07-03-2010, 03:10 AM
|
 |
|
|
تاريخ التسجيل: Apr 2008
الدولة: ҉ .₪الـطـــائـــف₪ ҉ .
المشاركات: 2,399
معدل تقييم المستوى: 1891354
|
|
اقتباس:
المشاركة الأصلية كتبت بواسطة مونس الفرقى
السلام عليكم ورحمة الله وبركاته
اخواني الافاظل المتواجدين ( اسال الله ان يبارك لكم وان يرزقكم من حيث لا تحتسبون) آمين
الحين .. السواقين - والمراسلين - والخدمات (كلهم في دورة وحده ) !!
العموم كلهم بدورة وحده سواقين ومراسلين وخدمات وبعد ما يخلصون الفرد الاساسي اللي هي فترة الـ 45 يوم بعدها فيه 45 ثانيه مدري وش يسمونها ناسي والله بس الظاهر لللتخصص عشان يكملون 3 شهور واسبوع او اسبوعين بعدها يرجعون بتاريخ 15/6 اللي تخصص امن وحمايه يكملون دورتهم ويكون اسمها (تأهيل امني) عشانهم امن وحمايه ومدتها شهرين يعني يصير مجموع الدورة كلها 5 شهور
( التاريخ اللي قلته هذا محدد بخطة تدريب القوات الجوية من العام اللي راح بس احتمال يتأخر اسبوع او يزيد اسبوع مو اكثر على حسب وقت التخرج اذا بيخلونكم تكملون المده كامله ولا بتشطفون اسبوع ويخرجونكم بدري قبل موعدكم) .
*** ومحدد بعد ان الدورة بتاريخ 1/4/1431هـ والعدد اللي عندي انكم (800) طالب وبعد ما تصفي اللي مالهم علاقة بدورة التأهيل الامني يصير العدد (600) يعني امن وحمايه تقريبا 600 طالب ***
** فيه نظام جديد انه يمكن يلغون شي اسمه مراسل ويحولونهم خدمات او سواقين **
بس باقي ما جا شي رسمي للحين..
(والحين صاروا يصرفون لهم بدل يجيهم مره وحده بالسنه لان ما عندهم بدلات ورواتبهم ضعيفه شوي واقل من التخصصات الثانيه مثل الاعانه تقريبا)
طيب كم مدة دورة السواق كم شهر .. وكم شهر تخصص !! وهل للسواقين دورة فرد اساسي !
نفس الاجابه اللي فوقوبالنسبه للتخصص اذا ماني مضيع انها شهرين او 3 شهور ما تزيد عنها ويقدر ياخذها بعد ما يتخرج ويداوم يرفع ترشيح للدوره من قسمه ويروح لها
(ودورة التخصص وين هل هي بالطائف او بالخرج )
اللي اعرفه ان لهم دورة تعقد بالخرج وبقاعدة الملك فيصل بتبوك بس دورتها عندي الحين بالنشره التدريبيه مالقيتها الظاهر مغيرين المسمى حقها او نقلوها لقاعدة
وكم راتب السواق بالقاعدة الجوية ! وكيف طبيعة دوامه !
الراتب والله ما عندي معلومه اكيده بالضبط عنه لكن تقريبا بحدود 4000 وعليها وزيادة شوي
والدوام عادي مريح اذا فيه معاملات يروح يوديها للأقسام الثانيه ويرجع ينبطح بالمكتب واذا فيه اوراق او احد يبي شي خاص بالقسم يروح يجيبها هي حلوه بس اذا سلم من الضباط اللي حاطين الناس سواقين عند اهاليهم مو عند الدوله ويرسلك لمشاويره الخاصه
لكن لاتعطيه وجهه من بدري عشان ما يولف عليك
واذا كانوا فيه اكثر من سواق بالقسم والمسئول المباشر عنهم طيب يقدرون يقسمون الدوام بينهم يعني كل يوم واحد منهم يداوم
وهذا اللي صاير عندنا
- المراسلين كم مدة دورتهم + كم رواتبهم الاساسي مع البدلات [ بالثانوية والكفائة]!!
كلهم 3 شهور وعليها كم اسبوع والراتب برضه ما عندي علم اكيد عنه لكن يجون الاخوان برج الطائف ودنياي ويفيدونك وانا لو لقيت معلومه عنها ان شاء الله اجيبها لكم
ودوامه نفس دوام السواق يعني يشتغل على الخطين على مايقولون
والسواق نفس الطريقه على الخطين سواق ومراسل
ووين ياخذون دورة تخصصهم (اذا عندهم تخصص )..
مالهم دورات واغلب اللي يجون مراسلين دورات يحولون يا سواق
يا خدمات يا كاتب بعد ما يخلص 5 سنوات خدمه
بس طبعا يبيلها شووووية واسطه وتمشي اموره
- والخدمات كم رواتبهم وطبيعة دوامهم .. وكم بدلاتهم (طبعا بالثانوية وبالكفائة)
الراتب هذا وراي وراي
والله ما احب اصرف من جيبي وانا ما عندي علم اكيد
والدوام مكتبي يعني مريح
وشاكرين لكم (لان اكثر الشباب ارسلو لي على الخاص .. اني اطرح هالتساؤلات للاخوان برج الطائف ومجنون شهار ودنياي الطفش )
فالله يكتب اجرهم ويفتح عليهم ويبارك لهم ولاهاليهم ..
واتمنى الفائدة للكل ..
(وبانتظار تعقيب الاخوان) |
اتمنى اذا باقي شي ما جاوبت عليه او مو واضح يجي اخوي برج الطائف او دنياي ويكملون الناقص وان شاء الله ما بيقصرون ،،، لان فيه اشياء بعيده عني ولا اقدر اتكلم فيها بدون خبر اكيد
التعديل الأخير تم بواسطة أبــونــاديــن ; 07-03-2010 الساعة 03:26 AM
|
العرض العادي
