بسم الله الرحمن الرحيم
.. صباحكم خير إن شاء الله ..
،، الطفل المدخن بحارتنا ،،
الزمان : قبل صلاة المغرب بثلث ساعة تقريباً
المكان : بحارتـــنا ..
من كم أسبوع شفت شخص عند العمارة اللي تبعد عن بيتنا عدة أمتار
في البداية ما أهتميت ..
لكن إحساسي بأن فيه شي غير عادي خلاني أرجع وأتابع الأحداث
خاصة ان هالشخص كان يتحرك بطريقة مريبة
وفجأة .. طلع طفل يتمشى بالسيكل ويحوم حول المكان اللي فيه هالشخص
وشوي شوي بدأ هالشخص يطلع من الزاوية اللي كان فيها ويتجه للطفل اللي يتمشى بالسيكل ..
من كان هالشخص ووش كان يسوي ؟!!
كان هالشخص .. طفل عمره 10 أو 11 سنة تقريباً
وللأسف كان ............ يدخن ..
وهم يمشون الطفل المدخن يمشي والطفل المراقب على السيكل
أتجه الطفل المدخن يسار .. أنا في نفسي قلت يمكن يبي يروح لبيتهم ..
لكن توقعاتي خابت .. الطفل أنحنى للأرض وأخذ .... ...... عطر
.. بخ العطر على ملابسه ويده
ورجع للي معه .. صافحه وسلم عليه
أنا فهمت أنه من هالحركة يبي يتأكد أن مافيه ريحة دخان
وطلع العلكة ... !! ثم ركب الطفل المدخن السيكل والمراقب أخذ مكانه في المشي
أنا ما كملت الأحداث وأكتفيت باللي شفته وتركتهم واقفين يسولفون ...
أذن المغرب وهم مكانهم ..
ياترى وش اللي يخلي الطفل يدخن ؟!
هل من باب التجربة ؟!
هل لمشاهدة الطفل والده أو أحد أخوانه يدخن ؟!
أم بسبب المشاكل العائلية والعنف ؟!
أو أن أحد أصدقاءه يدخن ؟!
طيب ،، بعد مايدخنون .. وش الأسباب اللي تغريهم ..
وتخليهم يستمرون في التدخين !!
العرض الشجري
