجلون بالحكم فيها

يمكن يجي تغيير بالشروط للسنه هذي يمكن يفتحون المجال للثانوي ما تدرون ويفتحون المجال لاكثر من 3 سنوات ويسمحون للي معدله اقل من جيد (مساكين لا تحطمونهم)


غير كذا التخصصات المطلوبه ( اغلبكم يفكر التخصصات الموجوده في الموضوع هي اللي بيقبلونها السنه هي ابي افهم ليش) مع انهم كل سنه يغيرون طبعا اغلب التخصصات ثابته لكن فيه تخصصات تحذف في بعض السنوات وفيه تخصصات تضاف

يعني الجدول الموضوع في واللي يوضح التخصصات ليس معتمد ( لا تحطمون العالم يمكن يضيفون تخصصات اخرى)


فيه شي واللي هو ليس شرطا ان كل من تنطبق عليه الشروط ان يقبل واللي اعرفه ان الوزن والطول المثاليه لها الدور الاكبر في القبول

اخيرا

الف شكر لصاحب الموضوع لانه بكل صراحه نزل الموضوع المناسب في الوقت المناسب
واتمنى اننا نتواجد جميعا في هذا الموضوع وكل من لديه معلومات جديده يخبرنا فيها


سؤال اخير لاني حتى انا مثلكم انتظر التقديم

متى ستعلن الكلية اعلان رسمي عن الشروط والتخصصات المطلوبه لهذه السنه ؟

اسف على الاطالة

يا شباب خلوها على الله انا يمديني اقدم على الخدمة للوظائف الصحية عن طرق التوظيف المباشر وبسرعة اتعين لكني منتظر الامنية لاني رغبتي فيها ادا الله وفقني مع ان اهلي ينصحوني بالوظائف المدنية لكن ما سمعت كلامهم لاني متكل على الله وزي ما تجي تجي اهم شي اوسع بالي و ادا لي نصيب باخده